完整藏文原文 · 德格版页 当前仅加载第 67 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གནས། སྟོང་པ་ཉིད་དང་། སྨོན་པ་མེད་པ་དང་། མཚན་མ་མེད་པ་དང་། ཁམས་གསུམ་གྱི་རྒྱུད་ལ་མི་གནས། མངོན་པར་འདུ་མི་བྱེད། མ་སྐྱེས། མ་བྱུང་། མ་བྱས། མངོན་པར་མ་བྱས་པ་ལ་མི་གནས། དུས་གསུམ་ལ་མི་གནས། སེམས་དང་ཡིད་ཀྱི་མཚན་ཉིད་ལ་མི་གནས།
D263.067.0125b01.01ཉོན་མོངས་པ་དང་། རྣམ་པར་བྱང་བ་དང་། ཚིག་པ་དང་རྗེས་སུ་ཚིག་པ་དང་། སྐད་ཅིག་དུ། འཇིག་པའི་མཐའི་རྡུལ་ལ་མི་གནས། མངོན་པར་མི་ཤེས་པ་དང་། འཐུན་པ་ལ་མི་གནས། ཉན་ཐོས་ཀྱི་ཐེག་པ་སྡོམ་པ་ལ་མི་གནས། རང་སངས་རྒྱས་ཀྱི་ཐེག་པ་ལ་མི་གནས། མཚན་མ་ལ་མི་
D263.067.0125b02.01གནས་ཤིང་ཕ་རོལ་ཏུ་ཕྱིན་པ་དྲུག་ལ་སྙེམས་པར་མི་གནས་ཀྱི་སེམས་དང་། ཡིད་ཀྱི་རྣམ་པར་ཤེས་པའི་རྣམ་པར་སྤྱོད་པ་ནམ་མཁའ་བཞིན་དུ་གནས་ཤིང་ཡང་དག་པ་དང་ཡང་དག་པ་མ་ཡིན་པའི་རྣམ་པར་དཔྱོད་པ་ལ་མཚུངས་པར་གནས་སོ། །ཞེན་པ་གཉིས་སུ་མེད་པ་རྣམ་པར་དཔྱོད་པ་དང་།
D263.067.0125b03.01ཆགས་པ་གཉིས་སུ་མེད་པ་རྣམ་པར་དཔྱོད་པ་དང་། ཡེ་ཤེས་གཉིས་སུ་མེད་པ་རྣམ་པར་དཔྱོད་པ་དང་། རྣལ་འབྱོར་གཉིས་སུ་མེད་པ་རྣམ་པར་དཔྱོད་པ་དང་། ཕ་རོལ་ཏུ་ཕྱིན་པ་གཉིས་སུ་མེད་པ་རྣམ་པར་དཔྱོད་པ་དང་། རྟོག་པ་གཉིས་སུ་མེད་པ་རྣམ་པར་དཔྱོད་པ་དང་། ཟག་པ་དང་བཅས་
D263.067.0125b04.01པ་གཉིས་སུ་མེད་པ་རྣམ་པར་དཔྱོད་པ་དང་། ལམ་གཉིས་སུ་མེད་པ་རྣམ་པར་དཔྱོད་པ་དང་། ཉོན་མོངས་པ་མེད་པའི་འདྲེན་པ་གཉིས་སུ་མེད་པ་རྣམ་པར་དཔྱོད་པ་སྟེ། རིགས་ཀྱི་བུ་རྣམ་པ་དེ་ལྟ་བུའི་ཚུལ་ཁྲིམས་དང་ལྡན་པས་རིགས་ཀྱི་བུ་ཆོས་ཟབ་མོའི་བཟོད་པ་ཐོབ་བོ། །ཐོག་མ་མེད་
D263.067.0125b05.01པའི་སྟོང་པ་ཉིད་རབ་ཏུ་འབྱེད་པའི་ཡེ་ཤེས་ལ་མཁས་པར་འགྱུར་རོ། །ཤེས་རབ་སྣང་བས་བྱང་ཆུབ་ཀྱི་ལམ་རྣམ་པར་སྦྱོང་བར་བྱེད་དོ། །འཇིག་རྟེན་གྱི་ཆོས་ཀྱིས་གོས་པའང་མེད་དོ། །བདུད་ཀྱི་ལས་ཀྱིས་གོས་པའང་མེད་དོ། །བག་ཆགས་ཀྱི་རྗེས་སུ་འབྲེལ་བའི་ཉོན་མོངས་པས་གོས་
D263.067.0125b06.01པའང་མེད་དོ། །ཕྱོགས་བཅུར་ཤེས་རབ་ཀྱི་སྣང་བས་ལྡན་པར་འགྱུར་རོ། །ཤེས་རབ་ཀྱི་སྟོབས་སྐྱེས་པས་ཡུལ་ཐམས་ཅད་ཡོངས་སུ་ཤེས་པར་འགྱུར་རོ། །སངས་རྒྱས་ཀྱི་ཆོས་ཐམས་ཅད་ལ་སྣང་བ་ཐོབ་པར་འགྱུར་རོ། །འདོད་ཆགས་ཀྱི་འཁོར་བས་ལྡན་པ་དང་། མྱ་ངན་ལས་འདས་པ་དང་
D263.067.0125b07.01