完整藏文原文 · 德格版页 当前仅加载第 67 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བགྲང་བ་ལས་ཤིན་ཏུ་འདས་པའི་སེམས་ཅན་རྣམས་ལ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བསྒོམ་པའི་ལམ་སྟོན་ཏོ། །སེམས་ཅན་བྱེ་བ་ཁྲག་ཁྲིག་བརྒྱ་སྟོང་མང་པོ་ཡུན་མི་རིང་བས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་
D263.067.0181a01.01འདུལ་བའི་བཟོད་པ་འདི་ཐོབ་པར་གྱུར་ཏོ། །དེ་ན་ངས་བགྲང་བ་ལས་ཤིན་ཏུ་འདས་པའི་སེམས་ཅན་རྣམས་ཉན་ཐོས་ཀྱི་ཐེག་པ་ལ་སྦྱོར་བར་གྱུར་ཏོ། །དེ་ན་ངས་བགྲང་བ་ལས་ཤིན་ཏུ་འདས་པའི་སེམས་ཅན་རྣམས་རང་སངས་རྒྱས་ཀྱི་ཐེག་པ་ལ་སྦྱོར་བར་གྱུར་ཏོ། །བགྲང་བ་ལས་ཤིན་ཏུ་འདས་པའི་
D263.067.0181a02.01སེམས་ཅན་རྣམས་ལྷ་དང་མི་ལ་སྦྱོར་བར་གྱུར་ཏོ། །དེས་བགྲང་བ་ལས་ཤིན་ཏུ་འདས་པའི་སེམས་ཅན་རྣམས་ཕྱོགས་བཅུའི་སངས་རྒྱས་བཅོམ་ལྡན་འདས་ལ་བསྙེན་བཀུར་བར་གྱུར་ཏོ། །དེ་ནས་སངས་རྒྱས་བཅོམ་ལྡན་འདས་དེ་དག་གི་སྤྱན་སྔར་ངས་རྣམ་པ་འདི་ལྟ་བུའི་སྨོན་ལམ་བཏབ་སྟེ།
D263.067.0181a03.01བདག་ད་ལྟར་སངས་རྒྱས་ཀྱི་ཞིང་ཤིན་ཏུ་རྣམ་པར་ཕྱེ་བ་ན་སེམས་ཅན་རྣམས་རྒ་ཤིའི་ཕ་རོལ་ཏུ་འགྲོ་བའི་བཟོད་པའི་ལམ་སྟོན་ཅིང་ཕྱོགས་བཅུའི་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ན་སེམས་ཅན་རྣམས་ལ་རྒ་ཤིའི་ཕ་རོལ་ཏུ་ཕྱིན་པའི་བཟོད་
D263.067.0181a04.01པའི་ལམ་བསྟན་པར་བྱའོ། །སྡིག་པ་སྤོང་བ་ཇི་ལྟར་ཡང་ང་རྣམ་པ་དེ་ལྟ་བུའི་སྤྱོད་ལམ་ལ་བརྩོན་པ་འདིས་རྩལ་ཆེན་པོ་བྱས་པར་གྱུར་ཏོ། །དེ་བཞིན་དུ་བསྐལ་པ་བར་མ་བདུན་ལས་ཤིན་ཏུ་འདས་པའི་ཕྱོགས་བཅུ་ཀུན་ནས་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་
D263.067.0181a05.01གཱའི་བྱེ་མ་སྙེད་ཐམས་ཅད་དུ་ཀུན་ཏུ་རྒྱུའི་ཆ་བྱད་ཀྱིས་རྣམ་པ་དེ་ལྟ་བུའི་རྩལ་ཆེན་པོ་བྱས་སོ། །ངས་སངས་རྒྱས་ཀྱི་ཞིང་རེ་རེ་ལ་བགྲང་བ་ལས་ཤིན་ཏུ་འདས་པའི་སེམས་ཅན་རྣམས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ལ་བཀོད་དོ། །ངས་བགྲང་བ་
D263.067.0181a06.01ལས་ཤིན་ཏུ་འདས་པའི་སེམས་ཅན་རྣམས་བྱང་ཆུབ་ཀྱི་སེམས་སུ་སྦྱོར་བར་གྱུར་ཏོ། །དེ་བཞིན་དུ་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ལྷ་དང་མིའི་ཐེག་པ་ལ་སྦྱོར་བར་གྱུར་ཏོ། །སྡིག་པ་སྤོང་བ་དེ་ང་བསྐལ་པ་བར་མ་བདུན་གྱིས་ཕྱོགས་བཅུའི་ཞིང་སྟོང་པ་དང་།
D263.067.0181a07.01