完整藏文原文 · 德格版页 当前仅加载第 67 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་སྟོན་པར་འགྱུར་རོ། །གང་ཡང་ད་ལྟར་གྱི་སངས་རྒྱས་བཅོམ་ལྡན་འདས་ཕྱོགས་བཅུའི་ཉོན་མོངས་
D263.067.0185b01.01པ་དང་། རྙོག་པ་ལྔའི་སངས་རྒྱས་ཀྱི་ཞིང་ཚད་མེད་གྲངས་མེད་པ་ན་བཞུགས་ཤིང་འཚོ་སྐྱོང་སྟེ། སེམས་ཅན་རྣམས་ལ་ཆོས་སྟོན་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཡང་དག་པར་སྤྱོད་པའི་ཚུལ་ནམ་མཁའི་
D263.067.0185b02.01མདོག་གིས་འདུལ་བའི་བཟོད་པ་འདི་སྟོན་ཏོ། །བཞིན་{བཟངས་,བཟང་}བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་སྤེལ་བའི་ཕྱིར་བཟོད་པ་འདི་མང་དུ་བྱེད་དོ། །བྱང་ཆུབ་སེམས་དཔའ་གང་གིས་དགེ་བའི་རྩ་བ་ཆེན་པོ་ཡོངས་སུ་སྦྱང་བར་བྱས་པ་ནི་སེམས་དཔའ་ཆེན་པོ་ཞེས་བྱ་སྟེ། འདུ་བྱེད་
D263.067.0185b03.01ཐམས་ཅད་ལས་ཡང་དག་པར་ཤིན་ཏུ་འདས་པར་ཡང་འགྱུར་རོ། །སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་འདུ་བྱེད་ཐམས་ཅད་ཀྱི་སྤྱོད་ཡུལ་དུ་འགྱུར་ཞིང་མྱ་ངན་ལས་འདས་པའི་ཡུལ་དུ་སོང་བར་ཡང་དག་པར་མཐོང་ངོ་། །ངོ་བོ་ཉིད་མེད་པ་དང་། ཚིག་གི་ལམ་
D263.067.0185b04.01མེད་པ་དང་། སྟོང་པ་ཉིད་དང་། དངོས་པོ་མེད་པ་དང་། མཚན་མ་མེད་པ་དང་། མཚན་ཉིད་མེད་པ་དང་། སྨོན་པ་མེད་པ་དང་། ཁམས་གསུམ་ལས་ཡང་དག་པར་ཤིན་ཏུ་འདས་པའི་ཆོས་མཚུངས་པ་ཉིད་དུ་ཤེས་ཏེ། དབེན་པ་ཆགས་པ་མེད་པའི་ཡུལ་དུ་འགྱུར་ཞིང་
D263.067.0185b05.01འདུ་འཛིའི་ཡུལ་དུ་ཡང་ཡང་དག་པར་མཐོང་ངོ་། །བསམ་གཏན་གྱི་ཡུལ་ལ་ཆགས་པར་འགྱུར་ཞིང་བཙུན་མོའི་འཁོར་གྱི་དབུས་ཀྱི་ཡུལ་དུ་སོང་བར་ཡང་ཡང་དག་པར་མཐོང་ངོ་། །མངོན་པར་འདུ་མི་བྱེད་པའི་ཡུལ་དུ་འགྱུར་ཞིང་ཡུལ་ཐམས་ཅད་ཀྱི་སྤྱོད་ཡུལ་དུ་ཡང་ཡང་དག་པར་མཐོང་
D263.067.0185b06.01ངོ་། །ཡུལ་ལས་ཤིན་ཏུ་འདས་པར་འགྱུར་ཞིང་བདུད་བཞིའི་ལམ་གྱི་ཡུལ་དུ་ཡང་ཡང་དག་པར་མཐོང་ངོ་། །འཕགས་པའི་སྐྱེ་བོའི་ཡུལ་དུ་འགྱུར་ཞིང་འཕགས་པ་མ་ཡིན་པའི་སྐྱེ་བོའི་ཡུལ་དུ་ཡང་ཡང་དག་པར་མཐོང་ངོ་། །འཇིག་རྟེན་གྱི་ཡུལ་ལས་ཡང་དག་པར་ཤིན་ཏུ་འདས་པར་འགྱུར་
D263.067.0185b07.01