完整藏文原文 · 德格版页 当前仅加载第 67 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཟད་པར་འགྱུར་བ་དང་མུན་པ་མུན་ནག་ཏུ་གྱུར་པའི་འཁོར་བ་རྣམས་ཤེས་རབ་ཆེན་པོའི་སྣང་བ་དང་ལྡན་པར་གྱུར་ཅིག །དེ་ནས་ཁྱོད་དེ་མ་ཐག་ཏུ་དཀའ་ཐུབ་དང་། བརྟུལ་ཞུགས་དང་། ཚངས་པར་སྤྱོད་པ་ཐམས་ཅད་ཀྱི་འབྲས་བུ་རྣམ་པར་སྨིན་པ་དེ་བཞིན་དུ་ཉོན་ཅིག །ཇི་ལྟར་བཅོམ་ལྡན་
D263.067.0173b01.01འདས་དྲང་སྲོང་ཆེན་པོ་ད་ལྟར་སེམས་རྩེ་གཅིག་ཏུ་སྟོན་ཏོ། །དེ་ནས་མུ་སྟེགས་ཅན་དེ་དག་ཐམས་ཅད་མགུ་ཞིང་རངས་པ་དང་། རབ་ཏུ་དགའ་བའི་སེམས་ཀྱིས་སེམས་རྩེ་གཅིག་ཏུ་ཐལ་མོ་སྦྱར་ཏེ། བཅོམ་ལྡན་འདས་ལ་མིག་མི་འཛུམས་པར་ལྟ་བར་གྱུར་ཏོ། །བཅོམ་ལྡན་འདས་ཀྱིས་
D263.067.0173b02.01དྲི་མ་མེད་པའི་གོས་གཞོན་ནུར་གྱུར་པ་ལ་བཀའ་སྩལ་པ། །རིགས་ཀྱི་བུ་ཅི་འདྲ་བའི་ཚུལ་གྱིས་ན་བཟོད་པ་སོ་སོར་ཐོབ། དམ་པའི་ཆོས་ཅི་འདྲ་བའི་ཚུལ་གང་དང་གང་གིས་ན་སེམས་ཅན་སྙིང་པོར་གནས་པ་ལ་གྲོལ་བར་འགྱུར་རམ། ཚུལ་ཐམས་ཅད་ཟད་པའི་ཕ་རོལ་ཏུ་འགྲོ་བར་འགྱུར་
D263.067.0173b03.01རམ། ཅི་རལ་པས་ཡོངས་སུ་གྲོལ་བར་འགྱུར་རམ། འོན་ཏེ་རུས་པས་སམ། ལུད་ཀྱིས་བྱུག་པ་དང་། ཐལ་བའི་མལ་གྱིས་ཡོངས་སུ་གྲོལ་བར་འགྱུར་རམ། འོན་ཏེ་བརྒྱ་བྱིན་དང་། ཚངས་པ་དང་། ཟླ་བ་དང་། ཉི་མ་དང་། མེ་དང་སྟེན་པའི་བར་དུ་སྙིང་པོར་གནས་པ་ལ་
D263.067.0173b04.01ཡོངས་སུ་གྲོལ་བར་འགྱུར་རམ། འཇིགས་པ་རྣམ་པ་ཐམས་ཅད་ཟད་པའི་ཕ་རོལ་ཏུ་འགྲོ་བར་འགྱུར་རམ། དེ་སྐད་ཅེས་བཀའ་སྩལ་པ་དང་། དྲི་མ་མེད་པའི་གོས་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་སེམས་ཅན་ལྟ་
D263.067.0173b05.01བའི་རྙེད་པ་འདིས་སྙིང་པོར་གནས་པ་ལ་འགྲོ་བར་མི་འགྱུར་རོ། །འཆི་འཕོ་དང་སྐྱེ་བ་ཤིན་ཏུ་སྲིད་པ་འགྲོ་བ་ལ་བརྟག་པ་ན་སྲིད་པ་ཀུན་ཏུ་སྦྱོར་བའི་ཕ་རོལ་ཏུ་འགྲོ་བར་མི་འགྱུར་རོ། །སེམས་ཅན་གྱི་མཐའ་འདི་གཉིས་ཀྱིས་གང་སོ་སོར་ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་
D263.067.0173b06.01འོད་ཀྱིས་འདུལ་བའི་བཟོད་པ་འདི་ཡོངས་སུ་ཉམས་པར་འགྱུར་རོ། །གང་ཡང་འདོད་པ་དང་འདོད་པ་བདེ་བའི་རྗེས་སུ་སྦྱོར་བ་རང་བཞིན་གྱིས་འགྲོ་བ་ངན་པའི་མི་ལ་བརྩོན་ནོ། །གང་ཡང་བདག་ལ་གནོད་པར་སྦྱོར་བའི་ཞགས་པ་འཐུབ་པ་དགུ་བཅུ་རྩ་ལྔ་ཚུལ་ཁྲིམས་དང་བརྟུལ་ཞུགས་ངན་པ་
D263.067.0173b07.01