完整藏文原文 · 德格版页 当前仅加载第 67 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཁམས་གང་ཞེ་ན། གང་ལུས་འདི་ལ་གྱེན་དུ་རྒྱུ་བའི་རླུང་དང་། ཐུར་དུ་རྒྱུ་བའི་རླུང་དང་། མ་ཞུ་བའི་རླུང་དང་། ཡན་ལག་དང་། ཉིང་ལག་ཏུ་རྒྱུ་བའི་རླུང་དང་། འདི་ནི་ནང་གི་རླུང་རྣམས་ཞེས་བྱའོ། །དེ་ལ་ཕྱི་རོལ་གྱི་རླུང་གང་ཞེ་ན། གང་ཕྱི་རོལ་ཏུ་ཡང་དག་པར་རྒྱུ་བའི་
D263.067.0092a01.01རླུང་དང་། རྣམ་པར་རྒྱུ་བའི་རླུང་དང་། གྱེན་དུ་རྒྱུ་བ་དང་། གྲང་བ་དང་། དྲོ་བའི་དམུ་རླུང་ཕྱེད་པ་མང་པོ་དང་། ས་འཛིན་པའི་རླུང་དང་། ཕྱི་རོལ་གྱི་རླུང་གི་ཁམས་གང་ཡང་རུང་བ་འདི་ནི་ཕྱི་རོལ་གྱི་རླུང་གི་ཁམས་ཞེས་བྱ་སྟེ། དེ་ལྟར་ཕྱི་དང་ནང་གི་འབྱུང་བ་ཆེན་པོ་བཞི་པོ་འདི་ནི་སྣོད་ཀྱི་འཇིག་རྟེན་
D263.067.0092a02.01ཞེས་བྱའོ། །འདི་གང་གི་སྣོད་ཅེ་ན། ཉེ་བར་ལེན་པའི་ཕུང་པོ་ལྔའི་སྣོད་དོ། །དགེ་སློང་དག་ཕྱི་དང་ནང་གི་འབྱུང་བ་ཆེན་པོ་བཞི་པོ་འདི་དག་ལ་གང་མོས་པའམ། དགའ་བའམ། བྱམས་པའམ། ཆགས་པའམ། རྒྱ་ཆེ་བའམ། ང་ཡིར་བྱ་བའམ། བདག་གིར་བྱ་བ་དེ་ཐམས་ཅད་སྤང་བར་
D263.067.0092a03.01བྱའོ་ཞེས་སོ་སོར་བསླབ་པར་བྱའོ། །གང་ལ་ལ་འདས་པ་དང་། མ་འོངས་པ་དང་། ད་ལྟར་བྱུང་བའི་ཕྱི་དང་ནང་གིའམ། ཆེ་བའམ། ཕྲ་བའམ། ངན་པའམ། བཟང་བའམ། གང་རིང་བའམ། གང་ཉེ་བའམ། འབྱུང་བ་ཆེན་པོ་བཞི་པོ་དེ་ཐམས་ཅད་དེ་བཞིན་དུ་སོ་སོར་བསླབ་པར་བྱའོ། །
D263.067.0092a04.01གང་ལ་ལ་འབྱུང་བ་ཆེན་པོ་བཞི་པོ་དེ་དག་ནི་བདག་གི་མ་ཡིན། བདག་ཀྱང་དེའི་མ་ཡིན། དེ་ཡང་བདག་མ་ཡིན་ནོ་ཞེས་དེ་ལྟར་དེ་བཞིན་དུ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་བལྟ་བར་བྱའོ། །དགེ་སློང་དག་དགེ་སློང་གང་ལ་ལ་འབྱུང་བ་ཆེན་པོ་བཞི་པོ་འདི་དག་ལ་དེ་བཞིན་དུ་
D263.067.0092a05.01ཡང་དག་པའི་ཤེས་རབ་ཀྱིས་ཤིན་ཏུ་བརྟན་པར་བྱེད་དོ། །ཤིན་ཏུ་ཡིད་ལ་བྱས་པའི་དགེ་སློང་དེ་སྲེད་པ་དང་། རྒུད་པ་དང་། ལུས་ཀྱི་སྦྱོར་བའི་རྒྱུན་གཅོད་ཅིང་སྡུག་བསྔལ་གྱི་མཐར་བྱེད་པ་སྟེ། དགེ་སློང་དག་འདི་ནི་སྣོད་ཀྱི་འཇིག་རྟེན་ནོ། །དགེ་སློང་དག་དེ་ལ་འདུ་བྱེད་ཀྱི་འཇིག་རྟེན་གང་
D263.067.0092a06.01ཞེ་ན། ཉེ་བར་ལེན་པའི་ཕུང་པོ་ལྔ་ནི་འདུ་བྱེད་ཅེས་བྱའོ། །ལྔ་གང་ཞེ་ན། འདི་ལྟ་སྟེ། གཟུགས་ཉེ་བར་ལེན་པའི་ཕུང་པོ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཉེ་བར་ལེན་པའི་ཕུང་པོ་སྟེ། དགེ་སློང་དག་འདི་ནི་འདུ་བྱེད་ཀྱི་འཇིག་རྟེན་ནོ། །དགེ་སློང་དག་སེམས་
D263.067.0092a07.01