完整藏文原文 · 德格版页 当前仅加载第 67 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་མ་རིག་པ་ནི་རྒྱུ་བ་མེད་ཅིང་བདག་མེད་པའོ། །རིག་པ་ནི་གློག་གི་རང་བཞིན་ཅན་ནོ། །རྣམ་པར་གྲོལ་བ་ཡང་ནམ་མཁའོ། །ནམ་མཁའ་ཡང་མི་རྟོག་པ། རྟོག་པར་བྱེད་པ་མེད་པ། སྤྲོས་པ་མེད་པ་འདི་ཡང་གཉིས་སུ་མེད་པའི་ཆོས་ཀྱི་སྒོ་ལ་
D263.067.0110a01.01འཇུག་པའོ། །གང་རྣམ་པར་ཤེས་པ་དང་། གཟུགས་ཀུན་ཏུ་སྤྱོད་པ་འདི་ནི་གཉིས་པའོ། །གཟུགས་ཉིད་ཀྱང་ནམ་མཁའ་བཞིན་དུ་སྟོང་སྟེ། ནམ་མཁའ་ཡང་འཇིག་པ་མེད་དོ། །གཟུགས་འཇིག་པ་སྟོང་པ་ཉིད་གཟུགས་ཀྱི་མཚན་ཉིད་རབ་ཏུ་རྒྱུ་བ་སྟོང་པ་ཉིད་ཀྱི་རང་བཞིན་ཡང་སྟོང་པ་ཉིད་
D263.067.0110a02.01དོ། །ཚོར་བ་དང་། འདུ་ཤེས་དང་། འདུ་བྱེད་ཀྱང་དེ་བཞིན་ནོ། །རྣམ་པར་ཤེས་པ་རབ་ཏུ་རྒྱུ་བ་མེད་པ་ནི་ནམ་མཁའ་ཇི་ལྟ་བུར་མུན་པ་མེད་ཅིང་སྣང་བ་མེད་པ་རྣམ་པར་ཤེས་པའང་དེ་བཞིན་ནོ། །རྣམ་པར་ཤེས་པའི་འཇིག་པ་སྟོང་པ་མ་ཡིན་ཏེ། རྣམ་པར་ཤེས་པའི་རང་བཞིན་ཉིད་ཀྱང་
D263.067.0110a03.01སྟོང་པའོ། །དེ་བཞིན་དུ་ཉེ་བར་ལེན་པའི་ཕུང་པོ་ལྔ་ཡང་ནམ་མཁའི་རང་བཞིན་ལྟར་སྟོང་ངོ་། །ནམ་མཁའ་ཇི་ལྟ་བུར་འདོད་ཆགས་མེད། ཞེ་སྡང་མེད། གཏི་མུག་མེད། མི་མཐོ་མི་དམའ། མི་རྟོག་རྣམ་པར་མི་རྟོག །མི་འགྲོ་རྣམ་པར་མི་འགྲོ །དེ་ལྟར་སེམས་པའི་བྱང་ཆུབ་སེམས་
D263.067.0110a04.01དཔའ་ནི་ཆོས་ཐམས་ཅད་ཇི་ལྟ་བ་བཞིན་དུ་རབ་ཏུ་ཤེས་སོ། །ཕུང་པོ་དང་། ཁམས་དང་། སྐྱེ་མཆེད་ལ་ཡང་འདོད་ཆགས་མེད། ཞེ་སྡང་མེད། གཏི་མུག་མེད། མི་མཐོ་མི་དམའ། མི་རྟོག་རྣམ་པར་མི་རྟོག །མི་འགྲོ་རྣམ་པར་མི་འགྲོ་ཞིང་ཉན་ཐོས་དང་། རང་སངས་རྒྱས་དང་།
D263.067.0110a05.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མི་རྟོག་རྣམ་པར་མི་རྟོག །མི་འགྲོ་རྣམ་པར་མི་འགྲོ་བ་འདི་ནི་རིགས་ཀྱི་བུ་བྱང་ཆུབ་སེམས་དཔའི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །བྱང་ཆུབ་སེམས་དཔའ་གཟི་བརྗིད་དྲི་མ་མེད་པས་འདི་བསྟན་པ་སྟོན་པ་ན། བྱང་ཆུབ་
D263.067.0110a06.01སེམས་དཔའ་ཁྲག་ཁྲིག་ཕྲག་དགུ་བཅུ་རྩ་གཉིས་ཀྱིས་མི་སྐྱེ་བའི་ཆོས་ཀྱི་བཟོད་པ་ཐོབ་པར་གྱུར་ཏོ། །བྱང་ཆུབ་སེམས་དཔའ་ཁྲག་ཁྲིག་ཕྲག་བཞི་བཅུ་རྩ་དྲུག་གཉིས་སུ་མེད་པའི་ཆོས་ཀྱི་སྒོ་ལ་འཇུག་པ་ཐོབ་པར་གྱུར་ཏོ། །བཅོམ་ལྡན་འདས་ཀྱང་སྒྲོན་མ་དང་ལྡན་པ་ཞེས་བྱ་བའི་ཏིང་ངེ་འཛིན་
D263.067.0110a07.01