完整藏文原文 · 德格版页 当前仅加载第 67 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་སྣ་ཚོགས་ཀྱིས་མཆོད་པས་མཆོད་པའི་གནས་སུ་བྱས་པར་གྱུར་ཏོ། །བཙུན་པ་བཅོམ་ལྡན་འདས་ཇི་ལྟར་ཁྱོད་ཟླ་བ་གསུམ་པ་དེ་དག་ལས་ཤིན་ཏུ་འདས་ནས་རྒྱལ་པོའི་ལོངས་སྤྱོད་དང་། ཀུན་ཏུ་སྤྱོད་པ་ཐམས་ཅད་སྤངས་ཏེ། དེ་བཞིན་གཤེགས་པ་ཚངས་པའི་དབང་པོ་དེའི་སྤྱན་སྔར་སྲོག་ཆགས་
D263.067.0197b01.01སྟོང་ཕྲག་བཅུ་དང་ཐབས་ཅིག་ཏུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་གྱོན་ནས། ཡང་དག་པར་དད་པས་རབ་ཏུ་བྱུང་བ་དེ་བཞིན་དུ་བདག་ཀྱང་རབ་ཏུ་བྱུང་བ་ནས་བཅོམ་ལྡན་འདས་དེ་བཞིན་གཤེགས་པ་ཡུལ་གཞན་དུ་རྒྱུ་ཞིང་གཤེགས་པའི་བར་དུ་དེ་ནས་བདག་ཀྱང་གྲོང་རྡལ་གཞན་དུ་བསོད་
D263.067.0197b02.01སྙོམས་ཀྱི་ཕྱིར་ཕྱིན་ཏེ། གྲོང་རྡལ་དེར་མཆོད་སྦྱིན་ཆེན་པོ་སོ་སོར་གནས་པར་གྱུར་ཏོ། །དེ་ལ་ཡང་སྲོག་ཆགས་མང་པོ་གསད་པར་བྱ་བར་འདོད་པ་དེ་ལ་གལ་ཏེ་བདག་སེམས་ཅན་འདི་དག་གསོད་པ་ལས་ཡོངས་སུ་མ་ཐར་ན། བདག་ཉིད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D263.067.0197b03.01ཏུ་མངོན་པར་འཚང་རྒྱ་བར་མི་བྱ་ཞིང་རྒ་ཤིའི་ཆུ་བོ་ལས་སེམས་ཅན་ཡོངས་སུ་སྨིན་པར་མི་ནུས་སོ་ཞེས་སྙིང་རྗེ་ཆེན་པོ་སྐྱེས་ཏེ། དེར་ཉེ་བར་ཕྱིན་ནས་དྲིས་པ། ཀྱེ་གང་གི་ཕྱིར་མཆོད་སྦྱིན་འདི་བྱ། དེ་དག་གིས་སྨྲས་པ། ཡུལ་འདིར་ཆར་མི་འབབ་པར་འགྱུར་ཞིང་། མུ་གེ་ཡང་འབྱུང་
D263.067.0197b04.01བ་དང་། འདིར་སེམས་ཅན་མང་པོ་ནད་ཀྱིས་གོས་པ་དང་། ལོང་བ་དང་། ཞར་བར་འགྱུར་བ་དང་། ནང་འཁྲུག་འབྱུང་བ་དང་། རྒྱལ་པོའི་ཞམ་རིང་བ་དང་། བློན་པོ་དང་། གྲོང་དང་། ལྗོངས་དང་། མིའི་མཆོག་གཅིག་ལ་གཅིག་འཁྲུག་པ་རྣམ་པ་དེ་ལྟ་བུའི་ལྟས་ངན་པ་དེ་དག་
D263.067.0197b05.01མེད་པར་བྱ་བ་དང་། ནད་རབ་ཏུ་ཞི་བར་བྱ་བ་དང་། ཀུན་འདུས་པར་བྱ་བའི་ཕྱིར་མཆོད་སྦྱིན་འདི་བྱའོ། །དེ་ནས་དེ་དག་ལ་བདག་གིས་འདི་སྐད་ཅེས་སྨྲས་སོ། །བཞིན་{བཟངས་,བཟང་}སེམས་ཅན་འདི་དག་གསོད་པ་ལས་ཡོངས་སུ་ཐར་བར་ནུས་ཀྱིས་མཆོད་སྦྱིན་གྱི་ར་བ་འདིར་མ་གསོད་
D263.067.0197b06.01ཅིག །བདག་གིས་ཁྱོད་ལ་མུ་གེ་དང་། ཆར་མི་འབབ་པ་དང་། ནད་དང་། ནང་གི་འཁྲུག་པ་ཐམས་ཅད་ཡོངས་སུ་ཞི་བར་བྱའོ། །དེ་དག་གིས་སྨྲས་པ། དགེ་སྦྱོང་མགོ་རེག་ནུས་སམ་ཞེས་པ་དང་། བདག་གིས་སེམས་ཅན་དེ་དག་ལ་མཆོད་སྦྱིན་གྱི་ར་བ་མི་སྣང་བར་བྱས་
D263.067.0197b07.01