完整藏文原文 · 德格版页 当前仅加载第 67 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
རྙོག་པ་ལྔའི་སངས་རྒྱས་ཀྱི་ཞིང་དུ་སྐད་ཅིག་མ་གཅིག་གིས་སོང་བའི་མེ་ཏོག་རེ་རེ་ལ་ཡང་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀྱི་ཆོས་ཀྱི་སྒོ་བརྗོད་པའི་དབྱངས་འབྱུང་བ་ནི་འདི་ལྟ་སྟེ། ཆོས་ཐམས་ཅད་དབྱངས་མེད་པའོ། །བདུད་བཞིའི་ཡུལ་ལས་འདའ་བའོ། །
D263.067.0095a01.01ཆོས་ཐམས་ཅད་ནི་ནམ་མཁའི་ལམ་མོ། །གནས་ཡང་དག་པར་སྤོང་བའོ། །ཡི་གེ་མེད་པའོ། །ཆོས་ཐམས་ཅད་ནི་ཆགས་པ་ཡང་དག་པར་གཞོལ་བའོ། །མི་སྐྱེ་བའོ། །ཆོས་ཐམས་ཅད་ནི་ཉོན་མོངས་པ་ཡང་དག་པར་གཞོལ་བའོ། །མ་འགགས་པའོ། །ཆོས་ཐམས་ཅད་ནི་སྔོན་གྱི་
D263.067.0095a02.01དམ་ཚིག་མི་གཏོང་བའོ། །མཚན་ཉིད་མེད་པའོ། །ཆོས་ཐམས་ཅད་ནི་ཆགས་པ་ཡང་དག་པར་གཏོང་བའོ། །རྐྱེན་མེད་པའོ། །ཆོས་ཐམས་ཅད་ནི་ཀུན་ཏུ་སྦྱོར་བ་ཡང་དག་པར་གཏོང་བའོ། །གནས་མེད་པའོ། །ཆོས་ཐམས་ཅད་ནི་རྩོམ་པ་མེད་པའོ། །ཆོས་ཐམས་ཅད་ནི་བདག་
D263.067.0095a03.01གིར་བྱ་བ་དང་། ང་ཡིར་བྱ་བ་ཡང་དག་པར་གཏོང་བའོ། །ཆོས་ཐམས་ཅད་ནི་དབེན་པའོ། །འདུ་འཛི་ཡང་དག་པར་གཏོང་བའོ། །བདག་མེད་པའོ། །ཆོས་ཐམས་ཅད་ནི་བདག་དང་བྲལ་བ་ནས་བརྗོད་དུ་མེད་པའི་བར་དུའོ། །རབ་ཏུ་ཞི་བའོ། །མི་སྣང་བ་ཐོབ་པའོ། །མི་གནས་
D263.067.0095a04.01པའོ། །ཤིན་ཏུ་ཡུལ་མེད་པའོ། །ཤིན་ཏུ་རྩ་བ་མེད་པའོ། །ཤིན་ཏུ་རང་བཞིན་མེད་པའོ། །གཉེན་པོ་མེད་པའོ། ཁ་ཟས་མེད་པའོ། །ཤིན་ཏུ་འཐོར་བ་མེད་པའོ། །འཇུངས་པ་མེད་པའོ། །ཤིན་ཏུ་བསམ་གཏན་བྱེད་པའོ། །ཤིན་ཏུ་བསྒྲིབས་པ་མེད་པའོ། །ཤིན་ཏུ་འོང་བ་
D263.067.0095a05.01མེད་པའོ། །ཉམ་ཆུང་བའོ། །དངོས་པོ་མེད་པའོ། །བྱེད་པ་མེད་པའོ། །ཚོར་བ་མེད་པའོ། །ཟག་པ་མེད་པའོ། །འཛིན་པ་མེད་པའོ། །རྣམ་པར་ཤེས་པ་མེད་པའོ། །སྨིག་རྒྱུ་ལྟ་བུའོ། །བྲག་ཅ་ལྟ་བུའོ། །མིག་ཡོར་ལྟ་བུའོ། །ཆུ་ཟླ་ལྟ་བུའོ། །གཟུགས་བརྙན་ལྟ་བུའོ། །ནམ་
D263.067.0095a06.01མཁའ་དང་མཉམ་པའོ། །དངོས་པོ་མེད་པའོ། །མཚན་ཉིད་མེད་པ་ནས་མཚན་ཉིད་མེད་པ་དང་། མཚན་ཉིད་དང་བྲལ་བ་དང་། མཉམ་པའི་མཚན་ཉིད་དང་། མཚན་ཉིད་གཅིག་པ་དང་། མཚན་ཉིད་མེད་པའི་བར་དུའོ། །ཆོས་ཐམས་ཅད་ནི་བདག་མེད་པའོ། །ངར་སེམས་པ་མེད་པའོ། །
D263.067.0095a07.01