完整藏文原文 · 德格版页 当前仅加载第 67 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྒྲིབ་པ་དང་། ལས་དང་ཉོན་མོངས་པའི་སྒྲིབ་པ་རབ་དང་། འབྲིང་དང་ཐ་མ་མ་ལུས་པར་ཡོངས་སུ་ཟད་པར་འགྱུར་རོ། །རྒྱལ་པོ་དེ་ཡང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་དགེ་བའི་བཤེས་གཉེན་དུ་ལམ་སྟོན་པ་བསྟན་པར་གྱུར་ཏོ། །རྒྱལ་པོ་དེ་ཡང་སེམས་ཅན་བྱེ་
D263.067.0178a01.01བ་ཁྲག་ཁྲིག་བརྒྱ་སྟོང་ཐེག་པ་གསུམ་གྱིས་ཡོངས་སུ་སྨིན་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱེད་དོ། །དེ་དག་དང་བྱང་ཆུབ་སེམས་དཔའ་གཟི་བརྗིད་དྲི་མ་མེད་པའི་འོད་ཆེན་པོ་དང་། ལྷ་དང་། དྲི་ཟའི་འཁོར་ཐམས་ཅད་དང་ལྡན་
D263.067.0178a02.01པ་དེ་ཡང་བཟོད་པའི་མཆོག་དཔལ་གྱི་ཕུང་པོའི་རྒྱལ་པོ་དེ་ལ་ཕྱིར་མཉན་ནས་དེ་བཞིན་གཤེགས་པ་བཟོད་པའི་མཆོག་དཔལ་གྱི་ཕུང་པོའི་རྒྱལ་པོས་བཀའ་སྩལ་པ། རིགས་ཀྱི་བུ་རྒྱལ་པོ་བསོད་ནམས་འོད་ཟེར་གྱི་མཛོད་དེ་ལ་འདི་སྐད་ཅེས་སྨྲོས་ཤིག །རྒྱལ་པོ་ཆེན་པོ་ཇི་ལྟར་རང་བཞིན་གྱིས་
D263.067.0178a03.01ཉོན་མོངས་པ་མེད་པའི་ཆོས་ཀྱི་དབྱིངས་གཉིས་སུ་མེད་པའི་ཆོས་ཀྱི་སྒོས་ཡོངས་སུ་ཤེས་པར་བྱ་བ་དེ་ལྟར་མིག་གི་གཟུགས་ཀྱི་སྒོ་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་སུ་མེད་པ་སྟོན་པར་འགྱུར་བ་ནས་ཡིད་ཀྱི་རྣམ་པར་ཤེས་པའི་བར་དུ་འཕོས་པ་མེད་ཅིང་རྣམ་པར་ཕྱེ་བ་མེད་པ་གཉིས་
D263.067.0178a04.01སུ་མེད་པར་སྟོན་པར་འགྱུར་རོ། །དེ་ཅིའི་ཕྱིར་ཞེ་ན། ཆོས་ཐམས་ཅད་སེམས་ཅན་མེད་པ་ནི་སེམས་ཅན་དང་བྲལ་བའོ། །ཆོས་ཐམས་ཅད་སྲོག་མེད་པ་ནི་སྲོག་གི་སྒྲས་བསྟན་པའོ། །ཆོས་ཐམས་ཅད་གསོ་བ་མེད་པ་ནི་གསོ་བའི་སྒྲས་བསྐྱེད་པའོ། །ཆོས་ཐམས་ཅད་གང་ཟག་
D263.067.0178a05.01མེད་པ་ནི་གང་ཟག་གི་སྒྲས་རྣམ་པར་བརྗོད་པའོ། །ཆོས་ཐམས་ཅད་བསམ་གྱིས་མི་ཁྱབ་པ་ནི་བསམ་གྱིས་མི་ཁྱབ་པ་དང་བྲལ་བའོ། །ཆོས་ཐམས་ཅད་འདོད་ཆགས་དང་བྲལ་བའི་མཐའ་ནི་དངོས་པོ་མེད་པའོ། །ཆོས་ཐམས་ཅད་ཉེས་པ་མེད་པ་ནི་རིམས་དང་བྲལ་བའོ། །ཆོས་ཐམས་
D263.067.0178a06.01ཅད་གཏི་མུག་མེད་པ་ནི་ལུས་དང་བྲལ་བའོ། །ཆོས་ཐམས་ཅད་གནས་པ་མེད་པ་ནི་གནས་པར་དམིགས་པ་མེད་པའོ། །ཆོས་ཐམས་ཅད་གནས་པ་མེད་པ་ནི་ནམ་མཁའི་རང་བཞིན་ལྟ་བུའོ། །ཆོས་ཐམས་ཅད་གསོག་ནི་ཡུལ་ལ་དམིགས་པ་མེད་པའོ། །ཆོས་ཐམས་ཅད་གསོ་བ་ནི་ཉོན་
D263.067.0178a07.01