完整藏文原文 · 德格版页 当前仅加载第 67 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གཟུགས་མེད་ཅིང་བསྟན་དུ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་གཟུགས་མེད་ཅིང་བསྟན་དུ་ཡང་མེད་དོ། །ཇི་ལྟར་ནམ་མཁའ་མ་སྐྱེས་མ་འགགས་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་མ་སྐྱེས་མ་འགགས་སོ། །ཇི་ལྟར་ནམ་མཁའ་ལ་
D263.067.0112a01.01འགྲོ་བ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་འགྲོ་བར་དམིགས་པ་མེད་དོ། །ཇི་ལྟར་ནམ་མཁའ་ལ་གནས་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་གནས་པ་མེད་དོ། །ཇི་ལྟར་ནམ་མཁའ་ལ་རེག་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་རེག་པ་མེད་དོ། །
D263.067.0112a02.01ཇི་ལྟར་ནམ་མཁའ་ལ་ལམ་དུ་དམིགས་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་ཅི་ལའང་ལམ་དུ་དམིགས་པ་མེད་དོ། །ཇི་ལྟར་ནམ་མཁའ་ལ་དངོས་པོ་མེད་ཅིང་མཚན་ཉིད་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་དངོས་པོ་མེད་ཅིང་མཚན་ཉིད་མེད་དོ། །ཇི་ལྟར་
D263.067.0112a03.01ནམ་མཁའ་ལ་བརྗོད་དུ་མེད་ཅིང་ཡི་གེ་མེད་པ་དེ་བཞིན་དུ་སངས་རྒྱས་ཀྱི་བྱང་ཆུབ་ཀྱང་བརྗོད་དུ་མེད་ཅིང་ཡི་གེ་མེད་དོ། །ཇི་ལྟར་ནམ་མཁའ་ལ་རྟག་པ་མེད་ཅིང་ཆད་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་རྟག་པ་མེད་ཅིང་ཆད་པ་མེད་དོ། །ཇི་ལྟར་ནམ་མཁའ་ལ་
D263.067.0112a04.01ལུས་མེད་ཅིང་འབྱུང་བ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་ལུས་མེད་ཅིང་འབྱུང་བ་མེད་དོ། །ཇི་ལྟར་ནམ་མཁའ་ལ་གཟུང་བ་མེད་ཅིང་གནས་པ་མེད་པ་དེ་བཞིན་དུ་སངས་རྒྱས་ཀྱི་ཆོས་རྣམས་ཀྱང་གཟུང་བ་མེད་ཅིང་གནས་པ་མེད་དོ། །ཇི་ལྟར་ནམ་མཁའ་ལ་རྟེན་
D263.067.0112a05.01པ་མེད་པ། གནས་པ་མེད་པ། དམིགས་པ་མེད་པ། རྣམ་པར་རྟོག་པ་མེད་པ། འདེག་པ་མེད་པ། རྣམ་པར་རིག་པ་མེད་པ། འགྲོ་བ་མེད་པ། འོང་བ་མེད་པ། རྩ་བ་མེད་པ། མཐའ་མེད་པ། འཁྲུག་པ་མེད་པ། ཡོངས་སུ་གདུངས་པ་མེད་པ། བརྟགས་པ་མེད་པ།
D263.067.0112a06.01བཀྲོལ་བ་མེད་པ། མཐོང་བ་མེད་པ། རྟོག་པ་མེད་པ། མུན་པ་མེད་པ། དངོས་པོ་མེད་པ། མཚན་མ་མེད་པ། སྤྲུལ་པ་མེད་པ་དེ་བཞིན་དུ་རིགས་ཀྱི་བུ་སངས་རྒྱས་ཀྱི་ཆོས་རྣམས་ཀྱང་རྟེན་པ་མེད་པ་ནས་མཚན་མ་མེད་པའི་བར་དུའོ། །རིགས་ཀྱི་བུ་སངས་རྒྱས་ཀྱི་ཆོས་རྣམས་ནི་མི་
D263.067.0112a07.01