完整藏文原文 · 德格版页 当前仅加载第 67 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །ཁྱོད་གོས་མེད་པར་ཉིན་མཚན་དེ་དག་ལས་ཡང་དག་པར་ཤིན་ཏུ་འདའ་བར་བྱོས་ཤིག །དེས་ཐར་པ་ཐོབ་པར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཁྱོད་འདི་ལ་གྲོལ་ཞིང་གོས་མེད་པར་འགྱུར་བ་ནས་པགས་པའི་གོས་ཀྱི་བར་དུ་གྱོན་ཅིག །
D263.067.0182a01.01ཡང་ལ་ལ་ལ་འདི་སྐད་ཅེས་སྨྲས་སོ། །ཀྱེ་ཚུར་ཤོག་ལོ་མ་ཟ་བ་ནས་མ་ཞུ་བ་དང་ངན་སྐྱུགས་ཀྱི་བར་དུ་ཟ་བར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཀྱེ་ཚུར་ཤོག་ཁྱེད་ཅག་དེ་བཞིན་དུ་བུམ་པའི་ཁ་ནས་ཟས་མ་ལེན་ཅིག་པ་ནས་ཟས་ཟ་ཅིག་གི་བར་དུ་ཟོ་ཤིག །ཡང་ལ་ལ་ལ་འདི་
D263.067.0182a02.01སྐད་ཅེས་སྨྲས་སོ། །ཚུར་ཤོག་ཁྱོད་སློང་བ་གཅིག་གིས་ཉིན་མཚན་ཡང་དག་པར་ཤིན་ཏུ་འདའ་བར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཚེར་མའི་མལ་དང་སྟན་ལ་འདུག་པ་ནས་ཙོག་པུའི་མལ་གྱི་བར་དུ་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །སྟན་སྤངས་པར་གྱུར་
D263.067.0182a03.01པ་ནས་རྐང་པ་གཉིས་ཤིང་གི་ཡལ་ག་ལ་འཁྱུད་པའི་བར་དུ་ཉིན་མཚན་ཤིན་ཏུ་ཡང་དག་པར་འདའ་བར་བྱོས་ཤིག །ཡང་ལ་ལ་ལ་འདི་སྐད་ཅེས་སྨྲས་སོ། །ཚུར་ཤོག་ཁྱེད་ཅག་ཆུའི་ནང་དུ་ཞུགས་པ་ནས་ཉི་མ་ལྔ་པས་ཡོངས་སུ་སྐེམས་པ་ན་ཉིན་མཚན་ཡང་དག་པར་འདའ་བར་བྱོས་ཤིག །ཡང་ལ་ལ་ལ་འདི་
D263.067.0182a04.01སྐད་ཅེས་སྨྲས་སོ། །ཁྱེད་ཅག་ཚུར་ཤོག་སྐྲ་དང་ཁ་སྤུ་བྲེགས་པའི་རྗེས་སུ་སྦྱོར་བ་དང་ལྡན་པ་རྣམས་ཉིན་མཚན་ཡང་དག་པར་ཤིན་ཏུ་འདའ་བ་ནས་ལ་ལ་ཆུའི་འདམ་གཅིག་གི་བར་དུ་ཡང་འདི་ལྟར་སློབ་བོ། །ཁྱེད་ཅག་རི་བོའི་གཡང་ས་དེ་ལས་བདག་རང་ལྷུང་བ་ནས་ཆུའི་བར་དུ་ལྷུང་བར་བྱོས་
D263.067.0182a05.01ཤིག །ལ་ལ་ཡང་དེ་ལྟར་སློབ་ཏུ་བཅུག་གོ། །ཁྱེད་ཅག་ཚུར་ཤོག །རི་དང་། ཤིང་དང་། ལྟེང་ཀའི་ལྷ་མོ་ལ་ཕྱག་འཚལ་བར་བྱོས་ཤིག །ལ་ལ་གནོད་སྦྱིན་གྱི་བརྟུལ་ཞུགས་ནས་བྱོལ་སོང་གི་སྐྱེ་གནས་ཀྱི་བརྟུལ་ཞུགས་ཀྱི་བར་དུ་སློབ་ཅིང་ཐར་པ་ཐོབ་པར་བྱོས་ཤིག །ཡང་ལ་ལ་
D263.067.0182a06.01ལ་འདི་སྐད་ཅེས་སྨྲས་སོ། །ཚུར་ཤོག་ཁྱེད་ཅག་རབ་བསྐོར་བ་དེ་ལ་སེམས་ཅན་དུ་མ་སོད་ལ་དེས་ཐར་པ་ཐོབ་པར་བྱོས་ཤིག །ལ་ལ་དེ་ལྟར་སློབ་བོ། །ཁྱེད་ཅག་འདི་ལ་ལུས་སྣ་ཚོགས་བསད་པ་དེས་ཐར་པ་ཐོབ་པར་གྱུར་ཅིག །ཡང་ལ་ལ་ལ་འདི་སྐད་ཅེས་སྨྲས་སོ། །མྱ་ངན་ལས་
D263.067.0182a07.01