完整藏文原文 · 德格版页 当前仅加载第 67 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བསྒྲལ་བའི་དོན་གྱི་ཕྱིར། ཁམས་གསུམ་ལས་འབྱུང་བའི་དོན་གྱི་ཕྱིར། དེ་དང་དེར་ལུས་ལ་གནོད་པ་དང་ལྡན་པའི་རྗེས་སུ་སྦྱོར་བ་དང་། སྡོམ་པ་དང་། སྡོམ་པ་མ་ཡིན་པ་ལ་སྦྱོར་བ་འདི་ནི་ཚུལ་ཁྲིམས་ཀྱི་ལེན་པའོ། །རིགས་ཀྱི་བུ་དེ་ལ་གང་ལུས་ལ་གནོད་པ་
D263.067.0156a01.01དང་ལྡན་པ་ལ་འཇུག་པ་དག་ནི་ཚོར་བ་གསུམ་འདྲེས་པར་བྱེད་པ། འཕགས་པ་མ་ཡིན་པ། དོན་མ་ཡིན་པ་དང་ལྡན་པ་འདི་ཉིད་བདེན་གྱི། གཞན་ནི་གཏི་མུག་གོ་སྙམ་པ་ནི་ལུས་ཀྱི་ཚུལ་ཁྲིམས་སྙེམས་པའོ། །དེ་ཅིའི་ཕྱིར་ཞེ་ན། ལུས་འདི་ནི་གཡོ་བ་མེད་པ། འགྱུར་བ་མེད་པ་
D263.067.0156a02.01ཉོན་མོངས་པ་ཐམས་ཅད་དང་མ་འདྲེས་པའི་ཕྱིར་རོ། །རིགས་ཀྱི་བུ་འདི་ལྟ་སྟེ། དཔེར་ན་ཆུ་ཀླུང་གང་གཱའི་བྱེ་མ་ནི་གཡོ་བ་མེད་ཅིང་འགྱུར་བ་མེད་པ་སྟེ། འོན་ཀྱང་རླུང་གི་རང་བཞིན་གྱིས་འདྲིལ་བ་དེ་བཞིན་དུ་ཆེན་པོ་བཞི་ལས་གྱུར་པའི་ལུས་ཀྱང་གཡོ་བ་མེད་ཅིང་འགྱུར་བ་མེད་པ་སྟེ། འོན་
D263.067.0156a03.01ཀྱང་གློ་བུར་གྱི་རེག་པའི་རྐྱེན་ཉེ་བར་ལེན་པ་དང་བཅས་པ་སྟེ། ལུས་དེ་ལ་གནོད་པ་དང་འབྲེལ་པ་སྣ་ཚོགས་ལ་འདི་ལྟ་སྟེ། ཞགས་པ་འཐུབ་པ་དགུ་བཅུ་རྩ་ལྔའི་སེམས་ཅན་ལ་སོགས་པ་མཆོག་དམ་པར་སྦྱོར་རོ། །གང་དུས་གསུམ་གྱི་ལུས་དང་ངག་དང་། ཡིད་ཀྱི་འདུ་བྱེད་ལ་
D263.067.0156a04.01སྙེམས་པ་དང་། གང་ཚུལ་གཅིག་པ་མཉམ་པ་ཉིད་མི་ཤེས་ཤིང་ལུས་དང་ངག་དང་ཡིད་སྡོམ་པའི་ངལ་བ་མི་སྐྱེད་པ་འདི་ཡང་ཟག་པ་དང་བཅས་ཤིང་ཉེ་བར་ལེན་པ་དང་བཅས་པའི་འདུ་བྱེད་ཀྱི་སྡུག་བསྔལ་བཟོད་པ་འཁྲུགས་པར་བྱེད་པའོ། །རིགས་ཀྱི་བུ་དེ་ལ་ཚུལ་གཅིག་པ་མཉམ་པ་ཉིད་ཀྱི་བཟོད་པ་
D263.067.0156a05.01བསྒོམ་པ་གང་ཞེ་ན། གང་སྡོམ་པ་གསུམ་རྡུལ་ཙམ་ཡང་མི་སྐྱེད་པ་འདི་ནི་ཚུལ་གཅིག་པ་མཉམ་པ་ཉིད་ཀྱི་བཟོད་པ་བསྒོམ་པའོ། །གང་འདི་ལ་ཉེ་བར་ལེན་པ་དང་བཅས་པའི་སྡོམ་པ་གསུམ་གྱི་འདུ་ཤེས་སྙེམས་པ་འདི་ཡང་ཟག་པ་དང་བཅས་ཤིང་ཉེ་བར་ལེན་པ་དང་བཅས་པའི་འདུ་བྱེད་ཀྱི་སྡུག་བསྔལ་
D263.067.0156a06.01བཟོད་པ་འཁྲུགས་པར་བྱེད་པའོ། །གང་འདི་ལ་དུས་གསུམ་རོ་གཅིག་ཅིང་ཐ་མི་དད་པ་དང་། སྡོམ་པ་གསུམ་གྱི་སྐྱེད་པ་དང་། རྒྱུ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པའི་འདུ་བྱེད་རྣམས་ལ་རྣམ་པར་རྟོག་པ་འདི་ནི་ཚུལ་གཅིག་པ་མཉམ་པ་ཉིད་བསྒོམ་པའོ། །གང་
D263.067.0156a07.01