完整藏文原文 · 德格版页 当前仅加载第 67 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བཞེངས་ནས། བཅོམ་ལྡན་འདས་ཀྱི་དྲང་སྲོང་གི་ཆ་བྱད་ཇི་ཙམ་པ་མི་སྣང་བར་གྱུར་ཏེ། སངས་རྒྱས་ཀྱི་སྐུ་མཚན་རབ་སུམ་ཅུ་རྩ་གཉིས་ཀྱིས་སྐུ་ཡང་དག་པར་བརྒྱན་ཏེ་བཞུགས་སོ། །དེ་ལྟར་དེ་བཞིན་དུ་གང་གཞན་ལ་ལ་དག་ཀྱང་དྲང་སྲོང་གི་ཆ་བྱད་མི་སྣང་བར་གྱུར་ཏེ། སྔོན་གྱི་ལུས་ཇི་ལྟ་བ་
D263.067.0110b01.01བཞིན་དུ་འཁོད་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་གཟི་བརྗིད་དྲི་མ་མེད་པ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཁྱོད་ཀྱིས་ཇི་ལྟ་བུར་བསྟན་པ་དེ་བཞིན་དུ་གཉིས་སུ་མེད་པའི་སྒོ་འདི་བསྟན་པར་བྱ་བ་ལེགས་སོ་ལེགས་སོ། །རིགས་ཀྱི་བུ་ཁྱོད་ནི་ཆོས་
D263.067.0110b02.01ཀྱི་སྒོ་འདི་ལ་ལུས་དཔང་དུ་བཙུགས་ཏེ། དེ་ལྟར་ཁྱོད་ཀྱིས་ཚད་མེད་པའི་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་དོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། མི་དང་
D263.067.0110b03.01མི་མ་ཡིན་པ་རྣམས་བཅོམ་ལྡན་འདས་ལ་མཆོད་པ་སྣ་ཚོགས་བྱས་སོ།། །།བམ་པོ་གསུམ་པ། དེ་ནས་དེའི་ཚེ་ན་འཇམ་དཔལ་གཞོན་ནུར་གྱུར་པ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་
D263.067.0110b04.01སྦྱར་ཏེ། ཕྱག་འཚལ་ནས་བཅོམ་ལྡན་འདས་ལ་ཆོས་བསྟན་དུ་གསོལ་བའི་ཕྱིར་ཚིགས་སུ་བཅད་པའི་ཡོན་ཏན་འདི་དག་གིས་བསྟོད་དོ། །རྒྱལ་བ་མི་མཉམ་ཞིང་{མངས་,མང་}དག་ཁྱབ་པ། །ཉོན་མོངས་དགྲ་ཞི་འདི་ལ་མངོན་པར་གནས། །ཐུབ་པ་ཤིན་ཏུ་རྣམ་གྲོལ་འདིར་
D263.067.0110b05.01ཞུགས་ཤིང་། །ཁྱོད་ཀྱིས་འགྲོ་ལ་བཟོད་པའི་མཆོག་འདི་སྟོན། །རབ་ཏུ་ཞི་ཐུགས་བརྟུལ་ཞུགས་ཡོངས་སུ་དག །ཐུབ་པ་མཆོད་སྦྱིན་བགྱིས་པ་བཟོད་དགེ་གསུངས། །འགྲོ་ལ་བདེ་སྦྱིན་དྲང་སྲོང་ཤེས་རབ་འཆང་། །གཏི་མུག་འཇིག་མཛད་འདི་ལ་བདུད་རྩི་ཆར། །འདི་ལ་
D263.067.0110b06.01ལྷ་ཀླུ་སེམས་ཅན་མི་མང་པོ། །ཤིན་ཏུ་གསལ་ཡིད་མྱུར་དུ་ཞིང་གང་བ། །འགྲོ་བ་ཐམས་ཅད་ཁྱོད་ཞལ་ལྟ་ཞིང་འདུག །ཉོན་མོངས་ཡོངས་སུ་སྤངས་ཏེ་དམ་ཆོས་གསུངས། །སྔོན་ཆད་རྒྱལ་བ་ཁྱོད་ཀྱང་ཀུན་སྤྱོད་བསྟན། །མིག་གཉིས་རྐང་པ་ལག་པ་ལྕེ་བྱིན་ཞིང་། །པགས་
D263.067.0110b07.01