完整藏文原文 · 德格版页 当前仅加载第 67 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྙིང་རྗེ་ཆེན་པོ་རབ་ཏུ་སྦྱོར་བ་ཡོངས་སུ་འགྲུབ་པ་རབ་ཏུ་མི་སྤོང་བ་དང་། ཤེས་རབ་སྒོམ་པ་ལ་བརྩོན་པས་སེམས་ཅན་རྣམས་འཁོར་བའི་བཙོན་ར་ལས་རབ་ཏུ་ཐར་བར་སྟོན་པ་དང་། སེམས་ཅན་རྣམས་ཐོས་པ་དང་བསམ་གཏན་ལ་བརྩོན་ཞིང་ཚོལ་བ་བསྒོམ་པ་ལ་སྦྱོར་བར་བྱེད་པ་
D263.067.0129a01.01དང་། ཡང་བྱང་ཆུབ་སེམས་དཔའ་ཇི་ལྟ་ཇི་ལྟ་བུར་དགེ་བའི་ཆོས་ཀྱི་ཁྱད་པར་ཁོང་དུ་ཆུད་པས་འཁོར་བའི་འདམ་ལས་རྒལ་བར་འགྱུར་བ་དེ་ལྟ་དེ་ལྟ་བུར་སེམས་ཅན་རྣམས་ཆོས་དེ་དང་དེ་དག་ལ་ཡང་དག་པར་གཞོག་པར་བྱེད་སྦྱོར་བར་བྱེད། འགོད་པར་བྱེད་པ་འདི་ཡང་བྱང་ཆུབ་སེམས་
D263.067.0129a02.01དཔའི་ཡེ་ཤེས་ཀྱི་ཐབས་ལ་མཁས་པས་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་དོན་འཐུན་པའི་བསྡུ་བའི་དངོས་པོ་མངོན་པར་བསྒྲུབས་པའོ། །རིགས་ཀྱི་བུ་བྱང་ཆུབ་སེམས་དཔའི་བ་སྤུའི་ཁུང་བུ་ཇི་སྙེད་པ་དེ་སྙེད་ཀྱི་སེམས་ཅན་ཡོངས་སུ་སྨིན་པ་དོན་འཐུན་པའི་བསྡུ་བའི་
D263.067.0129a03.01དངོས་པོའོ། །གཞན་ཡང་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་ངན་སོང་གསུམ་དང་། ངན་སོང་དུ་སྤྱོད་པའི་ཉེས་པ་དང་། སེམས་ཅན་ཉོན་མོངས་པ་དང་། ཚེ་དང་ལྟ་བ་དང་། བསྐལ་པའི་རྙོག་པས་བྱང་ཆུབ་སེམས་དཔའ་རྙོག་པ་ལྔའི་སངས་རྒྱས་ཀྱི་ཞིང་འདི་ལས་
D263.067.0129a04.01སྨོན་ལམ་གྱི་རྒྱུན་མི་གཅོད་ཅིང་སངས་རྒྱས་ཀྱི་ཞིང་གི་ཡོན་ཏན་གྱི་ཚོགས་ལ་མངོན་པར་མི་འདོད་པ་དང་། སངས་རྒྱས་ཀྱི་ཞིང་ཡོངས་སུ་དག་པར་སྨོན་ལམ་མི་བྱེད་དོ། །ཡང་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་ཕ་རོལ་ཏུ་ཕྱིན་པ་དྲུག་གིས་བྱང་ཆུབ་ཀྱི་
D263.067.0129a05.01སྤྱད་པ་སྤྱོད་པ་ན། སེམས་ཅན་མཚམས་མེད་པ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། མི་དགེ་བའི་རྩ་བ་དང་ལྷན་ཅིག་ཏུ་འགྲོགས་པ་རྣམས་བསྡུ་བའི་དངོས་པོ་རྣམ་པ་བཞི་པོ་འདི་དག་གིས་སེམས་ཅན་རྣམས་ཡོངས་སུ་སྨིན་པ་སྐྱེད་པར་བྱེད་དོ། །
D263.067.0129a06.01ཐེག་པ་གསུམ་ལ་སྦྱོར་བར་བྱེད་དོ། །ཕ་རོལ་ཏུ་ཕྱིན་པ་དྲུག་ལ་འགོད་པར་བྱེད་དོ། །དེ་ཡང་འདིར་དེ་ཙམ་གྱིས་བྱང་ཆུབ་ཀྱི་སྤྱད་པ་སྤྱོད་ཅིང་སེམས་ཅན་ཡོངས་སུ་སྨིན་པར་བྱེད་དོ། །འདིར་ཡང་འདུལ་བ་འཛིན་པ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D263.067.0129a07.01