完整藏文原文 · 德格版页 当前仅加载第 67 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
མ་རལ་བ་དང་། ཉོན་མོངས་པའི་བག་ཆགས་སྤངས་པས་ཚུལ་ཁྲིམས་འདྲེས་མ་མེད་པ་དང་། ཆོས་དཀར་པོ་འཕེལ་བས་མཁས་པས་མི་དམོད་པ་དང་། དྲན་པས་སྨྲ་བ་དང་། ཏིང་ངེ་འཛིན་ཁ་ན་མ་ཐོ་བ་མེད་པ་དང་། དབང་པོ་དྲུག་སྲུང་བ་དང་། འདོད་པ་དང་ཆགས་སེམས་ཀྱི་འདོད་པ་རབ་
D263.067.0123b01.01ཏུ་སྤངས་པས་བསམ་པ་བསྔགས་པའོ། །ལྷ་དང་མི་མངོན་པར་མོས་པར་བྱ་བའི་ཕྱིར་རྩོད་པ་དང་ཐབ་མོའི་འདུ་འཛི་ཅན་ཡོངས་སུ་སྤངས་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །སེམས་ཅན་ཡོངས་སུ་བསྐྱབ་པའི་ཕྱིར་སེམས་ཅན་སྙིང་རྗེ་མེད་པའི་ནང་ན་འདུག་པ་ལ་བྱམས་པ་སྤྱོད་
D263.067.0123b02.01པར་འགྱུར་རོ། །སྡུག་བསྔལ་ཐམས་ཅད་བཟོད་པའི་སེམས་དང་། ངན་འགྲོར་འགྲོ་བ་ལ་ཞུམ་པ་མེད་པའི་སེམས་དང་། བདག་འཁྲུལ་པ་ཕྱིར་འབྱིན་པ་དང་། གཞན་འཁྲུལ་པ་ལ་ནི་རྩོད་ཅིང་འདོར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ཉོན་མོངས་པ་དང་། རྙོག་པ་
D263.067.0123b03.01ལྔའི་སངས་རྒྱས་ཀྱི་ཞིང་འདིར་སེམས་ཅན་མཐའ་མེད་པར་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། ལེ་ལོ་ཅན་དང་། མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པའི་ནང་ན་བྱང་ཆུབ་སེམས་དཔའ་དགེ་བའི་བརྩོན་འགྲུས་བརྩམས་པར་འགྱུར་རོ། །
D263.067.0123b04.01ལུས་དང་། ངག་དང་། ཡིད་ཡོངས་སུ་སྦྱོང་བའི་ཕྱིར་ཚུལ་ཁྲིམས་དང་། ཐོས་པ་དང་། གཏོང་བ་དང་། བསམ་གཏན་དང་། ཚད་མེད་པའི་ལས་དང་། གཟུགས་མེད་པའི་ཁམས་ཀྱི་དགེ་བའི་རྩ་བ་ལ་བརྩོན་འགྲུས་བརྩམས་པར་འགྱུར་རོ། །འདོད་པའི་ཁམས་དང་། གཟུགས་
D263.067.0123b05.01དང་། གཟུགས་མེད་པའི་ཕུང་པོ་ཉོན་མོངས་པའི་བག་ཆགས་ཀྱི་ལྟ་བ་ཀུན་ཏུ་སྦྱོར་བ་དང་། ཚུལ་འཆོས་པ་དང་། ཁ་གསག་གི་མཚན་མ་དང་། འཇིག་ཚོགས་ཀྱི་མཚན་མ་དང་། མཐར་འཛིན་པའི་ལྟ་བ་ཡོངས་སུ་སྦྱང་བ་དང་། རབ་ཏུ་སྤང་བའི་ཕྱིར་རྩོལ་བ་དེ་དང་དེ་དག་
D263.067.0123b06.01གི་དགེ་བའི་རྩ་བ་ལ་ཡང་སེམས་ཅན་སྦྱོར་བར་བྱེད། འགོད་པར་བྱེད་པ་དེ་ཉིད་ཀྱིས་སེམས་ཅན་ཡོངས་སུ་སྨིན་པར་བྱེད་པ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་སེམས་ཅན་ཡོངས་སུ་སྨིན་པར་བྱ་བའི་ཕྱིར་བརྩོན་འགྲུས་དང་ཚུལ་ཁྲིམས་ཀྱི་སེམས་ཀྱི་གོ་ཆ་ལ་བརྩོན་པ་
D263.067.0123b07.01