完整藏文原文 · 德格版页 当前仅加载第 67 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན། ཁམས་ཀྱིས་བསྐྱེད་པ་མ་ཡིན། སྐྱེ་མཆེད་ཀྱིས་བསྐྱེད་པ་མ་ཡིན་ཏེ། ལྟ་བ་ཐམས་ཅད་ནི་བརྗོད་དུ་མེད་ཅིང་ཡི་གེ་མེད་པའོ། །རིགས་ཀྱི་བུ་འདི་ལྟ་སྟེ། དཔེར་ན་ཉི་མའི་རྐྱེན་གྱིས་སྨིག་རྒྱུ་བ་སྣང་བར་འགྱུར་བ་ཡང་། སྨིག་རྒྱུ་བ་ཕུང་པོ་ལ་གནས་པ་མ་ཡིན། ཁམས་ལ་གནས་
D263.067.0155b01.01པ་མ་ཡིན། སྐྱེ་མཆེད་ལ་གནས་པ་མ་ཡིན་པ་དེ་བཞིན་དུ་རིགས་ཀྱི་བུ་འཕགས་པ་དང་། འཕགས་པ་མ་ཡིན་པ་དང་། འཇིག་རྟེན་གྱི་དང་། འཇིག་རྟེན་ལས་འདས་པའི་ལྟ་བ་གང་ཡང་རུང་སྟེ། ལེན་པ་དང་བཅས་པ་གཏི་མུག་གིས་རྣམ་པར་བསྒྲུབས་པའི་རྐྱེན་གྱིས་བརྗོད་དུ་མེད་པ་
D263.067.0155b02.01ཡི་གེ་མེད་པའོ། །དོན་འདི་དག་ནི་བཅོམ་ལྡན་འདས་ཀྱིས་གསུངས་ཏེ། དེ་ལ་འདི་སྐད་ཅེས་བྱའོ། །རྐྱེན་གྱིས་རྣམས་ནི་རྐྱེན་བཅུ་སྟེ། །ལྟ་བ་སྐྱེད་པ་མཁས་པ་ཡིན། །ཆོས་རྣམས་སྟོང་པར་མི་ཤེས་ཏེ། །ལོག་པར་ལྟ་བའི་སྤྱོད་ཡུལ་ལོ། །ལྟ་བ་དག་ནི་བརྗོད་མེད་ཅིང་། །ཡི་གེ་
D263.067.0155b03.01ཡོད་པ་མ་ཡིན་པས། །དུས་གསུམ་མཉམ་པ་ཉིད་དག་ནི། །ལྟ་བའི་གཟུགས་ཀྱི་ལྟ་མ་ཡིན། །བཅུ་གསུམ་རྐྱེན་ལ་རག་ལས་པ། །ཆོས་ཉིད་ཐ་དད་མ་ཡིན་ཏེ། །མཉམ་པ་ཉིད་དང་འགལ་མེད་ལ། །ལྟ་བ་སྐྱེད་ཅིང་རྟོག་པར་བྱེད། །ལྟ་བའི་ལེན་པ་སྨིག་རྒྱུ་འདྲ། །ཐ་དད་མ་ཡིན་
D263.067.0155b04.01ཡི་གེ་མེད། །བྱིས་པ་དཀའ་བ་བྱེད་པ་དག །ཀུན་ཏུ་རྟོག་པར་བྱིན་གྱིས་རློབ། །རྐྱེན་གྱི་རྣམ་པ་བཅུ་གསུམ་མཉམ། །ཆད་མེད་རྟག་པ་མེད་པ་ཡི། །རྣམ་པར་ཐར་པ་གསུམ་བསྒོམས་པས། །མཁས་པ་འགལ་བར་མི་བྱེད་དོ། །ལྟ་བ་ཐམས་ཅད་རྒྱུ་བ་མེད། །མཚན་མ་མེད་
D263.067.0155b05.01པས་བསྐྱེད་པ་སྟེ། །ཇི་ལྟར་གཟུགས་རྣམས་མེ་ལོང་ལ། །དེ་ལྟར་ཆོས་ཀྱི་ཆོས་ཉིད་དོ། །ཆོས་རྣམས་ཐམས་ཅད་ཚུལ་གཅིག་སྟེ། དབེན་པ་སྟོང་པ་ཉིད་ལ་གནས། །མཁས་པ་ལྟ་བ་ཐམས་ཅད་ཀྱི། ཀུན་ནས་ལྡང་ལ་མི་རྟོག་གོ། །རིགས་ཀྱི་བུ་དེ་ལ་ཚུལ་ཁྲིམས་ཀྱི་
D263.067.0155b06.01ལེན་པ་གང་ཞེ་ན། གང་ཅུང་ཟད་ཚུལ་ཁྲིམས་དང་། དཀའ་ཐུབ་དང་། བརྟུལ་ཞུགས་དང་། ཚངས་པར་སྤྱོད་པ་སྙེམས་ཤིང་རྣམ་པར་དམིགས་ཏེ། གནས་ལ་མངོན་པར་ཆགས་པ་དེ་དག་ཐམས་ཅད་ནི་ལུས་དང་ངག་དང་། ཡིད་ཀྱི་ལས་རྣམ་པར་གཞིག་པའི་དོན་གྱི་ཕྱིར་འཁོར་བ་
D263.067.0155b07.01