完整藏文原文 · 德格版页 当前仅加载第 67 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འདི་ལ་ཡོན་ཏན་ཅུང་ཟད་སྤྱོད། །དབང་པོ་དྲུག་ལ་སྟོང་པ་མི་ལྟ་སྟེ། །མཚན་མ་མེད་པའི་འཛིན་པ་བདག་ལ་ཟུང་། །བྱང་ཆུབ་ཕྱིར་ནི་ཅུང་ཟད་བརྩོན་སྤྱོད་ཀྱི། །ཤེས་རབ་ཡོན་ཏན་ཐམས་ཅད་སྤྱོད་པ་མེད། །ཇི་ལྟར་མེ་འདོད་ཁྱིམ་གྱི་ནང་དུ་ནི། །བཙལ་བས་ཀྱང་ནི་མེ་དག་རྙེད་མ་
D263.067.0137b01.01གྱུར། །དེ་ལྟར་སེམས་ཅན་ལ་ལ་བྱང་ཆུབ་འདོད། །སྟོང་མ་བསྒོམས་པར་ཤེས་རབ་ཐོབ་པ་མེད། །དེ་བས་གང་དག་བྱང་ཆུབ་སྡུག་འདོད་པ། །ཕུང་པོ་ཁམས་དང་སྐྱེ་མཆེད་མཚན་མ་དག །རྨི་ལམ་སྨིག་རྒྱུ་ལྟ་བུར་ཐམས་ཅད་ལྟོས། །འདི་ནི་བྱང་ཆུབ་དམ་པ་མཆོག་གི་ལམ། །དེ་ནས་
D263.067.0137b02.01བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་བཀའ་སྩལ་པ། རིགས་ཀྱི་བུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ལ་གནས་པའི་བྱང་ཆུབ་སེམས་དཔའ་བདུད་ཀྱི་ཡུལ་ཐམས་ཅད་ལས་ཡང་དག་པར་ཤིན་ཏུ་འདས་ཏེ་ང་ཡིར་བྱ་བ་དང་།
D263.067.0137b03.01བདག་གིར་བྱ་བ་ཐམས་ཅད་ཀྱི་སྲིད་པའི་བག་ལ་ཉལ་བ་དང་། མཚན་མ་མེད་པ་དང་། མ་རིག་པར་ལྟ་བ་ཐམས་ཅད་སྤངས་པར་འགྱུར་རོ། །འཇིག་རྟེན་གྱི་ཁམས་ཐམས་ཅད་འདྲེས་པ་མེད་པ་དང་། སེམས་ཅན་གྱི་གོ་ཆ་དང་། སེམས་སྒྱུ་མ་ལྟ་བུ་དང་། ཚོར་བ་དུ་བ་དང་། རྡུལ་དང་།
D263.067.0137b04.01ནམ་མཁའ་དང་། སྤྲིན་ལྟ་བུར་རབ་ཏུ་ཤེས་སོ། །མཚན་མ་དང་མཚན་ཉིད་ཐམས་ཅད་ནམ་མཁའ་སྤྲོས་པ་ལྟ་བུར་རབ་ཏུ་ཤེས་སོ། །དགེ་བའི་རྩ་བ་ཐམས་ཅད་ལས་འདས་པར་འགྱུར་རོ། །ལས་ཡོངས་སུ་ཟད་ཅིང་སེམས་ཅན་ཉེ་བར་འཚོ་བར་ཡང་འགྱུར་རོ། །དགེ་བའི་རྩ་བ་
D263.067.0137b05.01བསྐྱེད་པ་དང་མ་བསྐྱེད་པའི་གཉེན་ལྟ་བུར་འགྱུར་རོ། །སངས་རྒྱས་ཀྱི་ཆོས་ཐམས་ཅད་ལ་སྒྲིབ་པ་མེད་པ་སྟོན་པར་འགྱུར་རོ། །ཕ་རོལ་གྱི་རྒོལ་བ་ཐམས་ཅད་ནམ་མཁའ་དང་མཚུངས་པར་ཐལ་བ་མེད་པར་འགྱུར་རོ། །སངས་རྒྱས་ཀྱི་ཆོས་ཐམས་ཅད་ཡོངས་སུ་རྒྱས་པ་སེང་གེ་ལྟ་བུ་
D263.067.0137b06.01དང་། རྒྱ་མཚོ་ཆེན་པོ་ལྟ་བུ་ཆོས་ཆེན་པོའི་ཆར་གྱི་ཆུ་བོ་རབ་ཏུ་གཏོང་བ་དང་། འཁྲུལ་བ་མེད་པའི་མངོན་པར་ཤེས་པ་དང་། ཆགས་པ་མེད་པའི་སྤོབས་པ་དང་ལྡན་པ་དང་། བསྟོད་པ་དང་རབ་ཏུ་བསྔགས་པར་འགྱུར་རོ། །རིགས་ཀྱི་བུ་བཟོད་པ་འདི་བསྒོམས་པ་ནས་ལུས་དཔང་དུ་བཙུགས་པའི་བར་
D263.067.0137b07.01