完整藏文原文 · 德格版页 当前仅加载第 67 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ལ་གཅིག་ནས་གཅིག་ཏུ་{ཆུང་ཟད་,ཅུང་ཟད་}ཀྱང་སྐྱེ་བ་མེད་པ་ནས་རྣམ་པར་རྟོག་པ་མེད་པའི་བར་དུ་ཇི་ལྟར་ཆོས་ཐམས་ཅད་ལ་རྒྱུ་བ་མེད་པ་དང་། ཉེ་བར་སྤྱོད་པ་མེད་པ་དང་། ཐ་དད་པ་མེད་པ་དང་། སྣང་བ་མེད་པ་དང་། སྐྱེ་བ་མེད་པ་དང་། འགག་པ་མེད་པ་དང་། ཆད་པ་མེད་པ་དང་།
D263.067.0160b01.01རྟག་པ་མེད་པ་དང་། རྟོག་པ་མེད་པ་དང་། རྣམ་པར་རྟོག་པ་མེད་པ་དེ་ཐམས་ཅད་སྐྱེ་བར་མི་ཤེས་པ་དང་། ཉེ་བར་སྐྱེ་བ་མེད་པ་དང་། རྗེས་སུ་སྐྱེ་བ་མེད་པ་དང་། བདག་པོར་རབ་ཏུ་མི་ཤེས་སོ། །ཇི་ལྟ་བུར་ནམ་མཁའ་ལ་རླུང་སྐྱེ་བ་དང་འགོག་པ་མེད་པ་དེ་ལྟར་དེ་བཞིན་དུ་ཕུང་པོ་
D263.067.0160b02.01རྣམས་སྐྱེ་བ་ཟད་པར་རབ་ཏུ་ཤེས་སོ། །དེ་སྐྱེ་བ་དང་། ཡི་གེ་མེད་པ་ཐམས་ཅད་དང་། དངོས་པོ་མེད་པར་རབ་ཏུ་ཤེས་སོ། །དེ་ཆོས་ཐམས་ཅད་ཀྱི་རྗེས་སུ་སོང་བ་དང་། ཡང་དག་པར་སོང་བ་མི་ཤེས་པ་དང་། ཤིན་ཏུ་འདས་པ་གཅིག་ནས་གཅིག་ཏུ་རྣམ་པར་སྤྱོད་པར་ཡང་དག་
D263.067.0160b03.01པར་རྗེས་སུ་མི་མཐོང་ངོ་། །ཅི་ལ་ཡང་ཆགས་པ་མེད་དོ། །བཏགས་པ་མེད་དོ། །བཏང་བ་མེད་དོ། །ཆོས་ཐམས་ཅད་ཐ་མི་དད་པར་ཡང་དག་པར་རྗེས་སུ་མི་མཐོང་ངོ་། །དེ་དུས་གསུམ་ཐམས་ཅད་ཀྱི་ཆོས་ཐམས་ཅད་ལ་གནས་པའི་སྒོ་སྐྱེ་བར་ཡང་དག་པར་རྗེས་སུ་མི་མཐོང་ངོ་། །གང་དེ་
D263.067.0160b04.01ལྟར་སྐྱེ་བ་དང་ལྟ་བ་བྲལ་བ་དེ་ཆོས་ཐམས་ཅད་གཞན་ལ་རག་མ་ལས་པའི་ཡེ་ཤེས་ཀྱི་མཛོད་ཀྱི་ཆོས་དང་ལྡན་པ་གཉིས་མངོན་དུ་མ་བྱུང་ཞིང་བདུད་བཞི་ལས་ཤིན་ཏུ་འདས་པ་དེ་ཆོས་ཐམས་ཅད་སོགས་པ་ཡང་དག་པར་རྗེས་སུ་མི་མཐོང་ངོ་། །དེ་ཆོས་ཐམས་ཅད་དང་བྲལ་བས་ཁམས་གསུམ་
D263.067.0160b05.01ཐམས་ཅད་ཀྱི་སྐྱེ་བ་ལས་ཤིན་ཏུ་འདས་པ་ནི་ཡང་སྐྱེ་བ་མེད། འཁོགས་པ་མེད། འཆི་འཕོ་བ་མེད། འབྱུང་བ་ཡང་མེད་དོ། །ཞིང་ཐམས་ཅད་སྤྲིན་མགྱོགས་པ་དང་མཉམ་པར་མཐོང་ཞིང་སེམས་ཅན་རྣམས་ཡོངས་སུ་སྨིན་པའི་ཕྱིར་ཉེ་བར་སོང་ངོ་། །རིགས་ཀྱི་བུ་དེ་ལྟར་བྱང་ཆུབ་
D263.067.0160b06.01སེམས་དཔའ་སྐྱེ་བ་ལས་ཤིན་ཏུ་བཟླ་བའི་ཕྱིར་ཡང་དག་པར་སྤྱོད་པའི་བཟོད་པ་བསྒོམ་པར་བྱའོ། །དེ་ལ་རིགས་ཀྱི་བུ་གང་གཏི་མུག་སྐྱེ་བའི་རྐྱེན་གྱིས་རྒ་ཤི་ལ་རྟོག་པར་འགྱུར། སྐད་ཅིག་མ་དང་ལྡན་པའི་སྐྱེ་བས་རྒལ་བ་ལ་འཚེ་བར་བྱེད། །སྐྱེས་བུ་གཏི་མུག་པ་འདིའི་འདུ་བྱེད་རྣམས་ཕྱི་དང་ནང་གི་སླུ་
D263.067.0160b07.01