完整藏文原文 · 德格版页 当前仅加载第 67 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་གཟུགས་ཡང་དག་པ་མ་ཡིན་པར་ཀུན་ཏུ་རྟོག་པ་མུན་པར་གྱུར་པ། འདོད་ཆགས་ཀྱི་གནས། ཞེ་སྡང་གི་གནས་ལ་རྟག་པ་དང་། བདེ་བ་དང་། ཐེར་ཟུག་པ་དང་། བདག་དང་། མི་གཡོ་བའི་འདུ་བྱེད་དུ་དམིགས་ལ་ཁམས་གསུམ་ལ་དམིགས་པའི་ཉོན་མོངས་པའི་རྐུན་པོ་
D263.067.0145b01.01སྐྱེ་ཞིང་འཕེལ་བ་དང་། ཁམས་གསུམ་པོ་ཐམས་ཅད་བསྡུས་ནས་རྣམ་པ་གཉིས་སུ་ཉེ་བར་འགྲོ །ཉེ་བར་ལེན། བྱིན་གྱིས་རློབ། མངོན་པར་ཆགས་ཤིང་རྒྱུ་དང་རྐྱེན་གྲངས་མེད་དཔག་ཏུ་མེད་པ་ལ་དམིགས་ཤིང་ཉེ་བར་འཛིན་ཏེ། དེ་ལ་རང་བཞིན་གྱིས་མི་རྟག་པ་དང་། སྡུག་བསྔལ་
D263.067.0145b02.01བ་དང་། སྟོང་པ་དང་། བདག་མེད་པར་མི་སྟོན། སྐྱེ་བ་དང་། འགོག་པ་དང་། འཇིག་པར་ཡང་ཉེ་བར་མི་རྟོག་གོ། །བདག་དང་། སྲོག་དང་། གསོ་བ་དང་། གང་ཟག་ཏུ་དམིགས་ཤིང་རྟག་པ་དང་ཆད་པར་སྙེམས་ཏེ། ནང་དང་། ཕྱིའི་རྐྱེན་ལ་ཕུང་པོ་དང་། ཁམས་
D263.067.0145b03.01དང་། སྐྱེ་མཆེད་རྣམས་ཀྱང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས། རྒྱུ་དང་། འབྲས་བུ་དང་། ལས་དང་། རྣམ་པར་སྨིན་པའི་ཀུན་ནས་ལྡང་བ་ལ་དམིགས་པ་དང་། རྣམ་པར་དཔྱོད་པ་དང་། རྣམ་པར་དཔྱོད་པ་མེད་པ་དང་། འཁྲུགས་པ་དང་། མ་འཁྲུགས་པ་དང་། ཉེ་བར་ཞི་བ་
D263.067.0145b04.01དང་། ཡང་དག་པར་རྟོག་པ་དང་། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤིང་བདེ་བ་དང་། སྡུག་བསྔལ་གྱི་ཚོར་བ་དང་བྲལ་བ་ཤེས་རབ་ཀྱི་དབང་པོ་མ་སྐྱེས་པས་ཆོས་ལ་རྣམ་པར་རྟོག་པ་འདི་ཡང་སྡུག་བསྔལ་བ་ཡང་མེད། བདེ་བ་ཡང་མེད་པའི་ཚོར་བའོ། །དེ་ལ་བྱང་ཆུབ་སེམས་དཔས་
D263.067.0145b05.01ནང་དང་ཕྱིའི་མཚན་ཉིད་དུ་སྣང་བ་དང་། གཟུགས་ཀྱི་མཚན་ཉིད་དུ་སྣང་བ་གང་ཇི་སྙེད་ཡོད་པ་དག་ལ་ཡང་དག་པ་ཉིད་དང་། དེ་ཁོ་ན་ཉིད་དུ་བརྟག་པར་བྱའོ། །གང་ཇི་ལྟར་སྔར་བསྟན་པའི་འདོད་ཆགས་ཀྱི་གནས་དང་། ཞེ་སྡང་གི་གནས་ལ་འདི་ལྟར་རྟག་པའམ། སྐད་ཅིག་གིས་འཇིག་པའི་ཚུལ་དང་
D263.067.0145b06.01རྟག་པའམ། མི་རྟག་པའི་ཚུལ་དང་། བདེ་བའམ། སྡུག་བསྔལ་གྱི་ཚུལ་དང་། བདག་གམ་བདག་མེད་པའི་ཚུལ་དང་། ཁམས་གསུམ་པོ་ཐམས་ཅད་ཀྱི་འདུ་བྱེད་དང་། ཉོན་མོངས་པའི་རྒྱུན་མ་ཞི་བ་དང་། རྒྱུ་མེད་པ་དང་། བདག་པོ་མེད་པའི་རྒྱུན་མ་ཞི་བ་དང་། གཉིས་དང་བྲལ་བ་
D263.067.0145b07.01