完整藏文原文 · 德格版页 当前仅加载第 67 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་ཇི་ལྟ་བུར་གཟུང་དུ་མེད་ཅིང་ཀུན་ནས་ལྡང་བ་མེད་པ་དང་། དངོས་པོ་མེད་པ་དེ་ལྟར་དེ་བཞིན་དུ་གཟུགས་ཀྱི་མཚན་ཉིད་ཀྱང་མིག་ཡོར་ལྟ་བུ་དང་། ཚུ་རོལ་དང་ཕ་རོལ་བྲལ་བའི་གནས་མེད་པའོ། །གཟུགས་ཀྱི་མཚན་ཉིད་ནི་མཉམ་པའི་མཚན་ཉིད་དང་། །སྒྲ་བརྙན་ལྟ་
D263.067.0141a01.01བུ་དང་། ལྦུ་བའི་ཕུང་པོ་ལྟ་བུ་དང་། ཆོས་ཀྱི་དབྱིངས་དང་། ནམ་མཁའི་ཁམས་ཀྱི་གཟུགས་ཀྱི་སྒྲ་བརྙན་ནི་ཁམས་མེད་པ་དང་། ཐ་དད་པ་མེད་པ་དང་། མཚུངས་པ་མེད་པ་དང་། འཁྲུག་པ་མེད་པའོ། །དེ་ལྟར་དེ་བཞིན་དུ་ཆོས་འདི་དག་ཀྱང་ནམ་མཁའ་ལྟ་བུའོ། །གཟུགས་ཀྱི་སྣང་བ་
D263.067.0141a02.01དེ་ཡང་གཟུང་དུ་མེད་པ་དང་། བསགས་པ་མེད་པ་དང་། སྐྱེ་བ་མེད་པ་དང་། འབྱུང་བ་མེད་པ་དང་། གཡོ་བ་མེད་པ་དང་། འགྱུར་བ་མེད་པ་དང་། འཆི་འཕོ་བ་མེད་པ་དང་། མི་གནས་པ་དང་། བདག་དང་གཞན་གྱི་ལ་མི་ལེན་པ་དང་། ཡོངས་སུ་མི་རྟོག་པ་དང་། ཆགས་པ་
D263.067.0141a03.01མེད་པ་དང་། བྱས་པ་མེད་པ་ཐམས་ཅད་གཟུགས་ཀྱི་སྣང་བའོ། །དེ་ལྟར་དེ་བཞིན་དུ་འདུ་བྱེད་ཐམས་ཅད་ཀྱི་ལམ་ལས་ཤིན་ཏུ་འདས་ཤིང་མིག་གི་རྣམ་པར་ཤེས་པའི་ལམ་ཀུན་ནས་ལྡང་བ། ལྦུ་བའི་ཕུང་པོ་ལྟ་བུའི་གཟུགས་ཀྱི་སྣང་བ་མིག་གི་རྣམ་པར་ཤེས་པས་སྟོང་པ་དེ་ཡང་མིག་
D263.067.0141a04.01འབྱུང་བ་ཆེན་པོ་བཞིའི་རྒྱུའོ། །བདག་མེད་པའི་ཕྱིར་འབྱུང་བ་ཆེན་པོ་བཞི་པོ་དེ་དག་ཀྱང་སྟོང་པ་སྟེ། ཇི་ལྟར་གོང་དུ་བཤད་པ་བཞིན་དུ་བདག་ཏུ་དམིགས་པའང་མེད་དོ། །མིག་གཉིས་ནི་རྒུན་འབྲུམ་ཙམ་སྟེ། མིག་རེ་རེ་ལའང་ཚད་མེད་པའི་རྡུལ་ཤིན་ཏུ་ཕྲ་བའོ། །རྡུལ་ཤིན་
D263.067.0141a05.01ཏུ་ཕྲ་བ་ལའང་འབྱུང་བ་ཆེན་པོ་བཞི་པོ་སོགས་སོ། །འབྱུང་བ་ཆེན་པོ་བཞི་པོ་རེ་རེ་ལའང་བདག་ཏུ་མི་དམིགས་ཤིང་སེམས་ཅན་དུ་མི་དམིགས་ན། དེ་ལ་རྣམ་པར་ཤེས་པའི་གནས་སམ། ཀུན་ནས་ལྡང་བའང་ལམ་དུ་ཤེས་པར་ལྟ་ཅི་སྨོས། རྡུལ་ཤིན་དུ་ཕྲ་བ་དེ་དང་དེ་དག་ལ་ཇི་
D263.067.0141a06.01ལྟ་བ་བཞིན་དུ་མིག་འབྱུང་བ་ཆེན་པོ་བསགས་པ་དང་། རྒུན་འབྲུམ་ཙམ་དུ་ཡོངས་སུ་བརྟག་གོ། །ཡོངས་སུ་བརྟགས་པ་དེས་དེ་ལ་མིག་གི་རྣམ་པར་ཤེས་པའི་གནས་པ་དང་ལམ་ཡང་མེད་དོ། །དེས་ཡང་དག་པར་ཡོངས་སུ་བརྟགས་པས་སེམས་ཅན་མིག་ཡོངས་སུ་བརྟགས་པར་
D263.067.0141a07.01