完整藏文原文 · 德格版页 当前仅加载第 67 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡང་ནི་མི་འདོར་རོ། །ཆུང་བའི་འདུ་བྱེད་སྤྱོད་ཡུལ་ལ། །འདོད་པའི་ཡོན་ཏན་ལྔ་ལ་ཞེན། །དེ་དག་ཚེ་ཡང་མངོན་པར་འདོད། །དུག་གི་ཆུ་ཡང་དེ་ལྟར་འཐུངས། །སྡུག་བསྔལ་ཚོར་བ་རྗེས་སུ་མྱོང་། །འཁོར་བ་ལ་ཡང་མངོན་པར་འདོད། །ཤ་དང་ཁྲག་ལ་ཡང་ནི་ཟ། །འཁོར་ལོ་དེ་ལྟར་
D263.067.0166b01.01རྣམ་པར་གནས། །ཡང་དང་ཡང་དུ་འཁོར་བ་ནི། །མི་ཟད་ཡོན་ཏན་དུ་ནི་ཤེས། །ལོངས་སྤྱོད་རྙེད་མེད་མི་ཟད་པ། །འདི་ལ་གཏེར་གྱི་མཐའ་ཡང་མེད། །མི་དགེ་མཛའ་བོ་སྤངས་པ་ནི། །མཚོན་པའི་སྡུག་བསྔལ་རབ་ཏུ་ཞི། །བཟོད་པ་བསྒོམ་ལ་མཁས་པ་ནི། །ཉོན་མོངས་ཐམས་
D263.067.0166b02.01ཅད་རབ་ཏུ་ཞི། །སྲོག་ཆགས་བྱེ་བ་འདུལ་བྱེད་པ། །གཏེར་བཞི་ཡང་ནི་ཐོབ་པའོ། །སེམས་ཅན་སྡུག་བསྔལ་བདེ་བར་བཀོད། །དེ་ནི་ཆུ་ཟླ་འདྲ་བར་འགྱུར། །འགྲོ་བའི་མཆོག་ནི་མྱ་ངན་འདས། །དེ་ནས་ཡང་བྱང་ཆུབ་སེམས་དཔའ་སྤོས་ཤེས་པས། བཅོམ་ལྡན་འདས་ལ་འདི་སྐད་
D263.067.0166b03.01ཅེས་གསོལ་ཏོ། །བཅོམ་ལྡན་འདས། རིགས་ཀྱི་བུ་ཕོའམ། རིགས་ཀྱི་བུ་མོ་དག །མི་འཇིགས་པའི་ལོངས་སྤྱོད་སོ་སོར་ཐོབ་བམ། མི་འཇིགས་པའི་བསོད་ནམས་དང་། མི་ཟད་པའི་ཤེས་རབ་དང་། མི་ཟད་པའི་སྤོབས་པ་སོ་སོར་ཐོབ་བམ་ཞེས་དེ་སྐད་
D263.067.0166b04.01ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤོས་ཤེས་པ་ལ་འདི་སྐད་ཅེས་བཀའ་སྩལ་ཏོ། །གང་རིགས་ཀྱི་བུ་ཕོའམ། རིགས་ཀྱི་བུ་མོ་སུ་ཞིག་འདུ་བྱེད་ཐམས་ཅད་ལ་མི་འགྲོ་བ་དང་མི་འཛིན་པར་ཤེས་པ་དེ་ལྟར་འདུ་བྱེད་ཐམས་ཅད་ལ་བདག་པོ་དང་། རྒྱུ་དང་
D263.067.0166b05.01རྐྱེན་མེད་པ། མི་སྒྲུབ་པ། བྱེད་པ་ཉེ་བར་ལྟ་བར་འགྱུར་རོ། །དེ་ལ་དངོས་པོ་མེད་པའི་ཆོས་ཡོད་པ་དེ་འདུ་བྱེད་ཐམས་ཅད་ལ་རྟོག་པ། རྣམ་པར་རྟོག་པ། མཚན་མར་འཛིན་པ་མ་ཡིན་པར་འགྱུར། དཔེ་བྱད་བཟང་པོས་མ་ཡིན། འཇིག་རྟེན་ལ་{ཆུང་ཟད་,ཅུང་ཟད་}ཀྱང་འཛིན་པ་མ་ཡིན།
D263.067.0166b06.01གཟུགས་ལ་འཛིན་པ་མ་ཡིན། དེ་ནི་སྒྲ་དང་། དྲི་དང་། རོ་དང་། རེག་ལ་འཛིན་པ་མ་ཡིན། འདོད་པའི་ཡོན་ཏན་ལྔ་ཉེ་བར་མི་ལེན། སྲིད་པ་ཐམས་ཅད་སྐྱེ་བ་མ་ཡིན། གང་ཆགས་པ་དང་བྲལ་བ་ཐམས་ཅད་སྐྱེ་བ་མ་ཡིན། དེ་དངོས་པོ་མ་ཡིན། ཡིད་ལ་བྱེད་པ་མ་ཡིན། གང་དངོས་པོ་མེད་
D263.067.0166b07.01