完整藏文原文 · 德格版页 当前仅加载第 67 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཞེ་ན། ཚུལ་ཁྲིམས་དང་བྲལ་བའི་སེམས་ཅན་རྣམས་ངག་སྙན་པ་དང་འཇམ་པས་ཚུལ་ཁྲིམས་ལ་འགོད་པར་བྱེད་པ་དང་། སེམས་ཅན་ལྟ་བ་དང་བྲལ་བ་རྣམས་ཡང་དག་པའི་ལྟ་བ་ལ་འགོད་པར་བྱེད་པ་དང་། སེམས་ཅན་བསམ་པ་དང་བྲལ་བ་རྣམས་བསམ་པ་ཡོངས་
D263.067.0122a01.01སུ་སྦྱོང་བར་བྱེད་པ་དང་། སེམས་ཅན་ཆོ་ག་དང་བྲལ་བ་རྣམས་ཡང་དག་པའི་ཆོ་ག་ལ་འགོད་པར་བྱེད་པའོ། །རིགས་ཀྱི་བུ་དེ་ན་སེམས་ཅན་ཚུལ་ཁྲིམས་དང་བྲལ་བ་རྣམས་བྱང་ཆུབ་སེམས་དཔའི་ངག་སྙན་པའི་བསྡུ་བའི་དངོས་པོས་འཕགས་པའི་ཚུལ་ཁྲིམས་ལ་ཇི་ལྟར་འགོད་པར་བྱེད། ཡང་
D263.067.0122a02.01བྱང་ཆུབ་སེམས་དཔའ་བདེན་པ་ཚིག་མི་རྩུབ་པ་དེའི་དྲུང་དུ་སློང་བ་པོ་ཉེ་བར་ཕྱིན་པའི་སེམས་ཅན་དེ་དག་ཀྱང་བསམ་པ་ཤིན་ཏུ་ཡོངས་སུ་མགུ་བར་བྱེད་དོ། །དེ་དག་ལ་མཚུངས་པར་ངག་སྙན་པས་གཏམ་སྨྲ་བར་བྱེད་དོ། །དེ་དག་ཀྱང་འདུལ་བར་བྱེད་དོ། །སེམས་ཅན་གང་དགེ་བ་བཅུའི་ལས་ཀྱི་
D263.067.0122a03.01ལམ་དང་ལྡན་པར་འགྱུར་བ་དེ་དག་ཐམས་ཅད་ངག་སྙན་པས་དགེ་བ་བཅུའི་ལས་ཀྱི་ལམ་ལ་ཡང་དག་པར་གཞོག་པར་བྱེད། འགོད་པར་བྱེད་དོ། །ཚུལ་ཁྲིམས་ངན་པའི་སེམས་ཅན་རྣམས་ཚུལ་ཁྲིམས་ལ་ཡང་དག་པར་གཞོག་པར་བྱེད་འགོད་པར་བྱེད་འཛུད་པར་བྱེད་དོ། །སེམས་ཅན་ལེ་
D263.067.0122a04.01ལོ་ཅན་རྣམས་ཉན་ཐོས་ཀྱི་ཐེག་པ་ལ་ཡང་དག་པར་གཞོག་པར་བྱེད། འགོད་པར་བྱེད་འཛུད་པར་བྱེད་དོ། །སེམས་ཅན་བདག་བདེ་བར་འདོད་པ་རྣམས་རང་སངས་རྒྱས་ཀྱི་ཐེག་པ་ལ་ཡང་དག་པར་གཞོག་པར་བྱེད། འགོད་པར་བྱེད། འཛུད་པར་བྱེད་དོ། །གཞན་ཡང་སེམས་ཅན་ལེ་ལོ་
D263.067.0122a05.01ཅན་རྣམས་བརྩོན་འགྲུས་རྩོམ་པ་ལ་འགོད་པར་བྱེད་དོ། །མ་དད་པ་རྣམས་དད་པའི་བརྩོན་འགྲུས་ལ་འགོད་པར་བྱེད་དོ། །ཐོས་པ་ཉུང་བ་རྣམས་མང་དུ་ཐོས་པ་དང་། འཆལ་པའི་ཤེས་རབ་ཅན་རྣམས་ཤེས་རབ་ཕུན་སུམ་ཚོགས་པ་དང་། མི་འགྲོགས་པའི་སེམས་ཅན་རྣམས་
D263.067.0122a06.01འགྲོགས་པ་ལ་སྦྱོར་བར་བྱེད་དོ། །གཞན་ཡང་སེམས་ཅན་ཕར་མི་ཤེས་ཤིང་མར་མི་ཤེས་ཏེ་མ་གུས་པ་རྣམས་ཕ་མ་ལ་གུས་ཤིང་ནད་པ་ལ་བསྙེན་བཀུར་བ་དང་། དྲང་སྲོང་ལ་སྦྱོར་བར་བྱེད། འགོད་པར་བྱེད། སེམས་རྩུབ་པ་རྣམས་བྱམས་པ་ལ་སྦྱོར་བར་བྱེད། སྙིང་རྗེ་མེད་པའི་སེམས་
D263.067.0122a07.01