完整藏文原文 · 德格版页 当前仅加载第 67 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
ཀླུའི་གླང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ཡང་དག་པར་གནས་ཤིང་འདི་ལྟ་སྟེ། མུ་ཏིག་སྔོན་པོའི་ཆར་དང་། གོ་ཤིར་ཤའི་སྙིང་པོའི་ཆར་ལ་སོགས་ཏེ། ཆར་སྣ་ཚོགས་རབ་ཏུ་ཕབ་བོ། །གང་ལ་ལ་སྟོང་གསུམ་གྱི་སྟོང་ཆེན་པོའི་འཇིག་
D263.067.0102a01.01རྟེན་གྱི་ཁམས་འདིར་སྔོན་བྱང་ཆུབ་ཏུ་སེམས་བསྐྱེད་པའི་ལྷའམ། ལྷའི་དབང་པོའམ། ཀླུ་འམ། ཀླུའི་དབང་པོའམ། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། {ཡི་དགས་,ཡི་དྭགས་}དང་། ཤ་ཟ་དང་།
D263.067.0102a02.01གྲུལ་བུམ་དང་། གྲུལ་བུམ་གྱི་དབང་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བའི་བར་དུ་དེ་ཐམས་ཅད་དྲང་སྲོང་གི་ཆ་བྱད་ཀྱིས་མེ་ཏོག་སྣ་ཚོགས་དང་། ཕྲེང་བ་སྣ་ཚོགས་དང་། དྲི་སྣ་ཚོགས་དང་། བྱུག་པ་སྣ་ཚོགས་དང་། རོལ་མོ་དཀྲོལ་བ་སྣ་ཚོགས་དང་
D263.067.0102a03.01བརྡུང་བ་དང་། གླུ་སྣ་ཚོགས་ཡོངས་སུ་བཟུང་ནས་བཅོམ་ལྡན་འདས་སྤྱན་མི་འཛུམས་པའི་ཞལ་ལ་རྣམ་པར་ལྟ་བའི་ཕྱིར་འཁོད་དོ། །གང་ལ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་ལྷའི་བུ་མོའམ། གནོད་སྦྱིན་གྱི་བུ་མོའམ། ནམ་མཁའ་ལྡིང་གི་བུ་མོ་
D263.067.0102a04.01འམ། ལྷ་མ་ཡིན་གྱི་བུ་མོའམ། མིའམ་ཅིའི་བུ་མོའམ་ལྟོ་འཕྱེ་ཆེན་པོའི་བུ་མོ་དེ་ཐམས་ཅད་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་རོལ་མོ་བརྡུང་བ་དང་། དཀྲོལ་བ་དང་། གླུ་ཡོངས་སུ་བཟུང་སྟེ། དམར་པོ་དང་། དཀར་པོ་དང་། ལེ་བརྒན་
D263.067.0102a05.01དང་། ཤེལ་གྱི་ཁ་དོག་གི་གོས་ཀྱི་ཆར་ཁད་ཀྱིས་ཁད་ཀྱིས་རབ་ཏུ་ཕབ་བོ། །མིའམ་ཅིའི་བུ་མོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་ལ་མཆོད་པ་སྣ་ཚོགས་ཀྱི་ལས་ཀྱི་ཕྱིར་བརྩོན་ནོ། །ཚངས་པའི་དབང་པོ་སྔོན་བྱང་ཆུབ་ཏུ་སེམས་བསྐྱེད་པ་བྱེ་བ་ཁྲག་ཁྲིག་
D263.067.0102a06.01བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་བཅོམ་ལྡན་འདས་ལ་སྟོད་ཅིང་སྤྱན་སྔར་འཁོད་དོ། །བརྒྱ་བྱིན་གྱི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་ཕྱག་འཚལ་བར་བྱེད་ཅིང་། མིའམ་ཅིའི་དབང་པོ་བརྒྱ་སྟོང་དུ་མ་ཡང་དྲང་སྲོང་གི་ཆ་བྱད་ཀྱིས་སྟོད་ཅིང་ཕྱག་འཚལ་ལོ། །
D263.067.0102a07.01