完整藏文原文 · 德格版页 当前仅加载第 67 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་གོ་ཆ་གང་ཞེ་ན། རིགས་ཀྱི་བུ་གང་བྱང་ཆུབ་སེམས་དཔའ་རྣམས་ཤིན་ཏུ་བརྟན་པའི་བརྩོན་འགྲུས་ཀྱིས་མོས་ཤིང་ཕ་རོལ་གནོན་པར་འགྱུར་བ་དང་། ཕ་རོལ་ཏུ་ཕྱིན་པ་དྲུག་ལ་བརྩོན་ཞིང་བྱམས་པ་བསྒོམས་པས་ཕོངས་པ་ཐམས་ཅད་དང་། མི་དགེ་བའི་རྩ་བ་དང་འགྲོགས་པ་
D263.067.0119a01.01དང་། མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། ཡོངས་སུ་དག་པའི་སངས་རྒྱས་ཀྱི་ཞིང་ཐམས་ཅད་ལས་དཀར་བའི་སེམས་ཅན་ཡོངས་སུ་སྨིན་པར་བྱེད་དོ། །སྙིང་རྗེ་ཆེན་པོས་ལྟ་བར་སོང་བ་དྲུག་ཅུ་རྩ་གཉིས་ལས་ཡོངས་སུ་གྲོལ་བར་བྱེད་
D263.067.0119a02.01པ་བདག་གིས་ཀྱང་ཡང་དེ་བཞིན་དུ་སེམས་ཅན་ཉོན་མོངས་པའི་སྐྱབས་སུ་བསླབ་པར་བྱའོ། །བསྡུ་བའི་དངོས་པོ་རྣམ་པ་བཞི་སྟེ། སྦྱིན་པ་དང་། ངག་སྙན་པ་དང་། དོན་བྱ་བ་དང་། དོན་འཐུན་པས་སེམས་ཅན་མགུ་བར་བྱའོ། །སྦྱིན་པའི་བསྡུ་བའི་དངོས་པོས་སེམས་ཅན་མགུ་བར་བྱེད་པ་ནི་འདི་ལྟ་སྟེ།
D263.067.0119a03.01ཟས་དང་། སྐོམ་ནས་མགོའི་བར་དུ་སྦྱིན་པས་གང་སྦྱིན་པ་བྱིན་པའི་བྱང་ཆུབ་སེམས་དཔའ་དེ་ནི་ཐབས་ལ་མཁས་པས་ཡོངས་སུ་བསྔོས་ཏེ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ། །གང་སྦྱིན་པ་བྱིན་པའི་བྱང་ཆུབ་སེམས་དཔའ་དེ་ནི་མཚན་མ་ཡོངས་སུ་བྱིན་པ་འདི་ནི་སྦྱིན་པའི་ཕ་རོལ་ཏུ་
D263.067.0119a04.01ཕྱིན་པའོ། །གང་དེ་ནི་དངོས་པོ་ལ་དམིགས་པ་རབ་ཏུ་ཞི་བ་འདི་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་ཡུལ་ལ་མི་བཟོད་པ་མེད་པ་འདི་ནི་བྱང་ཆུབ་སེམས་དཔའི་བཟོད་པའི་ཕ་རོལ་ཏུ་ཕྱིན་པའོ། །གང་དངོས་པོ་ཡོངས་སུ་བཏང་སྟེ། དབེན་པར་སྤྱོད་པའི་ཕྱིར་འབྱུང་བ་འདི་ནི་བྱང་ཆུབ་
D263.067.0119a05.01སེམས་དཔའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །གང་དངོས་པོ་ཡོངས་སུ་བཏང་སྟེ་ལས་ཐམས་ཅད་ལ་ཀུན་ཏུ་མི་སྤྱོད་པ་འདི་ཡང་བྱང་ཆུབ་སེམས་དཔའི་བསམ་གཏན་གྱི་ཕ་རོལ་ཏུ་ཕྱིན་པའོ། །གང་དངོས་པོ་ཡོངས་སུ་སྦྱིན་པའི་ཕྱིར་བདག་གི་ཡིད་ལ་མི་སེམས་ཤིང་དངོས་པོ་དེ་ལ་དབེན་
D263.067.0119a06.01པར་སེམས་པ་ལ་རྣམ་པར་སྨིན་པར་མི་འདོད་པས་ལེན་པ་དང་། སྦྱིན་པ་གཉིས་མ་བྱུང་བ་རྣམ་པར་མི་རྟོག །ཀུན་ནས་མི་ལྡང་། དངོས་པོ་མེད། རྣམ་པར་བསལ་བ་མེད་པ་འདི་ཡང་བྱང་ཆུབ་སེམས་དཔའི་རང་བཞིན་མི་སྐྱེ་བའི་ཆོས་ཀྱི་བཟོད་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཡང་
D263.067.0119a07.01