完整藏文原文 · 德格版页 当前仅加载第 67 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
དོར་བ་མེད་པའི་འདུ་བྱེད་ཐམས་ཅད་ཤེས་ཤིང་རྒྱུ་དང་འབྲས་བུར་ཡང་རྟོག་པ་དང་། ཆོས་ཐམས་ཅད་སྐྱེ་བ་དང་འགོག་པར་དམིགས་པ་མེད་པ་དང་། རྒྱུ་དང་རྐྱེན་གྱི་འབྲས་བུ་རྣམ་པར་སྨིན་པ་དང་བྲལ་བར་རབ་ཏུ་མི་ཤེས་པ་དང་། སེམས་ཅན་རྣམས་ཡོངས་སུ་སྨིན་པར་བྱེད་པ་དང་།
D263.067.0128b01.01སྙིང་རྗེ་ཆེན་པོའི་རྒྱུན་མི་གཅོད་པ་དང་། ཡང་སེམས་ཅན་རྣམས་ཀྱི་ཉོན་མོངས་པ་རབ་ཏུ་སྤངས་པ་དང་། ཕུང་པོ་ཡོངས་སུ་ཤེས་པ་དང་། ཡེ་ཤེས་མངོན་སུམ་དུ་བྱ་བའི་ཕྱིར་བརྩོན་འགྲུས་བརྩམ་པ་དང་། རྒྱུའི་འབྲས་བུ་སྟོན་པར་བྱེད་པ་དང་། སེམས་ཅན་ལེ་ལོ་ཅན་རྣམས་
D263.067.0128b02.01བརྩོན་འགྲུས་ལ་དམིགས་པའི་སྡུག་བསྔལ་འཛིན་པ་ལ་སྦྱོར་བ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པ་མངོན་པར་བསྒྲུབས་པའོ། །བྱང་ཆུབ་སེམས་དཔའ་ཇི་ལྟར་ཡང་བསམ་གཏན་ལ་བསམ་གཏན་དུ་བྱེད་ཅིང་འདུ་བྱེད་ཐམས་ཅད་མི་རྟག་
D263.067.0128b03.01པར་ཡང་དག་པར་རྗེས་སུ་མཐོང་བ་དང་། སྡུག་བསྔལ་བ་དང་། བདག་མེད་པ་དང་། རྨྱོང་བ་མེད་པ་དང་། བྱས་པ་མེད་པ་དང་། བྱ་བ་མེད་པ་དང་། ཀུན་ནས་ལྡང་བ་མེད་པ་དང་། སྐད་ཅིག་ཏུ་ཟད་པ་མེད་པའི་ཡེ་ཤེས་ལ་མཁས་པའི་འདུ་བྱེད་རྣམས་ཡང་དག་པར་རྗེས་སུ་མཐོང་བ་དང་།
D263.067.0128b04.01སེམས་ཅན་རྣམས་ལ་ཡང་ཕུང་པོ་ལ་རྟེན་པའི་བསམ་གཏན་ཚངས་པར་སྤྱོད་པ་མངོན་པར་ཤེས་པ་ཐོབ་པའི་རྒྱུ་དང་འབྲས་བུ་སྟོན་པ་དང་། བསམ་གཏན་གྱིས་ཉོན་མོངས་པ་སྤང་བར་བྱོས་ཤིག་ཅེས་དེ་ལྟར་ལས་གཞན་མ་ཡིན་པས་སེམས་ཅན་རྣམས་བསམ་གཏན་ལ་སྦྱོར་བར་བྱེད་པ་
D263.067.0128b05.01དང་། ཐོབ་པ་ཆེན་པོ་ཐོབ་པར་བྱོས་ཤིག་ཅེས་བསམ་གཏན་ལ་སེམས་སྦྱོར་བར་བྱེད་པ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པས་སེམས་ཅན་ཡོངས་སུ་སྨིན་པའི་མངོན་པར་བསྒྲུབས་པའོ། །ཡང་བྱང་ཆུབ་སེམས་དཔའ་ཇི་ལྟར་བླང་བ་མེད་ཅིང་དོར་བ་མེད་པ་དང་། ཆགས་
D263.067.0128b06.01པ་དང་། ཁོང་ཁྲོ་བ་གཉི་ག་དང་བྲལ་བས་ཐམས་ཅད་བཏང་སྙོམས་ཐོབ་པ་དང་། ནན་ཏན་དང་། བདག་ཏུ་ཤེས་པ་དང་། མི་སྐྱེ་བའི་ཆོས་ཀྱི་བཟོད་པ་དང་། བསམ་གཏན་གྱི་དབང་པོ་ལ་ཡིད་ཀྱི་འདུ་བྱེད་རྣམས་རྟོག་པར་མི་བྱེད། རྣམ་པར་རྟོག་པར་མི་བྱེད་པ་དང་། སེམས་ཅན་རྣམས་
D263.067.0128b07.01