完整藏文原文 · 德格版页 当前仅加载第 67 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩེགས་པ་འདི་དག་གང་དུ་ལྷགས། སུ་ཡི་བྱིན་གྱིས་བརླབས། བྱང་ཆུབ་སེམས་དཔའ་གཟི་བརྗིད་དྲི་མ་མེད་པས་བྱང་ཆུབ་སེམས་དཔའ་བྱམས་པ་ལ་སྨྲས་པ། རིགས་ཀྱི་བུ་དེ་བས་ན་ཆོས་ཀྱི་སྒོས་ཆགས་པ་ཐམས་ཅད་རྒྱུན་བཅད་པའི་ཕྱིར་ད་དུང་མི་སྒྲུབ་ཀྱི། འདི་གཉིས་ཀྱིས་འཁོར་
D263.067.0108b01.01བ་འཁྱིལ་པའི་སྒྲུབ་པའོ། །རིགས་ཀྱི་བུ་འདི་གཉིས་ནི་འགྲོ་བ་དང་འོང་བའོ། །འདི་གཉིས་ནི་འབྱུང་བ་དང་འཇིག་པ་ཞེས་བྱ་སྟེ། གང་མི་སྐྱེ་མི་འབྱུང་བ་དེ་འགྲོ་བ་དང་འོང་བའི་འདུ་ཤེས་ཀྱང་མེད་དོ། །དེ་འཇིག་པ་ཐམས་ཅད་སྤངས་ནས་མི་སྐྱེ་བའི་ཆོས་ལ་བཟོད་པ་ཐོབ་བོ། །
D263.067.0108b02.01འཁོར་བའི་རྒྱུན་གཅོད་པ་འདི་ནི་གཉིས་སུ་མེད་པའི་ཆོས་ཀྱི་སྒོའོ། །གང་འགྲོ་བ་དང་འོང་བ་ཞེས་བྱ་བ་འདི་གཉིས་ནི་འགྲོ་བ་དང་འོང་བའོ། །རིགས་ཀྱི་བུ་གང་བདག་ཏུ་སྒྲོ་འདོགས་པ་མེད་པ་དང་། སྲོག་དང་། གསོ་བ་དང་། གང་ཟག་དང་། ཤེད་ལས་སྐྱེས་པ་དང་། ཤེད་ཅན་དང་། འགྲོ་
D263.067.0108b03.01བ་དང་། འོང་བའི་འདུ་ཤེས་སུ་འཇུག་པ་མེད་པ། འདི་ནི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་སྐྱེས་པའམ། མ་སྐྱེས་པར་རྟོག་པ་འདི་ནི་གཉིས་པའོ། །གང་འབྱུང་བ་དང་། འགོག་པར་རྣམ་པར་མི་རྟོག་ཅིང་འགྲོ་བ་དང་འོང་བར་དམིགས་པ་
D263.067.0108b04.01མེད་པ་དང་། ཐ་དད་པར་བྱ་བ་མེད་པ་དང་། འགྱུར་བ་མེད་པ་དང་། རྣམ་པར་བྱང་བ་འདི་ནི་རིགས་ཀྱི་བུ་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །ཉོན་མོངས་པ་དང་། རྣམ་པར་བྱང་བ་དང་ཕུང་པོ་སྐྱེ་བ་དང་། འཇིག་པའི་མཚན་ཉིད་འདི་ནི་གཉིས་པའོ། །གང་ཕུང་པོ་ཡོངས་སུ་
D263.067.0108b05.01ཤེས་ཤིང་སྐྱེ་བ་དང་། འཇིག་པའི་མཚན་ཉིད་སྤངས་པ་རློམ་སེམས་ཐམས་ཅད་བཅོམ་པ། གཟུགས་ཀྱི་འགོག་པར་འགྲོ་བའི་ལམ་འདི་ནི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །འགུལ་བ་དང་། རློམ་ཞིང་སེམས་པར་རིག་པ་འདི་ནི་གཉིས་པའོ། །གང་ཚོར་བའི་
D263.067.0108b06.01འགུལ་བ་མེད་ཅིང་རློམ་སེམས་མེད་པ། གཡོ་བ་མེད་ཅིང་ཡིད་ལ་མི་བྱེད་པ་འདི་ནི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་ཚོར་བར་ཤེས་པ་དང་། ཚོར་བ་ཀུན་འབྱུང་བར་ཤེས་པ་དང་། ཚོར་བའི་འགོག་པར་ཤེས་པ་དང་། ཚོར་བ་འགོག་པར་འགྲོ་བའི་
D263.067.0108b07.01