完整藏文原文 · 德格版页 当前仅加载第 67 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྐྱེ་བར་འགྱུར་རོ། །དེ་དག་ལའང་འཇིག་རྟེན་ལས་འདས་པའི་ཚུལ་ཁྲིམས་སྟོན་པར་བྱེད་པ་དེ་ནི་སངས་རྒྱས་ཀྱིས་གནང་བ། འཇིག་རྟེན་ལས་འདས་པའི་ཚུལ་ཁྲིམས་འདིའོ། །གང་དང་ལྡན་པའི་སེམས་ཅན་ཐམས་ཅད་འདོད་པའི་འདོད་ཆགས་འཇིག་པར་བྱེད་དོ། །
D263.067.0125a01.01གཟུགས་དང་གཟུགས་མེད་པའི་འདོད་ཆགས་ཐམས་ཅད་འཇིག་པར་བྱེད་དོ། །བག་ལ་ཉལ་བ་དང་། ང་ཡིར་བྱ་བ་དང་། བདག་གིར་བྱ་བ་ཐམས་ཅད་འཇིག་པར་བྱེད་དོ། །མྱུར་དུ་ཆོས་ཟབ་མོ་གཏིང་དཔག་དཀའ་བའི་བཟོད་པ་འཐོབ་བོ། །མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D263.067.0125a02.01ཏུ་མངོན་པར་འཚང་རྒྱའོ། །སེམས་ཅན་འཇིག་རྟེན་པའི་ཚུལ་ཁྲིམས་ཅན་ཡང་དང་ཡང་དུ་སྡུག་བསྔལ་གྱི་ཟིལ་གྱིས་ནོན་ཅིང་འགྲོ་བ་ལྔའི་འཁོར་ལོ་ལ་ཡང་དག་པར་གནས་པ་ང་ཡིར་བྱ་བ་དང་། བདག་གིར་བྱ་བ་ལ་རྟེན་པ་དག་བྱང་ཆུབ་ཀྱི་ལམ་རབ་ཏུ་མི་ཤེས་སོ། །དེ་བཞིན་དུ་རྫུ་འཕྲུལ་ཆེན་པོ་
D263.067.0125a03.01འཇིག་རྟེན་ལས་འདས་པའི་ཚུལ་ཁྲིམས་ཀྱིས་སེམས་ཅན་རྣམས་དགོས་པ་མེད་པ་ནི་གང་ན་བདག་གི་གནས་མེད་ཅིང་སེམས་ཅན་དང་། སྲོག་དང་། གསོ་བ་དང་། གང་ཟག་དང་། ཤེད་ལས་སྐྱེས་པ་དང་། ཤེད་ཅན་གྱི་གནས་མེད་པ་དང་། གཟུགས་ཀྱི་གནས་མེད་པ་དང་། ཚོར་བ་
D263.067.0125a04.01དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་གནས་མེད་པ་དང་། སའི་ཁམས་ཀྱི་གནས་མེད་པ་དང་། ཆུ་དང་མེ་དང་། རླུང་དང་མིག་དང་། གཟུགས་ཀྱི་མཚན་མ་ལ་མི་གནས་ཤིང་རྣ་བ་དང་། སྒྲའི་མཚན་མ་ལ་མི་གནས། སྣ་དང་དྲིའི་མཚན་མ་ལ་མི་གནས།
D263.067.0125a05.01ལྕེ་དང་། རོའི་མཚན་མ་ལ་མི་གནས། ལུས་དང་། རེག་བྱའི་མཚན་མ་ལ་མི་གནས། ཡིད་དང་ཆོས་ཀྱི་མཚན་མ་ལ་མི་གནས། ལུས་དང་ངག་དང་ཡིད་ཀྱི་མཚན་མ་ལ་མི་གནས། ང་ཡིར་བྱ་བའི་རང་བཞིན་གྱི་མཚན་མ་ལ་མི་གནས། རྟག་པ་དང་། ཆད་པའི་མཚན་མ་ལ་མི་
D263.067.0125a06.01གནས། འཇིག་ཚོགས་ཀྱི་ལྟ་བ་དང་། མཐར་འཛིན་པའི་ལྟ་བ་ལ་མི་གནས། རྟོག་པ་དང་རྣམ་པར་རྟོག་པ་དང་། ཀུན་ཏུ་རྟོག་པ་དང་། རབ་ཏུ་རྟོག་པ་དང་། ཉེ་བར་རྟོག་པ་ལ་མི་གནས། མྱ་ངན་དང་ཉེ་བའི་མྱ་ངན་དང་རྗེས་སུ་མྱ་ངན་དང་ཟད་པའི་མྱ་ངན་དང་གཉིས་པའི་མྱ་ངན་ལ་
D263.067.0125a07.01