完整藏文原文 · 德格版页 当前仅加载第 67 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བསྟན་པ་ན་མུ་སྟེགས་ཅན་གཞན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བརྟན་པར་བྱས་པ་ཉི་ཤུ་རྩ་བཞི་བཟོད་པ་འདི་ཐོབ་པར་གྱུར་ཏོ། །སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་བསྐྱེད་པ་དགུ་བཅུ་རྩ་གཉིས་བླ་ན་མེད་པ་ཡང་དག་པར་
D263.067.0184a01.01རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ལས་ཕྱིར་མི་ལྡོག་པར་གྱུར་ཏོ། །ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་རིགས་དང་འཐུན་པའི་བཟོད་པ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ལ་ཀུན་ཏུ་འཚོ་མེ་ཏོག་འོད་ཀྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དྲན་
D263.067.0184a02.01པ་ཅི་འདྲ་བ་ལ་རྣལ་འབྱོར་དུ་བགྱི། དྲན་པ་དང་ལྡན་པ་གང་གིས་རང་སངས་རྒྱས་ཀྱི་ཐེག་པ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཀུན་ཏུ་འཚོ་ཅི་ཁྱོད་རྐྱེན་གྱི་ཆོས་དང་ཆོས་ཀྱི་རྗེས་རབ་ཏུ་མི་ཤེས་སམ། གསོལ་པ། བཙུན་པ་བཅོམ་ལྡན་འདས་བཤད་དུ་
D263.067.0184a03.01གསོལ། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཅི་ཁྱོད་མིག་མིག་གིས་ཆགས་སམ། འོན་ཏེ་མིག་མིག་གི་རྣམ་པར་ཤེས་པས་ཆགས་སམ། འོན་ཏེ་མིག་གི་རྣམ་པར་ཤེས་པ་མིག་གིས་ཆགས་པ་ནས་ཡིད་ཆོས་ཀྱིས་ཆགས་སམ། འོན་ཏེ་ཆོས་ཡིད་ཀྱིས་ཆགས་པའི་
D263.067.0184a04.01བར་དུ་མངོན་པར་ཤེས་སམ། གསོལ་པ། བཙུན་པ་བཅོམ་ལྡན་འདས་མིག་མིག་གིས་ཆགས་པ་ནས་ཆོས་ཡིད་ཀྱིས་ཆགས་པ་མེད་པའི་བར་དུ་འཚལ་ཏོ། །བཀའ་སྩལ་པ། ཀྱེ་ཁྱོད་འདི་ལ་ཆགས་པ་ནི་ཆད་པར་ལྟ་བར་འགྱུར་རོ། །ཀྱེ་སྐྱེས་བུ་གང་ཟག་གི་ཆད་པར་ལྟ་བ་ནི་
D263.067.0184a05.01རྒ་ཤིའི་ཕ་རོལ་ཏུ་མི་འགྲོའོ། །ཡུལ་བཅུ་གཉིས་པོ་འདི་དག་ཏུ་སོང་བ་ན་གཅིག་ལ་གཅིག་རྐྱེན་གྱི་རྗེས་སུ་འབྲེལ་བའོ། །གསོལ་པ། བཙུན་པ་བཅོམ་ལྡན་འདས་ཅི་ཀྱེ་མེ་ཏོག་འོད་ཅེས་བྱ་བ་དང་། མིག་མིག་གི་རྣམ་པར་ཤེས་པའི་གནས་ལ་འདུག་པ་ནས་བཅོམ་ལྡན་འདས་ཅི་ཆོས་
D263.067.0184a06.01ཡིད་ཀྱི་རྣམ་པར་ཤེས་པའི་བར་གྱི་གནས་ལ་འཇུག་གམ། མེ་ཏོག་འོད་ཀྱེ་ཞེས་བྱ་བ་ནི་སྐྱེས་བུ་གང་ཟག་གི་ཐ་སྙད་དེ། །དེ་ནི་དེའི་རྟག་པར་ལྟ་བར་འགྱུར་རོ། །མེ་ཏོག་འོད་སྐྱེས་བུ་གང་ཟག་གི་རྟག་པར་ལྟ་བ་ནི་རྒ་ཤིའི་ཕ་རོལ་ཏུ་མི་འགྲོའོ། །མེ་ཏོག་འོད་ཆོས་རྣམས་ཀྱི་ཆོས་ཉིད་ཡོད་
D263.067.0184a07.01