完整藏文原文 · 德格版页 当前仅加载第 67 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་སྟོང་སྨོན་ལམ་གྱི་དབང་གིས་དེ་ནས་ཤི་འཕོས་ནས་དེ་བཞིན་གཤེགས་པ་ཤཱཀྱ་ཐུབ་པའི་སངས་རྒྱས་ཀྱི་ཞིང་འདིར་སྐྱེས་སོ། །ལ་ལ་དག་ནི་སྨོན་ལམ་གྱི་དབང་གིས་དེ་ནས་ཤི་འཕོས་ནས་གང་ན་སངས་རྒྱས་བཅོམ་ལྡན་འདས་བཞུགས་ཏེ་འཚོ་སྐྱོང་ཞིང་བྱང་ཆུབ་སེམས་དཔའ་
D263.067.0204a01.01དག་པའི་ཚོགས་ཀྱིས་བསྐོར་ཏེ། ཆོས་ཀྱང་སྟོན་པའི་སངས་རྒྱས་ཀྱི་ཞིང་ཡོངས་སུ་དག་པ་གཞན་དག་ཏུ་སྐྱེས་ནས། སངས་རྒྱས་ཀྱི་ཞིང་དེ་དང་དེ་དག་ཏུ་སེམས་ཅན་རྣམས་ཀྱི་ལོངས་སྤྱོད་དང་། ཀུན་ཏུ་སྤྱོད་པ་དང་། བདེ་བའི་ཡོ་བྱད་སྣ་ཚོགས་ཆོ་མ་ཆོ་དགུ་གྲངས་མེད་དཔག་ཏུ་མེད་པ་
D263.067.0204a02.01བྱུང་ངོ་། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས། དེའི་ཚེ་ཆེད་དུ་བརྗོད་པ་འདི་ཆེད་དུ་བརྗོད་དོ། །འཇིག་རྟེན་དག་ན་མཁས་པ་གང་། །བློ་དང་ལྡན་ཞིང་འཇིགས་མེད་པ། །བྱང་ཆུབ་ཏུ་ནི་སེམས་བསྔོས་ཤིང་། །བྱ་བར་དཀའ་བ་རྣམས་ཀྱང་སྤྱོད། །
D263.067.0204a03.01ཕ་ཡི་དངོས་པོ་རྣམ་པར་སྟོན། །སེམས་ཅན་སྡུག་བསྔལ་སྨིན་པར་བྱེད། །བདུད་བཞི་དག་ཀྱང་འདུལ་བར་བྱེད། །མྱ་ངན་འདས་པ་ཞི་བ་ཐོབ། །སྦྱིན་པ་སྡོམ་པ་སྡོམ་པ་ཡིས། །སེམས་ཅན་རྣམས་ལ་ལས་སྟོན་ཅིང་། །ཐེག་པ་གསུམ་ལ་སྦྱོར་བ་ཡིས། །དེ་དག་ཐར་པའི་སྐལ་བ་
D263.067.0204a04.01ཐོབ། །གང་དག་ངན་འགྲོ་གསུམ་གནས་པ། །སྡུག་བསྔལ་གནོད་ལས་ཐར་བྱེད་ཅིང་། །དེ་དག་སེམས་ནི་དང་བྱས་ནས། །ལྷ་དང་མིར་ནི་རབ་ཏུ་ཁྲིད། །དགེ་བའི་ཆོས་ལ་རབ་སྦྱོར་ཞིང་། །གང་དང་གང་ལ་མོས་པ་དག །ཕ་རོལ་ཕྱིན་དྲུག་རྫོགས་བྱས་ནས། །དེ་དག་
D263.067.0204a05.01སངས་རྒྱས་འཐུན་པར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ནས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་ཚེ།
D263.067.0204a06.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས། བཅོམ་ལྡན་འདས་འདི་ནི་ཆོས་ཀྱི་འཁོར་ལོ་རབ་ཏུ་བསྐོར་བ་གཉིས་པ་སྟེ། བཅོམ་ལྡན་འདས་ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཅང་མི་གསུང་བར་
D263.067.0204a07.01