完整藏文原文 · 德格版页 当前仅加载第 67 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་དེ་ཉན་ཐོས་དང་རང་སངས་རྒྱས་ཀྱི་ཐེག་པ་རྣམ་པར་སྤངས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་པ་རྣམས་ལ་ཐེག་པ་ཆེན་པོ་དག་པའི་གཏམ་སྨྲ་བར་བྱེད་ཀྱི་ཉན་ཐོས་དང་། རང་སངས་རྒྱས་ཀྱི་གཏམ་
D263.067.0130b01.01ནི་མ་ཡིན་ནོ། །སེམས་ཅན་དགེ་བའི་རྩ་བ་སྐྱེད་པ་དང་། ཡོངས་སུ་སྦྱང་བ་བྱས་པ་དང་། བྱང་ཆུབ་སེམས་དཔའི་ཡོན་ཏན་མང་པོ་དང་ལྡན་པ་དང་། སངས་རྒྱས་ཀྱི་ཡོན་ཏན་ཚད་མེད་པ་ལ་འཇུག་པའི་ཡེ་ཤེས་ལ་མཁས་པ་རྣམས་ལ་ཆོས་སྟོན་པར་བྱེད་དོ། །གང་དག་ལ་ཆོས་སྟོན་
D263.067.0130b02.01པ་དེ་དག་ཐམས་ཅད་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་བྱ་བའི་ཕྱིར་སྟོན་གྱི་ཡོངས་སུ་མ་དག་པར་མ་ཡིན་ནོ། །ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱ་བའི་ཕྱིར་སངས་རྒྱས་ཀྱི་ཞིང་ཡོངས་སུ་དག་པར་བྱང་ཆུབ་ཀྱི་སྤྱོད་པ་བསྔགས་པར་བྱེད་ཀྱི་ཡོངས་སུ་མ་དག་པར་ནི་
D263.067.0130b03.01བསྔགས་པར་མི་བྱེད་དོ། །སེམས་ཅན་གྱི་བསམ་པ་ཡོངས་སུ་དག་པས་དགེ་བའི་བཤེས་གཉེན་དེ་དག་དང་འགྲོགས་ཤིང་སྟེན་པ་དང་། སྡོམ་པ་ལ་དགོད་པ་དང་། ཡོན་སྦྱོང་བ་བསྔགས་པར་བྱེད་ཀྱི་ཡོངས་སུ་མ་དག་པ་ནི་མ་ཡིན་ནོ། །རིགས་ཀྱི་བུ་གང་སངས་རྒྱས་ཀྱི་ཞིང་ཡོངས་སུ་
D263.067.0130b04.01དག་པར་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཐམས་ཅད་ཀྱིས་སྔོན་རྙོག་པ་ལྔའི་སངས་རྒྱས་ཀྱི་ཞིང་ཡོངས་སུ་མ་དག་པར་ཐོག་མར་ས་བོན་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །གང་
D263.067.0130b05.01ཡང་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་ཚད་མེད་གྲངས་མེད་པར་ད་ལྟར་གྱི་སངས་རྒྱས་བཅོམ་ལྡན་འདས་བཞུགས་ཤིང་འཚོ་སྐྱོང་བ་བྱང་ཆུབ་སེམས་དཔའ་ཐེག་པ་ཆེན་པོ་དག་ལ་ཡང་དག་པར་ཞུགས་པ་རྣམས་ལ་ཐེག་པ་ཆེན་པོ་དག་པའི་གཏམ་སྨྲ་བའི་དེ་བཞིན་གཤེགས་
D263.067.0130b06.01པ་དེ་དག་ཐམས་ཅད་ཀྱིས་སྔོན་ཉོན་མོངས་པ་དང་རྙོག་པ་ལྔའི་སངས་རྒྱས་ཀྱི་ཞིང་འདིར་ཐོག་མར་ས་བོན་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འདིར་ཡང་སྔོན་དགེ་བའི་རྩ་བ་ལ་བརྟེན་པར་གྱུར་ཏོ། །མངོན་པར་ཤེས་པ་གང་གིས་སངས་རྒྱས་ཀྱི་ཞིང་ཡོངས་
D263.067.0130b07.01