完整藏文原文 · 德格版页 当前仅加载第 67 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
དད་པ་མི་ཕྱེད་པ། སེམས་ཅན་རྣམས་ཡང་དག་པར་ལེན་དུ་འཇུག་པ། འཇུག་པར་བྱེད་པ། སོ་སོར་དགོད་པར་བྱེད་པའོ། །བསྡུ་བའི་དངོས་པོ་རྣམ་པ་བཞི་ལ་སེམས་ཅན་རྣམས་སྦྱོར་བར་བྱེད་པའོ། །ཚུལ་ཁྲིམས་ཀྱི་ཕུང་པོས་སེམས་ཅན་རྣམས་འདོད་པའི་ཆུ་བོ་
D263.067.0105a01.01ལས་སྒྲོལ་བར་བྱེད་པའོ། །ཏིང་ངེ་འཛིན་གྱི་ཕུང་པོས་སེམས་ཅན་རྣམས་ལྟ་བའི་ཆུ་བོ་ལས་སྒྲོལ་བར་བྱེད་པའོ། །ཤེས་རབ་ཀྱི་ཕུང་པོས་སེམས་ཅན་རྣམས་མ་རིག་པའི་ཆུ་བོ་ལས་སྒྲོལ་བར་བྱེད་པའོ། །རྣམ་པར་གྲོལ་བའི་ཕུང་པོས་སེམས་ཅན་རྣམས་སྲིད་པའི་ཆུ་བོ་ལས་སྒྲོལ་བར་བྱེད་
D263.067.0105a02.01པའོ། །སངས་རྒྱས་ལ་དད་པ་མི་ཕྱེད་པས་སེམས་ཅན་རྣམས་ཐེག་པ་ཆེན་པོས་སྒྲོལ་བར་བྱེད་པའོ། །ཆོས་ལ་དད་པ་མི་ཕྱེད་པས་སེམས་ཅན་རྣམས་རང་སངས་རྒྱས་ཀྱི་ཐེག་པས་སྒྲོལ་བར་བྱེད་པའོ། །དགེ་འདུན་ལ་དད་པ་མི་ཕྱེད་པས་སེམས་ཅན་རྣམས་ཉན་ཐོས་ཀྱི་ཐེག་པས་
D263.067.0105a03.01སྒྲོལ་བར་བྱེད་པའོ། །འཕགས་པ་ཡིད་དུ་འོང་བའི་ཚུལ་ཁྲིམས་ཀྱིས་ལྟ་བར་སོང་བ་ཐམས་ཅད་སྤོང་བ་ལ་སྟོན་པར་བྱེད་པའོ། །སྦྱིན་པས་སེམས་ཅན་རྣམས་ཚེའི་རྒྱ་མཚོ་ལས་སྒྲོལ་བར་བྱེད་པའོ། །ངག་སྙན་པས་ལྟ་བའི་རྒྱ་མཚོ་ལས་སྒྲོལ་བར་བྱེད་པའོ། །དོན་བྱ་བས་སེམས་ཅན་
D263.067.0105a04.01རྣམས་ཉོན་མོངས་པའི་རྒྱ་མཚོ་ལས་སྒྲོལ་བར་བྱེད་པའོ། །དོན་འཐུན་པས་སེམས་ཅན་རྣམས་ཤེས་རབ་ཀྱི་ཕ་རོལ་དུ་སྒྲོལ་བར་བྱེད་པའོ། །བྱང་ཆུབ་སེམས་དཔའ་དེ་དག་གིས་གསོལ་པ། བཙུན་པ་བཅོམ་ལྡན་འདས་བདག་ཅག་ལ་བཀའ་སྩལ་དུ་གསོལ། དེ་བཞིན་གཤེགས་
D263.067.0105a05.01པ་ཤཱཀྱ་ཐུབ་པ་དེ་ལ་བལྟ་བ་དང་། ཕྱག་འཚལ་བ་དང་། བསྙེན་བཀུར་བའི་ཕྱིར་བདག་ཅག་ཉེ་བར་མཆིའོ། །དེ་བཞིན་གཤེགས་པ་དབང་གི་རྒྱལ་མཚན་གྱི་དཔལ་དེས་ཡང་རིགས་ཀྱི་བུ་གང་གི་དུས་ལ་དབབ་པར་ཤེས་ན་ཞེས་བཀའ་སྩལ་པ་དང་། དེ་ནས་རིགས་ཀྱི་བུ་ཡེ་ཤེས་
D263.067.0105a06.01དཔལ་དང་། བཟའ་ཤིང་གི་ར་བའི་དཔལ་དེ་གཉིས་དང་། བྱང་ཆུབ་སེམས་དཔའ་བྱེ་བ་ཕྲག་དྲུག་ཅུ་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས་པ་དབང་གི་རྒྱལ་མཚན་གྱི་དཔལ་དེ་ལ་དྲང་སྲོང་གི་ཆ་བྱད་ཀྱིས་རྐང་པ་གཉིས་ལ་སྤྱི་བོས་ཕྱག་འཚལ་ནས་གཡས་ཕྱོགས་ནས་བསྐོར་
D263.067.0105a07.01