完整藏文原文 · 德格版页 当前仅加载第 67 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཚིམ་པར་བྱེད་དོ། །དེ་ལ་བཅོམ་ལྡན་འདས་ཀྱིས་ཡི་གེ་དང་སྨྲས་པ་ཉོན་ཅིག །གྲོགས་པོ་དག་ཉོན་ཅིག །གྲོགས་པོ་དག་ལྷ་དང་མིར་སྐྱེ་བ་ཐོབ་པར་འགྱུར་བ་དང་། ལམ་གང་གིས་ཉན་ཐོས་ཀྱི་ཐེག་པ་རྙེད་དེ་སྡུག་བསྔལ་ཐམས་ཅད་ཟད་པར་འགྱུར་
D263.067.0202a01.01བ་དང་། རང་སངས་རྒྱས་ཀྱི་ཐེག་པ་རྙེད་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར་འགྱུར་བ་བདེ་བ་དང་ཞི་བའི་ལམ་སྟོན་ཅིག །བཅོམ་ལྡན་འདས་ཀྱིས་སྒྲ་དབྱངས་བརྗོད་པ་དེ་ཕྱོགས་བཅུ་ཀུན་ཏུ་སྐད་དང་ཚིག་གཅིག་བརྗོད་པས་ཡི་གེ་དང་སྒྲ་དབྱངས་བརྗོད་པ་
D263.067.0202a02.01སྟོང་ཕྲག་བརྒྱད་ཅུ་རྩ་བཞི་བརྗོད་པའི་གྲངས་སུ་འགྲོའོ། །ཡི་གེ་དང་སྒྲ་དབྱངས་བརྗོད་པ་དེས་སེམས་ཅན་ཐམས་ཅད་རང་རང་གི་ཚིག་ཁོང་དུ་ཆུད་པར་འགྱུར་རོ། །ཕྱོགས་བཅུ་ཐམས་ཅད་ཀྱི་སངས་རྒྱས་ཀྱི་ཞིང་སྟོང་པ་རྙོག་པ་ལྔ་དང་ལྡན་པ་ཆུ་བོ་གང་གཱའི་བྱེ་མ་སྙེད་སྒྲ་དབྱངས་ཀྱིས་
D263.067.0202a03.01རྒྱས་པར་བྱེད་དོ། །ཆུ་བོ་གང་གཱའི་བྱེ་མ་སྙེད་ཀྱི་སངས་རྒྱས་ཀྱི་ཞིང་སྟོང་པ་རྙོག་པ་ལྔ་དང་ལྡན་པ་དེའི་སེམས་ཅན་ངན་པར་སོང་བ་རྣམས་ཀྱི་རྣ་ལམ་དུ་ཡང་གྲག་གོ། །དེ་ནས་སེམས་ཅན་དེ་དག་རང་རང་གི་ཚིག་ཀུན་ཏུ་ཤེས་ནས་འདི་སྙམ་དུ་སེམས་ཏེ། འདི་ལྟར་ཡིད་དུ་འོང་བ་འདི་
D263.067.0202a04.01ལྟར་སྙན་པ། འདི་ལྟར་དགའ་བར་འགྱུར་བ་འདི་སུའི་ཚིག་བདག་ཅག་ལ་ཞི་བ་དང་བདེ་བའི་ལམ་སྟོན་པའི་སེམས་ཅན་གྱི་སྙིང་པོ་འདི་སུ་ཞིག །ལམ་གང་བསྟན་པས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་འཐོབ། ཉན་ཐོས་ཀྱིས་ནི་ཅི་འདྲ་བ་ཞིག །རང་
D263.067.0202a05.01སངས་རྒྱས་ཀྱིསའང་ཅི་འདྲ་བ་ཞིག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱིསའང་ཅི་འདྲ་བ་ཞིག །ལམ་གང་ཐོབ་ན་བདག་ཅག་ལུས་ཀྱི་བདེ་བའི་ཚོར་བ་ཐམས་ཅད་བྱང་ཞིང་སྡུག་བསྔལ་ཐམས་ཅད་བྱང་སྟེ། ལུས་ཀྱི་གཡེང་བ་ཐམས་ཅད་སྲབ་པར་གྱུར། དེ་བས་ན་
D263.067.0202a06.01བདག་ཅག་གིས་བསྟི་སྟང་དུ་བྱས་ཏེ་མཉན་པར་བྱ་སྙམ་མོ། །བཅོམ་ལྡན་འདས་ཀྱིས་ཡང་བཀའ་སྩལ་པ། གྲོགས་པོ་དག་བཅུ་པོ་འདི་དག་ནི་དགེ་བའི་ལས་ཀྱི་ལམ་སྟེ། དེས་ལྷ་དང་མིར་སྐྱེ་བ་རབ་ཏུ་འཐོབ། སྡུག་བསྔལ་ཐམས་ཅད་ཟད་པར་འགྱུར་བ་ཉན་ཐོས་ཀྱི་ཐེག་པ་ཡང་
D263.067.0202a07.01