完整藏文原文 · 德格版页 当前仅加载第 67 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ལྷག་མཐོང་རྗེས་སུ་དྲན་པའི་འདུ་ཤེས་འདི་བསྒོམ་པར་བྱའོ། །གང་གིས་རང་སངས་རྒྱས་ཀྱིས་རྗེས་སུ་ཐོབ་ཅིང་མིར་གྱུར་པ་ཐོབ་ནས་ཀྱང་སྦྱིན་པ་དང་། དུལ་བ་དང་། སྡོམ་པས་སེམས་ཅན་ཐམས་ཅད་ལ་བདུད་རྩིའི་རོར་འགྲོན་བྱ་བར་བྱའོ། །ཕ་རོལ་ཏུ་ཕྱིན་པ་
D263.067.0203a01.01དྲུག་ཡོངས་སུ་རྫོགས་པར་བྱའོ། །དྲུག་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ནས་རྣམ་པ་དེ་ལྟ་བུའི་སྒྲ་སྐད་
D263.067.0203a02.01དང་། དབྱངས་བརྗོད་པས་སེམས་ཅན་ཐམས་ཅད་ལ་དགེ་བའི་བཤེས་གཉེན་དུ་འདི་ལྟ་སྟེ། ད་ལྟར་གྱི་བཞིན་དུ་བདེ་བ་སྦྱིན་པར་འགྱུར་རོ། །དེ་ནས་སེམས་ཅན་དེ་དག་འདི་སྙམ་དུ་སེམས་ཏེ། བདག་ཅག་རྣམས་ནི་གོར་མ་ཆག་པར་སྙིང་རྗེ་ཆེན་པོ་དང་ལྡན་པའི་དགེ་བའི་སྤོབས་
D263.067.0203a03.01པ་མཐོང་ངོ་སྙམ་མོ། །དེ་ནས་བཅོམ་ལྡན་འདས་ཀྱིས་སེམས་ཅན་དེ་དག་གི་སེམས་ཀྱི་རྣམ་པར་རྟོག་པ་ཐུགས་ཀྱིས་མཁྱེན་ནས་དེའི་ཚེ་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཏིང་ངེ་འཛིན་དེས་ཕྱོགས་བཅུའི་ཆུ་ཀླུང་གང་གཱའི་བྱེ་མ་དང་མཉམ་
D263.067.0203a04.01པ་སྟོང་པར་གྱུར་པའི་རྙོག་པ་ལྔའི་སེམས་ཅན་གྱི་ཁམས་ཇི་སྙེད་པ་དེ་སྙེད་དུ་སྤྲུལ་པའི་ཕྱིར་སེམས་ཅན་ཚངས་པ་ལ་མོས་པ་དེ་དག་གི་མདུན་དུ་ནི་ཚངས་པའི་གཟུགས་སུ་སོ་སོར་གནས་ཤིང་ཆོས་སྟོན་ཏོ། །ལ་ལ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་
D263.067.0203a05.01ལེན་དུ་འཛུད་ལ་འཇུག་པར་བྱེད་ཅིང་སོ་སོར་འགོད་དོ། །སེམས་ཅན་ལ་ལ་དག་ནི་རང་སངས་རྒྱས་ཀྱི་ཐེག་པ་ལའོ། །ལ་ལ་དག་ནི་ཉན་ཐོས་ཀྱི་ཐེག་པ་ལའོ། །ལ་ལ་དག་ནི་དགེ་བའི་ལས་ཀྱི་ལམ་ལ་སྦྱོར་བས་ལྷ་དང་མི་རྣམས་ཀྱི་ཕྱིར་རོ། །གང་དབང་ཕྱུག་ལ་མོས་པ་
D263.067.0203a06.01ནས། གླང་པོ་ལ་གླང་པོའི་གཟུགས་ཀྱི་བར་དང་། རྟ་ལ་རྟའི་གཟུགས་དང་། ཡི་དྭགས་ལ་ཡི་དྭགས་ཀྱི་གཟུགས་དང་། སེམས་ཅན་དམྱལ་བ་པ་ལ་སེམས་ཅན་དམྱལ་བ་པའི་གཟུགས་ཀྱིས་དེ་དག་གི་མདུན་དུ་འདུག་སྟེ་ཆོས་སྟོན་ཏོ། །སེམས་ཅན་དམྱལ་བ་པའི་
D263.067.0203a07.01