完整藏文原文 · 德格版页 当前仅加载第 67 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་དམིགས་པ་མེད་ཅིང་འདུས་བྱས་པ་མེད་པ་དེ་བཞིན་དུ་གཟུགས་ཀྱང་ལྦུ་བ་ལྟ་བུར་འདུ་ཤེས་པ་མེད་ཅིང་འགྱུར་བ་མེད་པ་དང་། ཚོར་བ་མེད་པ་དང་། མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། སྟོང་པའི་མཚན་ཉིད་དང་བྲལ་བའི་བཟོད་པ་
D263.067.0140a01.01སྒོམ་པར་བྱེད་པ་འདི་དང་། བྱང་ཆུབ་སེམས་དཔའི་སེམས་ཅན་ཡོངས་སུ་སྨིན་པ་ཉེ་བར་འཚོ་བའི་བཟོད་པ་བ་ལྟ་བར་བྱའོ། །རིགས་ཀྱི་བུ་གཞན་ཡང་གཟུགས་ནི་ཕྱི་རོལ་དང་ནང་གི་ནས་གང་ཉེ་བའི་བར་དུ་རང་བཞིན་གྱིས་གཟུགས་བརྙན་ལྟ་བུའི་རྒྱུ་འདྲ་བ་མངོན་པར་མི་འགྱུར་བ་དང་། སྒྱུ་
D263.067.0140a02.01མ་ལྟ་བུ་དང་། ལུས་མངོན་པའི་མཚན་ཉིད་དུ་བརྟག་གོ། །གཟུགས་ནི་ཅི་ལའང་ཆགས་པ་མེད། སྙེམས་པའང་མེད། བླང་བ་དང་དོར་བ་མེད་པར་ཤེས་ཏེ། གཟུགས་ནི་གཉིས་སུ་མེད་དོ། །ཆོས་ཐམས་ཅད་ཆོས་ཀྱི་དབྱིངས་ལ་ཡང་དག་པར་གཞོལ་བར་ཤེས་པས་
D263.067.0140a03.01འབྱུང་བ་ཆེན་པོ་བཞིའི་གཟུགས་ཐམས་ཅད་ཅུང་ཟད་ཀྱང་དབྱེར་མེད་དོ། །ཚིག་གི་ལམ་ཐམས་ཅད་གནས་མེད་པར་ཡང་དག་པར་ཤེས་སོ། །གཟུགས་ནི་གཞན་དུ་སོང་བའང་མེད་ཅིང་ཡུལ་མེད་པ་དང་། གློ་བུར་གྱི་སྡུག་བསྔལ་བ་དང་། རྒྱུན་བཅད་པ་དང་རྒྱུན་མ་བཅད་པའི་མདུད་
D263.067.0140a04.01པ་གཉིས་དང་བྲལ་བ་དང་། གཟུགས་བརྙན་ལྟ་བུ་དང་། གནས་མེད་པར་བརྟག་གོ། །གཟུགས་ཐམས་ཅད་ཀྱི་མཚན་ཉིད་ནི་ལྦུ་བའི་ཕུང་པོ་ལྟ་བུར་དམིགས་པ་མེད་པ་དང་། ཀུན་འབྱུང་བ་མེད་པ་དང་། ཤིན་ཏུ་རང་བཞིན་མེད་པར་བརྟག་གོ། །འབྱུང་བ་ཆེན་པོ་བཞི་རྣམས་ནི་རྣམ་
D263.067.0140a05.01པར་དག་པ། རྣམ་པར་མི་རྟོག་པ། མི་འབྱུང་བ། མངོན་པར་མི་སྒྲུབ་པ། ཆོས་ཐམས་ཅད་སྤྲོས་པའི་རྒྱུན་བཅད་པ་ཐམས་ཅད་དུ་ཞུགས་པ་མེད་པར་བརྟག་གོ། །འབྱུང་བ་ཆེན་པོ་བཞིའི་གཟུགས་ཀྱི་ཕུང་པོའི་མཚན་ཉིད་ནི་སྙེམས་པ་མེད་པ་དང་། གཏོང་བ་མེད་པ་དང་། མུན་པ་མེད་པ་དང་།
D263.067.0140a06.01སྣང་བ་མེད་པ་དང་། ཡིད་ལ་མི་བྱེད་པ་དང་། གཉིས་སུ་མེད་པ་དང་། སོགས་པ་མེད་པ་དང་། སྤྲོས་པ་མེད་པ་དང་། གཟུགས་བརྙན་ལྟ་བུ་དབྱེར་མེད་པ་དང་། དངོས་པོ་མེད་པར་བརྟག་གོ། །གཟུགས་འབྱུང་བ་ཆེན་པོ་བཞི་ནི་ཤིན་ཏུ་རྣམ་པར་མི་རྟོག་པ་དང་། ཟད་པ་དང་ལྦུ་བ་ལྟ་བུར་བལྟའོ། །
D263.067.0140a07.01