完整藏文原文 · 德格版页 当前仅加载第 67 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
མོ་སྦྱར་ཏེ་ཕྱག་བྱས་ནས། བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་པ། ཐུབ་པ་ཚངས་པ་རབ་ཏུ་དགའ་མཛད་པ། །ཡེ་ཤེས་ཉམས་པའི་འགྲོ་ལ་སྒྲོན་མ་འཛིན། །གྲོལ་དང་རིག་ལ་ཁྱོད་ནི་དང་བར་མཛད། །རྡུལ་དང་བྲལ་བའི་ཆོས་ཀྱི་སྒོ་འདི་སྟོན། །
D263.067.0098b01.01རྒྱལ་བ་ཉི་མ་གྲོལ་ལ་མར་མེ་མཛད། །སེམས་ཅན་དུ་མ་ལ་ནི་སྣང་མཛད་པ། །ལམ་རྣམས་རབ་བསྟན་ལམ་ནི་ཁྱོད་སྟོན་པ། །མཆོག་གི་ཆོས་ཀྱི་སྒོ་འདི་བསྟན་པར་མཛོད། །ནམ་མཁའི་རང་བཞིན་ཡོངས་སུ་དག་པའི་ཐུགས། །ཐུགས་དམ་མི་གཡོ་ཇི་ལྟར་རི་བརྟན་བཞིན། །
D263.067.0098b02.01ཐུབ་པ་འཇིག་རྟེན་ཟླ་བའི་འོད་འདྲ་བ། །ཚུལ་མདོག་བཟོད་པའི་དགེ་བ་འདི་ཡང་སྟོན། །སྙིང་རྗེ་གནས་ཤིང་འགྲོ་ལ་བཟོད་མཛོད་པ། །ཁྱོད་ཀྱི་ཆོག་ཤེས་པ་ནི་མཆོག་ཏུ་ཆེ། །རྒ་འཆི་ནད་གསུམ་རབ་ཏུ་ཞི་མཛད་པ། །བཟོད་པ་མཆོག་གི་ཡོན་ཏན་འདི་ཡང་སྟོན། །ཐུབ་པ་སེང་གེ་མུ་
D263.067.0098b03.01སྟེགས་འཇིགས་པར་མཛད། །འགྲོ་བ་དགའ་མཛད་ཀ་ལ་པིང་ཀའི་སྐད། །མུ་སྟེགས་ཅན་གྱི་འཁོར་{མངས་,མང་}རྣམ་འཇིག་པ། །མར་མེའི་བཟོད་པ་འདི་ཡང་བསྟན་པར་མཛོད། །ས་དང་མཉམ་པ་བཟོད་པ་མཆོག་གི་ཐུགས། །བདེ་དང་སྡུག་བསྔལ་རེག་ལ་ཁྲོ་མི་མཛད། །མཐོན་
D263.067.0098b04.01པོ་མ་ཡིན་ད་ལྟར་མཐོ་མིན་པ། །ཡོངས་མིན་གཟིགས་ཏེ་བཟོད་པ་འདི་ཡང་གསུངས། །ཡེ་ཤེས་མཆོག་གིས་ང་ཡི་ང་རྒྱལ་གྱི། །རླུང་ལངས་ལྟ་བུའི་ཉོན་མོངས་དགྲ་ཡང་གཏོར། །དེས་ནི་བཟོད་པའི་དམ་པ་འདི་ཐོབ་པ། །ལམ་གྱི་མེ་ཡིས་སྲེད་པའི་ཆུ་ཡང་བསྐམས། །ཁྱོད་
D263.067.0098b05.01ཀྱིས་ལྟ་བ་ལྕུག་མ་སྲེད་ཆུ་ཚིག །ཀླུ་ལྟ་བུར་ནི་ཆོས་ཀྱི་ཆར་གཏོང་བ། །དེས་ནི་འཁོར་འདི་དགའ་བར་གྱུར་པ་སྟེ། །ཡོངས་སུ་སྨིན་ལ་གཟིགས་ཤིང་བཟོད་འདི་གསུང་། །སེམས་ཅན་རྣམས་ལ་རྣམ་གྲོལ་ཡོན་ཏན་སྐྱེད། །བཟོད་པ་མཆོག་གི་ཡོན་ཏན་འདི་སྟོན་ཅིང་། །
D263.067.0098b06.01གང་གི་བསམ་པ་དྲི་མ་མེད་བཟོད་འགྱུར། །དེ་ཐོབ་པ་ཡི་ཡོན་ཏན་འདི་མཐའ་ཡས། །སྤྱོད་ཡུལ་ནམ་མཁའི་མདོག་གིས་འདུལ་བ་ཡི། །ཐུབ་པས་འདས་པའི་བཟོད་པ་འདི་གསུངས་དང་། །ད་ལྟར་གྱི་ཡང་བཟོད་པ་འདི་གསུངས་པ། །ཐུགས་རྗེར་དགོངས་ཁྱོད་བཟོད་པ་
D263.067.0098b07.01