完整藏文原文 · 德格版页 当前仅加载第 67 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་འཇིག་རྟེན་ཐམས་ཅད་སྤྱོད་པའི་ཡུལ་དུ་ཡང་ཡང་དག་པར་མཐོང་ངོ་། །རྣམ་པར་ཤེས་པའི་ཡུལ་ལ་སྤྱོད་ཡུལ་དུ་འགྱུར་ཞིང་བྱིས་པ་ཐམས་ཅད་ཀྱི་ཡུལ་དུ་ཡང་ཡང་དག་པར་མཐོང་ངོ་། །དེ་བཞིན་དུ་འདི་ནི་ཡོན་ཏན་མང་པོ་ཐམས་ཅད་ཀྱི་རྗེས་སུ་སྟོན་པའི་བཟོད་པའོ། །
D263.067.0186a01.01མངལ་གྱི་གནས་ཐམས་ཅད་ལས་ཡོངས་སུ་ཐར་ནས་སྐྱེ་བ་ཡང་མེད་དོ། །རྒས་པ་ཡང་མེད་དོ། །འཆི་འཕོ་ཡང་མེད་དོ། །འབྱུང་བ་ཡང་མེད་དེ་ཡིད་ཀྱི་རང་བཞིན་དུ་འགྱུར་རོ། །ལུས་ཀྱིས་སངས་རྒྱས་ཀྱི་ཞིང་ཐམས་ཅད་ན་ཆུ་ཟླ་ལྟ་བུར་ཡང་དག་པར་མཐོང་ངོ་། །གཟུགས་དང་། ཁ་དོག་དང་།
D263.067.0186a02.01མཚན་མ་དང་། དབྱིབས་སྣ་ཚོགས་ཀྱི་སྤྱོད་ལམ་གྱིས་སེམས་ཅན་རྣམས་ལ་ཆོས་སྟོན་ཏོ། །སེམས་ཅན་རྣམས་ཡོངས་སུ་སྨིན་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་ཡོན་ཏན་ཟབ་མོ་བསྒྲུབ་པར་བྱ་བའི་ཕྱིར་དེ་བཞིན་དུ་བཟོད་པ་འདི་ལ་ཡོན་ཏན་མང་
D263.067.0186a03.01ཞིང་སྨོན་པ་མང་ངོ་། །གལ་ཏེ་བྱང་ཆུབ་སེམས་དཔའི་རྣ་བར་བཟོད་པ་འདི་འབའ་ཞིག་ཡང་དག་པར་ཤིན་ཏུ་གསལ་བར་འགྱུར་ན་འདུ་བྱེད་ཐམས་ཅད་ལ་སེམས་སྐད་ཅིག་ཏུ་གནས་པར་འགྱུར་རོ། །བདག་དང་གཞན་ལ་བཟོད་པས་བདག་ཏུ་དམིགས་པ་མེད་པ་ནས། གང་ཟག་གི་བར་དུ་
D263.067.0186a04.01དམིགས་པ་ཡང་མེད་དོ། །ཇི་ལྟར་སྨྲ་བ་དེ་ལྟར་བྱེད་པས་ཕན་པའི་སེམས་སུ་འགྱུར་རོ། །ཆོས་ཐམས་ཅད་ཉེ་བར་རྟོགས་པས་ཕྱིར་མི་ལྡོག་པའི་སེམས་སུ་འགྱུར་རོ། །སྡིག་པ་ཐམས་ཅད་མི་བྱེད་པས་དགེ་བའི་སེམས་སུ་འགྱུར་རོ། །སེམས་ཅན་ཐམས་ཅད་ཀྱི་ཁུར་བསྐུར་བས་སེམས་ཆེན་
D263.067.0186a05.01པོར་འགྱུར་རོ། །ངན་འགྲོ་ཐམས་ཅད་ཚིམ་པས་བྱམས་པ་ཆེན་པོའི་སེམས་སུ་འགྱུར་རོ། །ཐེག་པ་གཞན་མི་འདོད་པས་ཞི་བའི་སེམས་དང་། ཉོན་མོངས་པའི་རྙོག་པ་ཐམས་ཅད་སེལ་བས་ཉོན་མོངས་པ་མེད་པའི་སེམས་དང་། རང་བཞིན་གྱིས་རབ་ཏུ་གསལ་བས་རབ་ཏུ་གསལ་
D263.067.0186a06.01བའི་སེམས་དང་། དངོས་པོ་མེད་པས་སྒྱུ་མ་ལྟ་བུའི་སེམས་སུ་སོང་བས་དངོས་པོ་མེད་པའི་སེམས་སུ་འགྱུར་རོ། །ཕ་རོལ་གྱི་བདུད་ཐམས་ཅད་ཀྱི་རྒོལ་བ་ལ་གཡོ་བ་མེད་པས་བརྟན་པའི་སེམས་སུ་འགྱུར་རོ། །བཞིན་{བཟངས་,བཟང་}བྱང་ཆུབ་སེམས་དཔའ་རྣམས་མཉན་པ་ཙམ་གྱིས་བཟོད་པ་འདི་
D263.067.0186a07.01