完整藏文原文 · 德格版页 当前仅加载第 67 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་མ་ཐག་ཏུ་དེ་ནས་དེ་ཉིད་ཀྱི་ཚེ་ན་སྟོང་གསུམ་གྱི་སྟོང་ཆེན་པོའི་ས་ལན་དུ་མ་གཡོས་སོ། །ལྷ་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོས་ཀྱང་ལེགས་སོ་ཞེས་བྱ་བ་བྱིན་ནོ། །ལྷ་རྫས་ཀྱི་རོལ་མོ་བརྡུང་བ་བྱེ་བ་ཁྲག་ཁྲིག་བརྒྱ་སྟོང་གིས་རབ་ཏུ་དཀྲོལ་ཏོ། །ལྷ་རྫས་ཀྱི་མེ་ཏོག་དང་། སྤོས་དང་།
D263.067.0180b01.01དྲི་དང་། ཕྱེ་མ་དང་། བྱུག་པའི་ཆར་སྣ་ཚོགས་རབ་ཏུ་བབ་ནས་ལྷ་བྱེ་བ་ཁྲག་ཁྲིག་མང་པོས་མགྲིན་གཅིག་ཏུ་འདི་སྐད་ཅེས་གསོལ་ཏོ། །སྐྱེས་བུ་དམ་པ་ཁྱོད་ཀྱིས་རྣམ་པ་དེ་ལྟ་བུའི་རྩལ་ཆེན་པོ་བྱ་བར་ནུས་ཤིང་སྐྱེས་བུ་དམ་པ་ཁྱོད་ཀྱིས་ལེགས་པར་བཤད་པ་ལེགས་སོ་ལེགས་སོ། །
D263.067.0180b02.01སྐྱེས་བུ་དམ་པ་ཁྱོད་དང་བདག་ཅག་ནི་བྱམས་པའི་རྗེས་སུ་འབྲང་བའི་གྲོགས་པོར་འགྱུར་རོ། །དེ་ལྟར་སྐྱེས་བུ་དམ་པ་ཁྱེད་རྒ་ཤིའི་ཕ་རོལ་གྱི་ལམ་བསྟན་པ་སྟོན་པར་གྱུར་ཅིག །སྡིག་པ་སྤོང་བ་དེ་ང་ནི་ཞག་བདུན་པ་གཉིས་ཀྱི་བར་དུ་དབེན་པས་རྗེས་སུ་རྟོག་ཅིང་གནས་པས་ཞག་བདུན་ན་
D263.067.0180b03.01དེ་དག་གིས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ཐོབ་པར་གྱུར་ཏོ། །ཞག་བདུན་པ་དེ་ལས་ཤིན་ཏུ་འདས་ནས་གནོད་སྦྱིན་བྱེ་བ་མང་པོ་སངས་རྒྱས་ཀྱི་ཞིང་ཤིན་ཏུ་རྣམ་པར་ཕྱེ་བ་ཐམས་ཅད་དུ་སྒྲ་འབྱིན་པར་གྱུར་ཏོ། །དབྱངས་ཀྱི་རྗེས་སུ་ཉན་
D263.067.0180b04.01པར་གྱུར་ཏོ། །སེམས་ཅན་རྣམས་ལ་སྐྱོ་བ་སྐྱེད་པར་བྱེད་པ་ནི་ཀྱེ་སེམས་ཅན་རྣམས་ལོངས་ཤིག །གླིང་བཞི་པའི་དབུས་ཀྱི་རྒྱལ་པོ་བསོད་ནམས་འོད་ཟེར་གྱི་མཛོད་གང་ན་བ་དེར་ཉེ་བར་སོང་ཤིག་དང་། དེ་ཞག་བདུན་ན་བྱུང་སྟེ་དཀའ་ཐུབ་ཀྱི་ནགས་ཚལ་དུ་སོང་ནས་སེམས་ཅན་རྣམས་
D263.067.0180b05.01ལ་རྒ་ཤིའི་ཕ་རོལ་དུ་འགྲོ་བ་ཞི་བའི་ལམ་སྟོན་པར་འགྱུར་རོ། །དེ་ང་ནི་མཁར་གྱི་རྒྱལ་པོ་དྲུག་ཅུ་རྩ་བཞི་དང་བུ་དང་བཅས་པ་དང་། མཁར་གྱི་རྒྱལ་པོའི་བུ་ཁྲག་ཁྲིག་དགུ་བཅུ་རྩ་གཉིས་དང་། བགྲང་བ་ལས་ཤིན་ཏུ་འདས་པའི་སེམས་ཅན་དང་ལྷན་ཅིག་ཏུ་ཉི་མ་བདུན་པ་དེ་ལས་ཤིན་ཏུ་འདས་
D263.067.0180b06.01ནས་བྱུང་སྟེ། ཁྱིམ་གྱི་ལོངས་སྤྱོད་དང་། ཀུན་ཏུ་སྤྱོད་པ་ཐམས་ཅད་དང་། ཁྱིམ་པའི་མཚན་མ་ཐམས་ཅད་སྤངས་ཤིང་སྐྲ་དང་ཁ་སྤུ་བྲེགས་ནས་མེ་ཏོག་བན་དུ་ཇི་སྙེད་པ་རལ་པ་ལ་བཏགས་ཏེ་གོས་ཁ་དོག་བསྒྱུར་བ་གྱོན་ནས། དཀའ་ཐུབ་ཀྱི་ནགས་ཚལ་དུ་དོང་སྟེ། དེ་ཡང་དེ་ལ་གནས་
D263.067.0180b07.01