完整藏文原文 · 德格版页 当前仅加载第 67 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འཚོ་བའི་བཟོད་པ་ལ་བལྟ་བར་བྱའོ། །གཞན་ཡང་རིགས་ཀྱི་བུ་བྱང་ཆུབ་སེམས་དཔས་འདུ་ཤེས་ཀྱི་ཕུང་པོ་ལ་ཡང་ཚུལ་བཞིན་དུ་བརྟག་པའི་ཕྱིར་བཟོད་པ་བསྒོམ་པར་བྱའོ། །དེ་ལ་འདུ་ཤེས་ཀྱི་ཕུང་པོ་གང་ཞེ་ན། འདུ་ཤེས་ཀྱི་ཚོགས་དྲུག་སྟེ། མིག་གི་འདུས་ཏེ་རེག་པ་དང་། རྣ་བ་དང་།
D263.067.0161b01.01སྣ་དང་། ལྕེ་དང་། ལུས་དང་། ཡིད་ཀྱི་འདུས་ཏེ་རེག་པའི་འདུ་ཤེས་སོ། །དེ་ལ་མིག་གི་འདུས་ཏེ་རེག་པ་ནི་གསུམ་འདུས་པའི་རེག་པ་སྟེ། གང་མིག་དང་། རྣམ་པར་ཤེས་པ་དང་། གཟུགས་ཀྱི་འདུ་ཤེས་འབྱུང་བར་བྱེད་པ་འདི་ནི་གསུམ་འདུས་པ་རེག་པའི་རྐྱེན་གྱིས་འདུ་ཤེས་ཀུན་འབྱུང་
D263.067.0161b02.01བར་འགྱུར་རོ། །གང་མིག་གི་གཟུགས་ལ་ཡང་བྱེད་པ་མེད་པ་དང་། རྣམ་པ་མེད་པ་དང་། ལྦུ་བའི་ཕུང་པོ་ལྟ་བུར་དུས་གསུམ་ཐམས་ཅད་ཀྱི་འདུ་བྱེད་སྟོང་པ་ཇི་ལྟ་བ་བཞིན་དུ་རབ་ཏུ་སྦྱོར་བ་གསུངས་སོ། །གང་མིག་གི་རྣམ་པར་ཤེས་པ་ནི་ཅི་ལའང་འོང་བ་དང་འགྲོ་བ་སྙེམས་པར་རབ་ཏུ་མི་ཤེས་སོ། །
D263.067.0161b03.01ཁམས་གསུམ་ཐམས་ཅད་ཡུལ་དང་གནས་མེད་པ་མིག་གི་རྣམ་པར་ཤེས་པ་དེས་སྟོང་པ་ནས། ཡིད་ཀྱི་རྣམ་པར་ཤེས་པས་སྟོང་པའི་བར་དུ་ཤེས་པར་བྱའོ། །གང་སྐྱེ་མཆེད་དྲུག་གི་འདུ་ཤེས་འབྱུང་བ་དེ་ཚོར་བའོ། །གང་ཚོར་བ་དེ་རྟོག་པའོ། །གང་རྟོག་པ་དེ་སྙེམས་པའོ། །གང་སྙེམས་པ་
D263.067.0161b04.01དེ་ཉེ་བར་ལེན་པའོ། །གང་ཉེ་བར་ལེན་པ་འབྱུང་བ་ནས། འཁྲུག་པའི་བར་དུ་ཀུན་ནས་ལྡང་སྟེ། དེ་བས་ན་བྱང་ཆུབ་སེམས་དཔས་འདུ་ཤེས་ཚུལ་བཞིན་དུ་བརྟག་པའི་ཕྱིར་བཟོད་པ་བསྒོམ་པར་བྱའོ། །བཟོད་པ་བསྒོམ་པའི་རེག་པ་ཡོངས་སུ་ཤེས་པའི་ཕྱིར་འདུ་ཤེས་ཡོངས་སུ་ཤེས་པ་
D263.067.0161b05.01ཡིན་ནོ། །ཡིད་ཀྱི་འདུ་ཤེས་ཀྱི་བར་དུ་བཟོད་པ་དེ་བསྒོམས་པས་འདུ་ཤེས་ཀྱི་ཚོགས་དྲུག་བཟོད་པ་དེ་བསྒོམ་པ་ཡོངས་སུ་ཤེས་པ་ལ་རྟོག་པ་མེད། རྣམ་པར་རྟོག་པ་མེད། ཉེ་བར་མི་འགྲོ། ཉེ་བར་ལེན་པ་མེད། བྱིན་གྱིས་རློབ་པ་མེད། མངོན་པར་ཆགས་པའང་མེད་དོ། །འདུ་ཤེས་
D263.067.0161b06.01ཐམས་ཅད་རང་བཞིན་མེད་པ་ཡོངས་སུ་ཆད་པའི་བཟོད་པ་དེ་བསྒོམས་པའི་རྗེས་སུ་འབྱུང་བ་ཇི་ལྟ་བ་བཞིན་ཡོངས་སུ་ཤེས་པ་ཅི་ལ་ཡང་ཆགས་པ་མེད་དོ། ཁམས་གསུམ་ཐམས་ཅད་ཀྱི་དུས་གསུམ་གནས་པ་མེད་པ་དང་། གནས་མེད་པ་དང་། འཁྲུལ་པ་མེད་པ་དང་། ཞིག་པ་མེད་པ་དང་།
D263.067.0161b07.01