完整藏文原文 · 德格版页 当前仅加载第 67 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ན་གཏམ་གྱི་དངོས་པོར་གདགས་པའི་མཚན་ཉིད་ཀྱི་འཇུག་པ་མེད་པའོ། །བླང་བ་མེད་པའོ། །དོར་བ་མེད་པའོ། །གཟུགས་མེད་པའི་ཕུང་པོ་བཞི་པོ་འདི་དག་ནི་མཚན་ཉིད་ཀྱི་འཇུག་པ་མེད་པའོ། །ཕུང་པོ་འདི་དག་ནི་མིག་གི་གནས་ཀྱི་དབྱིབས་སུ་མི་གནས་པ་ནས། ལུས་
D263.067.0148a01.01ཀྱི་གནས་ཀྱི་བར་གྱི་དབྱིབས་སུ་མི་གནས་པ་ཡིན་ནོ། །ལུས་ཀྱི་རྣམ་པར་ཤེས་པའི་གནས་ཀྱི་དབྱིབས་སུ་གནས་པ་མ་ཡིན། སེམས་དང་། ཡིད་དང་། རྣམ་པར་ཤེས་པའི་གནས་སེལ་བའི་བརྡ་དང་། མཚན་མ་རྣམ་པར་གཞག་པར་རྣམ་པར་གཞག་པ་མ་ཡིན་ནོ། །གཟུགས་མེད་
D263.067.0148a02.01པའི་ཕུང་པོ་བཞི་པོ་འདི་དག་ནི་གནས་ཀྱི་དབྱིབས་སུ་གནས་ཀྱང་གཟུགས་མེད་པའི་ཕུང་པོ་བཞི་པོ་འདི་དག་ནི་གཟུགས་ཀྱི་ཕུང་པོའི་གནས་ཀྱི་དབྱིབས་སུ་གནས་པ་མ་ཡིན་ནོ། ཁམས་གསུམ་གྱི་ལས་ཀྱི་མཚན་ཉིད་རྣམ་པར་དཔྱོད་པའི་རྗེས་སུ་འབྲེལ་པ་གཟུགས་མེད་པའི་ཕུང་པོ་བཞི་པོ་འདི་
D263.067.0148a03.01དག་ནི་གནས་ཀྱི་དབྱིབས་སུ་མི་གནས་པའོ། །དེ་དག་ནི་བདག་མེད་པ་ནས་གང་ཟག་གི་བར་དུ་མེད་པའོ། །བརྗོད་དུ་མེད་པའོ། །ཡི་གེ་མེད་པའོ། །གཟུགས་མེད་པའི་ཕུང་པོ་བཞི་པོ་འདི་དག་ནི་སྟོང་པའི་མཚན་ཉིད་ཀྱིས་ཤིན་ཏུ་སྐད་ཅིག་གིས་འཇིག་པ་ཐེར་ཟུག་མ་ཡིན་པའོ། །གནས་མི་
D263.067.0148a04.01དམིགས་པས་མཚན་མ་མེད་པའོ། །སྐད་ཅིག་གིས་སྐྱེ་ཞིང་འབྲི་བའི་ཚུལ་གྱིས་སྨོན་པ་མེད་པའོ། །འགོག་པ་མེད་པས་ཆགས་པ་མེད་པའི་ཤེས་རབ་འཇུག་པ་སྟེ། དེས་ན་ཕུང་པོ་བཞི་པོ་འདི་དག་ནི་སྟོང་པའོ། །གཟུགས་ཀྱི་ཕུང་པོ་འབྱུང་བ་ཆེན་པོ་འདི་དག་ཀྱང་ཇི་ལྟར་སྔར་བསྟན་པ་བཞིན་
D263.067.0148a05.01དུ་སྟོང་པའོ། །ཉེ་བར་ལེན་པའི་ཕུང་པོ་ལྔ་པོ་འདི་དག་ཀྱང་སྐད་ཅིག་མའི་རྒྱུན་གྱི་ཚུལ་གྱིས་སྐྱེ་བ་མ་ཡིན། ཕན་ཚུན་ལས་ཤིན་ཏུ་འདས་ཤིང་མི་གནས་པའི་ཚུལ་གྱིས་མ་ཡིན། ཕན་ཚུན་དུ་ཉེ་བར་ཉོན་མོངས་པ་མ་ཡིན། ཕན་ཚུན་ལས་ཤིན་ཏུ་འདའ་བ་མ་ཡིན་ནོ། །སྐད་ཅིག་མ་དང་པོ་ལ་
D263.067.0148a06.01གཟུགས་མེད་པར་མིང་སྐྱེ་བ་མ་ཡིན། སྐད་ཅིག་མ་གཉིས་པའི་གནས་ལ་མིང་མེད་པར་གཟུགས་སྐྱེ་བ་མ་ཡིན་གྱི། སྐད་ཅིག་མ་གཅིག་གི་གནས་ལ་ཉེ་བར་ལེན་པའི་ཕུང་པོ་ལྔ་པོ་འདི་དག་ཐམས་ཅད་སྐྱེ་ཞིང་འགག་སྟེ། སྐད་ཅིག་མ་ལྷག་མ་གཉིས་པོ་ལ་གནས་པ་མ་ཡིན་ནོ། །དེ་ཅིའི་ཕྱིར་ཞེ་
D263.067.0148a07.01