完整藏文原文 · 德格版页 当前仅加载第 67 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རྣམ་པར་བསྒྲུབས་པ། མུན་པ་མེད་པ། སྣང་བ་མེད་པ། བླང་བ་མེད་པ། སྤྲོས་པ་མེད་པ། ཡི་གེ་མེད་པ། སྟོང་པ། ནམ་མཁའ་དང་མཚུངས་པའོ། །འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ལ་ཡོངས་སུ་རྟོག་པར་བྱེད་དེ། འདུ་བྱེད་རྣམས་ནི་སྐྱེས་ནས་འགག་
D263.067.0147a01.01པ་ཡིན་གྱི། རྣམ་པར་ཤེས་པའི་རྒྱུན་ནི་བཀྲི་བར་བྱ་བ་མེད་པ་སྟེ། རྣམ་པར་ཤེས་པའི་ཚོགས་དྲུག་པོ་འདི་དག་ཀྱང་འདྲ་བ་དང་། མི་འདྲ་བ་དང་། བདག་པོ་མེད་པ་དང་། སྐད་ཅིག་མ་དང་། འགོད་པའི་མཚན་ཉིད་ལ་མི་གནས་སོ། །ཡང་རྣམ་པར་ཤེས་པ་ནི་རྣམ་པར་དཔྱོད་པའི་མཚན་ཉིད་མི་
D263.067.0147a02.01དམིགས་པ་དང་། ནང་དང་ཕྱི་མི་དམིགས་པ་དང་། དགེ་བ་དང་། མི་དགེ་བ་མི་དམིགས་པ་དང་། ཟག་པ་དང་བཅས་པ་དང་། ཟག་པ་མེད་པ་མི་དམིགས་པ་དང་། འདུས་བྱས་དང་། འདུས་མ་བྱས་མི་དམིགས་པ་དང་། རྒྱུ་དང་རྐྱེན་མི་དམིགས་པ་དང་། ཁམས་གསུམ་གྱི་དང་། དུས་གསུམ་
D263.067.0147a03.01གྱི་ཚོར་བ་མི་དམིགས་པ་དང་། འདོད་པ་ལྔའི་ཡོན་ཏན་ཉམས་པ་མི་དམིགས་པ་དང་། འབྱུང་བ་ཆེན་པོ་བཞི་མི་དམིགས་པ་དང་། ཁམས་དྲུག་མི་དམིགས་པ་དང་། བསྒོམ་པ་དང་། ཚུལ་བཞིན་ཡིད་ལ་བྱེད་པ་དང་། བར་ཆད་མེད་པའི་ལམ་ནས་ཕུང་པོའི་ལྷག་མ་དང་བཅས་པ་དང་། ཕུང་
D263.067.0147a04.01པོའི་ལྷག་མ་མ་ལུས་པའི་བར་གྱི་རྣམ་པར་ཤེས་པ་མི་དམིགས་པས་གཟུགས་ལ་ཉེ་བར་བཀྲི་བ་མེད་པ་ནས། །ཡིད་ཀྱི་བར་ལ་ཉེ་བར་བཀྲི་བ་མེད་པ་སྒྱུ་མ་སྣང་བ་ལྟ་བུར་རང་བཞིན་མེད་པ། ལུས་མེད་པ་གནས་མེད་པའོ། །རྣམ་པར་ཤེས་པ་ནི་སྔོན་གྱི་མཐའ་དང་། ཕྱི་མའི་མཐའ་དང་། བར་གྱི་
D263.067.0147a05.01མཐའི་ཡང་དག་པའི་མཐའ་འབྱུང་བ་མེད་པས། གཟུགས་ཀྱི་མཚན་ཉིད་གང་དུ་ཡང་རྣམ་པར་བརྟག་པའི་གནས་སུ་སྣང་བ་དང་། སྤྱོད་པ་ཤེས་པར་མི་ནུས་ཏེ། དེས་ན་རྣམ་པར་ཤེས་པ་ནི་སྟོང་པའོ། །ཡང་རྣམ་པར་ཤེས་པའི་རྐྱེན་གྱིས་མིང་དང་གཟུགས་ལ་རྟོག་པར་བྱེད་དེ། སྐད་
D263.067.0147a06.01ཅིག་མ་གཅིག་ལ་རྣམ་པར་ཤེས་པ་སྐྱེས་ཤིང་འགགས་ནས་མིང་དང་གཟུགས་སྐྱེའོ། །མིང་ཡང་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་དང་། གཟུགས་མེད་པའི་ཕུང་པོ་འདི་དག་གོ། །ཕུང་པོ་ཡང་རྫས་མེད་པའི་དོན་ཏེ། གཟུགས་ཀྱི་མཚན་ཉིད་དང་། དབྱིབས་ཀྱི་སྣང་བ་ལ་
D263.067.0147a07.01