完整藏文原文 · 德格版页 当前仅加载第 67 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
གང་རྣམས་བལྟ་དཀའ་ཆུ་བོས་ཁྱེར། །ང་རྒྱལ་མངོན་པའི་ང་རྒྱལ་ཡུལ་ལས་ཤེས། །ཉོན་མོངས་རྒྱ་མཚོ་ལས་ནི་མཐར་ཕྱིན་མེད། །ལམ་གྱིས་བདག་ཅག་ཀྱང་ནི་རྣམ་པར་གནས། །སེམས་ཅན་གང་རྣམས་ཉོན་མོངས་གཏུམ་པས་གདུངས། །ཉོན་མོངས་སངས་
D263.067.0135a01.01རྒྱས་ཞིང་དུ་རྟག་རྣམ་མྱོས། །ངན་སོང་འགྲོ་བར་རྟག་ཏུ་སྡུག་བསྔལ་བསགས། །འཆད་མཁན་དམ་པའི་དོན་གྱི་ཐེག་པ་སྟོན། །བདག་ཅག་ཉོན་མོངས་སེམས་ཅན་རྣམས་དགོས་པས། །སངས་རྒྱས་ཞིང་དེར་སྨོན་ལམ་བྱེད་འགྱུར་བ། །ཉོན་མོངས་ཞིང་དུ་བདག་ཅག་སྤྱད་པ་སྤྱོད། །
D263.067.0135a02.01སེམས་ཅན་ཉོན་མོངས་དམ་བཅིངས་གྲོལ་བར་བྱེད། །གང་དག་འདོད་ཆགས་ཞེ་སྡང་ང་རྒྱལ་དྲེགས། །གཏི་མུག་ལམ་སྟོར་སྡིག་པ་རབ་བྱེད་པ། །སྡིག་པ་ཐམས་ཅད་ལས་ནི་བདག་ཅག་ཟློག །འཁོར་བའི་དགོན་པ་འཇིགས་ལས་རབ་ཏུ་སྒྲོལ། །གང་དམྱལ་བྱོལ་སོང་{ཡི་དགས་,ཡི་དྭགས་}འཇིག་རྟེན་
D263.067.0135a03.01དུ། །རྟག་ཏུ་འདོད་མེད་སྡུག་བསྔལ་མྱོང་བ་དག །བདག་ཅག་སྡུག་བསྔལ་ཐམས་ཅད་ལས་གྲོལ་བྱེད། །ཉོན་མོངས་སངས་རྒྱས་ཞིང་དུ་བྱང་ཆུབ་སྤྱོད། །ཡང་སངས་རྒྱས་ཀྱི་ཞིང་མ་ལུས་པར་ཁྱབ་པའི་འཁོར་ཐམས་ཅད་དང་ལྡན་པ་དེས་ཀྱང་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་
D263.067.0135a04.01པ་ལེགས་པར་སྤོབས་ཤིང་མཆོག་ཏུ་རྒྱ་ཆེ་བའི་བརྩོན་འགྲུས་བརྟན་པ་ལ་བརྩོན་པ་ཕ་རོལ་གནོན་པ་སེམས་ཅན་ཡོངས་སུ་སྨིན་པའི་ཆོས་ཀྱི་སྒོ་བསྟན་པ་ལེགས་སོ་ལེགས་སོ། །གང་ཆུ་བོ་གང་གཱའི་བྱེ་མ་སྙེད་ཀྱི་སྐྱེས་བུ་དམ་པ་འདིས་སངས་རྒྱས་ཀྱི་ཞིང་ཡོངས་སུ་དག་པར་བྱང་ཆུབ་ཀྱི་
D263.067.0135a05.01སྤྱོད་པ་བོར་ཏེ་རྙོག་པ་ལྔའི་སངས་རྒྱས་ཀྱི་ཞིང་དུ་སྤྱོད་པ་ལ་བརྩོན་ནོ། །སེམས་ཅན་མཚམས་མེད་པར་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། ལུས་ཚིག་པ་དང་། མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པ་རྣམས་ཡོངས་སུ་སྨིན་པར་བྱ་བའི་
D263.067.0135a06.01ཕྱིར་སྙིང་རྗེ་ཆེན་པོ་བསྐྱེད་དོ། །ཉོན་མོངས་པའི་སངས་རྒྱས་ཀྱི་ཞིང་བླ་ན་མེད་པའི་སངས་རྒྱས་ཀྱི་ཞིང་དུ་སྟོན་ཏོ། །ལུས་མེད་པ་ཕུང་པོ་སྤོང་བའི་མཐའ་སྟོན་ཏོ། །ཚིག་ཙམ་གྱིས་སྐྱེས་བུ་དེ་དག་བརྩོན་པར་འགྱུར་བ་དེ་དག་ལ་གང་ལྷ་དང་འཇིག་རྟེན་དུ་བཅས་པས་མཆོད་པ་མཆོག་ཏུ་རྒྱ་
D263.067.0135a07.01