完整藏文原文 · 德格版页 当前仅加载第 67 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཕ་རོལ་ཏུ་ཕྱིན་པ་དྲུག་པོ་མི་གཉིས་པའི་གནས་པ་འདི་དག་ལ་གནས་སུ་དམིགས་པ་དང་། དངོས་པོར་དམིགས་པ་དང་། ཡེ་ཤེས་འཕེལ་བར་རྟོག་པ་དང་། དུས་གསུམ་ཡང་དག་པར་བསྒྲུབས་པ་སྙེམས་པ་འདི་ཡང་ཟག་པ་དང་བཅས་ཤིང་ཉེ་བར་ལེན་པ་དང་བཅས་པའི་འདུ་བྱེད་ཀྱི་སྡུག་བསྔལ་བཟོད་
D263.067.0156b01.01པ་འཁྲུགས་པར་བྱེད་པའོ། །གང་ཕ་རོལ་ཏུ་ཕྱིན་པ་དྲུག་པོ་འདི་དག་ལ་གཉིས་སུ་མེད་པའི་གནས་དང་། དུས་གསུམ་ཐ་མི་དད་པ་དང་། མི་སྐྱེ་བ་དང་། མི་འགག་པ་དང་། ཆད་པ་མེད་པ་དང་། རྟག་པ་མེད་པ་དང་། འཕེལ་བ་མེད་པར་སྙེམས་པ་འདི་ནི་ཚུལ་གཅིག་པ་མཉམ་པ་ཉིད་ཀྱི་བཟོད་པ་
D263.067.0156b02.01བསྒོམ་པའོ།། །།བམ་པོ་བདུན་པ། གང་ཡང་ཉན་ཐོས་དང་། རང་སངས་རྒྱས་ཀྱི་ཐེག་པ་སྤངས་ཏེ་ཐེག་པ་ཆེན་པོ་བཙལ་ནས་རོ་མྱང་བའི་ཡོན་ཏན་ལ་མངོན་པར་ཆགས་ཤིང་རེག་ནས་སྣོད་དང་སྣོད་མ་ཡིན་པར་ཆར་འབེབས་པ་དང་། སྡོམ་པ་དང་། སྡོམ་པ་མེད་པ་ལ་རྣམ་
D263.067.0156b03.01པར་རྟོག་པ་དང་། སེམས་ཅན་དང་། སྲོག་དང་། སྐྱེ་བ་དང་། གསོ་བ་དང་། གང་ཟག་དང་། བྱེད་པ་པོ་དང་། བྱེད་དུ་འཇུག་པ་ལ་རྒྱུ་དང་རྐྱེན་དུ་དམིགས་པ་དང་། དགེ་བ་དང་མི་དགེ་བའི་འབྲས་བུ་ལ་གནས་ཤིང་སྙེམས་པ་འདི་དག་ཀྱང་ཟག་པ་དང་བཅས་པ་ཉེ་བར་ལེན་པའི་འདུ་བྱེད་ཀྱིས་སྡུག་
D263.067.0156b04.01བསྔལ་ལ་བཟོད་པ་རྣམ་པར་འཇིག་པའོ། །གང་ཡང་ཉན་ཐོས་དང་། རང་སངས་རྒྱས་ཀྱི་ཐེག་པའི་དུས་གསུམ་གྱི་སྡོམ་པ་ལ་རྟོག་པ་མེད་པ་དང་། རྣམ་པར་རྟོག་པ་མེད་པ་དང་། འཛིན་པ་མེད་པ་དང་། གཏོང་བ་མེད་པ་དང་། བསྐྱེད་པ་མེད་པ་དང་། བསྐྱུང་བ་མེད་པ་དང་། བླ་ན་མེད་པའི་
D263.067.0156b05.01ཐེག་པ་ཆེན་པོའི་དུས་གསུམ་གྱི་སྡོམ་པ་ལ་ཡང་རྟོག་པ་མེད་པ་དང་། རྣམ་པར་རྟོག་པ་མེད་པ་དང་། འཛིན་པ་མེད་པ་དང་། གཏོང་བ་མེད་པ་དང་། བསྐྱེད་པ་མེད་པ་དང་། བསྐྱུང་བ་མེད་པ་དང་། ཚངས་པར་སྤྱོད་པའི་དངོས་པོ་ལ་དམིགས་པ་མེད་པ་དང་། འདུ་བྱེད་ཐམས་ཅད་ཀྱི་ཚིག་
D263.067.0156b06.01གི་ལམ་ལ་སྙེམས་པ་མེད་པའི་མཚན་ཉིད་ལ་མི་དམིགས་པ་འདི་དག་ཀྱང་ཚུལ་གཅིག་གི་མཉམ་པ་ཉིད་ཀྱི་ཆོས་ཐམས་ཅད་མངོན་སུམ་དུ་འབྱུང་བ་མེད་པར་སྟོང་པར་སྟོན་པའི་བཟོད་པ་ཡོངས་སུ་རྫོགས་པ་ཡིན་ནོ། །འདི་ཡང་ཚུལ་ཁྲིམས་ཉེ་བར་ལེན་པ་ལ་འབྱུང་བ་མེད་ཅིང་འགོག་པ་མེད་པར་བལྟའོ། །
D263.067.0156b07.01