完整藏文原文 · 德格版页 当前仅加载第 67 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བའི་འགྲོས་དང་། གནོད་སྦྱིན་དུལ་བའི་འགྲོས་དང་། ལྷ་མ་ཡིན་དགའ་བར་བྱེད་པའི་འགྲོས་དང་། ཀླུ་དུལ་བའི་འགྲོས་དང་། རྒྱལ་བ་ཉོན་མོངས་པ་མེད་པའི་འགྲོས་དང་། རྣམ་པར་གྲོལ་བའི་འགྲོས་ཅི་འདྲ་བ་དེ་འདྲ་བའི་འགྲོས་སུ་བཞུད་ཅིང་སངས་རྒྱས་ཆེན་པོར་རྣམ་པར་འཕྲུལ་
D263.067.0106b01.01པའི་འགྲོས་དང་། རྒྱན་ཆེན་པོའི་འགྲོས་དང་། སངས་རྒྱས་ཀྱི་བྱིན་གྱི་རླབས་ཆེན་པོའི་འགྲོས་སུ་བཅོམ་ལྡན་འདས་སྤོས་ཀྱི་ངད་ལྡང་བའི་རི་ལ་མེ་ཏོག་གི་ཟེ་བ་ལ་ཞབས་འདེགས་པ་དང་འདོར་བས་བཞུད་ནས་སྤོས་ཀྱི་ངད་ལྡང་བའི་རི་ལ་བྱོན་ཏོ། །དཀའ་ཐུབ་ཀྱི་གནས་གཙང་མ་དྲི་ཐ་དད་པ་
D263.067.0106b02.01མེད་ཅིང་དྲི་མ་མེད་པའི་ཕྱོགས་སུ་འགྲོ་སེལ་གྱི་ལྷ་མོ་ཆེན་མོ་འོད་འདྲེས་པ་ཞེས་བྱ་བ་གང་ན་བ་དེ་ན་བཅོམ་ལྡན་འདས་བཞུགས་ཏེ། གླང་པོའི་རྣམ་པར་ལྟ་བའི་ཚུལ་གྱིས་རྣམ་པར་བལྟས་པར་གྱུར་པ་དེའི་དུས་ན་ཡང་འདི་བརྗོད་དོ། །ལ་ལ་གང་འདིར་བསྟན་དང་ལྡན་པ་ལ། །བྱང་ཆུབ་དམ་
D263.067.0106b03.01པ་མཆོག་ཏུ་སེམས་བསྐྱེད་པ། །བདག་གིས་ཡང་དག་སྤྱད་པ་བསྟན་པའི་ཕྱིར། །དེ་དག་ཐམས་ཅད་བདག་གི་མདུན་དུ་འོངས། །བྱང་ཆུབ་སེམས་དཔའ་ཉོན་མོངས་སྤངས་མེད་གང་། །ད་དུང་དུ་ཡང་འཁོར་བའི་བདེ་འདོད་ཅིང་། །ཆོས་ལ་བདག་མེད་རབ་ཏུ་མི་ཤེས་པ། །བདག་ནི་
D263.067.0106b04.01དེ་དག་ཐམས་ཅད་འོང་ན་སྟོན། །ཀུན་ཏུ་སྦྱོར་བ་སྤངས་མེད་གང་དག་དང་། །སྒྱུ་མའི་ཕུང་ལྟར་ཤིན་ཏུ་སྔོན་མཐོང་ཞིང་། །ཐབས་ལ་མཁས་པར་ཡང་ནི་མི་ཤེས་པ། །དེ་དག་ཐམས་ཅད་འོང་ན་བདག་སྟོན་ཏོ། །བརྩོན་འགྲུས་ལྡན་པ་བསོད་ནམས་མཛོད་མང་པོ། །ཐབས་ལ་མཁས་
D263.067.0106b05.01པས་སེམས་ཅན་རྣམས་འདུལ་ཞིང་། །ཤེས་རབ་ཕ་རོལ་ཕྱིན་མཆོག་རྟག་སྤྱོད་པ། །བཟོད་ཉན་ཐོས་ཕྱིར་དེ་དག་ཐམས་ཅད་འོང་། །གང་གིས་སངས་རྒྱས་དུ་མ་སྔོན་བསྙེན་བཀུར། །འདུས་བྱས་ཐམས་ཅད་འདི་ལ་རྟེན་པ་མེད། །ཆུ་ཟླ་ལྟ་བུར་རབ་ཏུ་སུ་སྟོན་པ། །རང་བཞིན་རྣམ་
D263.067.0106b06.01པར་འཇུག་པ་འདིར་ཡང་འོང་། །གང་རྣམས་ཐབས་དང་ཡང་དག་སྦྱོར་ཕྱིར་ཞུགས། །ཐམས་ཅད་དངོས་ལ་སེམས་པ་རྟེན་མེད་ཅིང་། །མཚན་མ་སྤངས་ལ་རྟོག་པར་འགྱུར་མེད་པ། །དྲན་པར་བྱེད་པ་དག་ནི་འདིར་ཡང་འོང་། །བདག་གིས་བཟོད་པ་མཆོག་འདི་རབ་བསྟན་ནས། །ཇི་
D263.067.0106b07.01