完整藏文原文 · 德格版页 当前仅加载第 67 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་བལྟའོ། །དེ་ལྟར་དེ་བཞིན་དུ་སེམས་དང་སེམས་ལས་སྐྱེས་པས་གལ་ཏེ་བྲམ་ཟེ་ཆེན་པོ་དང་བདག་གཏམ་བྱའོ། །གང་བདག་གི་ཐེ་ཙོམ་དང་ནེམ་ནུར་དག་བཅོམ་ལྡན་འདས་བྲམ་ཟེ་ཆེན་པོ་ལ་བདག་ཡོངས་སུ་ཞུའོ། །ཇི་ལྟར་འཁོར་ཐམས་ཅད་དང་ལྡན་པ་འདི་བྲམ་ཟེ་ཆེན་
D263.067.0172b01.01པོ་ལ་དད་པར་འགྱུར་རོ། །གང་དེ་མེའི་བརྟུལ་ཞུགས་ཅན་ནས་མེའི་ཕུང་པོ་ཆེན་པོའི་ནང་ནས་ལྷའི་བུ་ལུས་དང་། སྐྲ་དང་། གོས་དཀར་པོ་གཟུགས་བཟང་པོ་བལྟ་ན་སྡུག་པ་ཁ་དོག་མཆོག་ཏུ་རྒྱས་པས་ལྡན་པའི་བར་དུ་བལྟའོ། །དེ་ལྟར་དེ་བཞིན་དུ་སེམས་དང་སེམས་ལས་སྐྱེས་པ་
D263.067.0172b02.01ནས། ཇི་ལྟར་འཁོར་ཐམས་ཅད་དང་ལྡན་པའི་བར་དུ་མེའི་བརྟུལ་ཞུགས་ཅན་དུ་འགྱུར་རོ། །དེ་ནས་དྲི་མ་མེད་པའི་གོས་གཞོན་ནུར་གྱུར་པས་འཁོར་ཐམས་ཅད་དང་ལྡན་པ་ལ་སྐད་ཀྱི་དབྱངས་ཀྱིས་གསོལ་པ། བཟང་པོའི་ཞལ་འདིར་བྲམ་ཟེ་ཆེན་པོ་ཇི་སྙེད་ཡང་དག་པར་བྱོན་པ་རྣམས་གསོན་
D263.067.0172b03.01ཅིག །དེ་ལྟར་དྲང་སྲོང་ཆེན་པོ་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་བླ་ན་མེད་པ་སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མིའི་མཁན་པོ། སངས་རྒྱས་བཅོམ་
D263.067.0172b04.01ལྡན་འདས་ཚོལ་བ། སེམས་ཅན་ཐམས་ཅད་དང་ཆོས་ཐམས་ཅད་ཀྱི་ཕ་རོལ་ཏུ་འགྲོ་བ། བྱང་ཆུབ་སེམས་དཔའ་རྣམས་ཀྱི་ཕ། དཀའ་ཐུབ་དང་བརྟུལ་ཞུགས་དང་ཚངས་པར་སྤྱོད་པ་ཐམས་ཅད་སྟོན་པ། ཟག་པ་ཐམས་ཅད་ཡོངས་སུ་ཟད་པ། འཕགས་པའི་གང་ཟག་གི་རྒྱལ་པོ།
D263.067.0172b05.01སེམས་ཅན་ཐམས་ཅད་དེར་སེམས་པ་མེད་པ། དེད་དཔོན་མྱ་ངན་ལས་འདས་པར་འགྲོ་བ། དུས་གསུམ་གྱི་སངས་རྒྱས་ཐམས་ཅད་ཡོངས་སུ་ཤེས་པ། བསོད་ནམས་སུ་འགྲོ་བའི་བསོད་ནམས་ཀྱི་མཛོད་ཚད་མེད་པའི་ཡེ་ཤེས་ཀྱིས་སེམས་ཅན་ཐམས་ཅད་ཀྱི་བསམ་པ་རྣམ་པར་ཤེས་པ། གྲངས་
D263.067.0172b06.01མེད་པའི་སྤོབས་པས་མ་རིག་པའི་མུན་པ་ཐམས་ཅད་སེལ་བར་བྱེད་པ། རྣམ་པར་དག་པའི་ང་རོ་དང་དབྱངས་ཡོད་པས་བཟོད་པས་བརྒྱན་པ། མེ་ཏོག་གི་མཚན་ཉིད་ཅན་ལུས་དཔེ་བྱད་བཟང་པོས་བྲིས་པ། གཏང་དུ་མི་བྲ་བའི་གཟུགས་སྟོན་པ། རིགས་དང་མི་འཐུན་པར་སྟོན་པ། གཟུགས་ཀྱི་
D263.067.0172b07.01