完整藏文原文 · 德格版页 当前仅加载第 67 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
དང་སྡུག་བསྔལ་ལ་འཇུག་པ། སྐྱེ་བ་ལ་མངོན་པར་ཆགས་པར་བྱེད་པའི་བར་དུ་འདི་དག་ནི་བདེན་གྱི་གཞན་ནི་གཏི་མུག་གོ་སྙམ་པའོ། །དེ་ཅིའི་ཕྱིར་ཞེ་ན། སྐྱེ་མཆེད་དྲུག་རང་གི་ཡུལ་ལས་བདེན་པ་སྟེ། རིགས་ཀྱི་བུ་མིག་ནི་འདི་ལྟར་བདག་ནི་བདག་མ་ཡིན་ཏེ། བདག་དང་བདག་གི་མ་ཡིན་པས་
D263.067.0157b01.01འདི་ལྟར་བདག་ནི་བདག་གིས་བསྐྱེད་པར་མི་འགྱུར་ཞིང་། བདག་གང་ཡིན་པ་བདག་གིའང་ཡིན་ཏེ། བདག་དང་བདག་གི་ནི་མིག་ཡིན་ནོ། །དེ་ལྟར་མིག་ཀྱང་བདག་ཡིན་པར་རྣམ་པར་ཤེས་པ་བསྐྱེད་ནས་ལུས་ཀྱི་རེག་པའི་བར་དུ་ཤེས་པར་བྱའོ་སྙམ་པ་མི་སེམས་ཏེ། འོན་ཀྱང་མིག་གིས་
D263.067.0157b02.01གཟུགས་མ་བསྐྱེད་དེ། སྒྲས་ཀྱང་རྣ་བ་མ་བསྐྱེད་པ་ནས། ལུས་ཀྱིས་རེག་པའི་བར་དུ་མ་བསྐྱེད་དེ། རེག་པས་ལུས་མ་བསྐྱེད། མིག་གིས་གཟུགས་མ་བསྐྱེད་དེ། མིག་གིས་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་མ་བསྐྱེད་དེ། མིག་གིས་མིག་གི་རྣམ་པར་ཤེས་པ་
D263.067.0157b03.01ཡང་མ་བསྐྱེད། མིག་གི་རྣམ་པར་ཤེས་པས་ཀྱང་མིག་མ་བསྐྱེད་དེ། ཡང་མིག་གིས་རྣ་བའི་ཡུལ་རབ་ཏུ་མི་ཤེས་ཏེ། རྣ་བས་ཀྱང་མིག་གི་ཡུལ་རབ་ཏུ་མི་ཤེས་པ་ནས། ཡིད་ཀྱིས་ཆོས་ཀྱི་ཡུལ་རབ་ཏུ་མི་ཤེས་ཏེ། ཆོས་ཀྱིས་ཀྱང་ཡིད་ཀྱི་ཡུལ་རབ་ཏུ་མི་ཤེས་སོ། །སྐྱེ་མཆེད་འདི་དག་ཐམས་
D263.067.0157b04.01ཅད་ནི་འདོད་པའི་ཡོན་ཏན་ལྔ་དང་། ཕུང་པོ་ལྔ་རྣམས་ཀྱི་རྒྱུ་དང་རྐྱེན་ལ་དམིགས་པའི་ངོ་བོ་ཉིད་ལས་ཕྱི་དང་ནང་གི་ཕུང་པོ་དང་། སྐྱེ་མཆེད་འདི་དག་ཐམས་ཅད་ནི་གཅིག་ལ་གཅིག་རྣམ་པར་རྟོག་པའི་རྒྱུས་སྟོང་པར་འགྱུར་ཏེ། འདོད་པའི་ཡོན་ཏན་ལྔ་དང་ཕུང་པོ་ལྔ་རྣམས་གཅིག་ལ་གཅིག་
D263.067.0157b05.01རྒྱུ་དང་རྐྱེན་དུ་དམིགས་ཤིང་། རྣམ་པར་རྟོག་པའི་ངོ་བོ་ཉིད་ཀྱིས་གཅིག་གིས་གཅིག་སྟོང་སྟེ། གང་ནང་གི་ཕུང་པོ་དང་། སྐྱེ་མཆེད་རྣམས་ནི་གཅིག་གི་ཡུལ་དུ་གཅིག་མི་འགྱུར་ཏེ། དེ་བཞིན་དུ་ནང་དང་ཕྱིའི་དངོས་པོར་མ་ཡིན་ཏེ། ཕྱིའི་ཡང་ནང་གི་ཕུང་པོ་དང་སྐྱེ་མཆེད་རྣམས་ཡུལ་དུ་མི་
D263.067.0157b06.01འགྱུར་རོ། །དེ་ལྟར་ཕྱི་དང་ནང་གི་དངོས་པོ་ཐམས་ཅད་གཅིག་གི་ཡུལ་གཅིག་མ་ཡིན་ཞིང་། གཅིག་ལ་གཅིག་རྒྱུ་དང་རྐྱེན་དུ་དམིགས་ཤིང་རྣམ་པར་རྟོག་པའི་ཡུལ་དུ་མི་འགྱུར་མོད་ཀྱི། འོན་ཀྱང་སྲིད་པའི་ཚུལ་དུ་སྟོན་ཏེ། དེ་ཡང་སྒྱུ་མའི་ཚུལ་ལོ། །སྒྱུ་མའི་ཚུལ་གང་ཡིན་པ་དེ་ནི་དེ་བཞིན་
D263.067.0157b07.01