完整藏文原文 · 德格版页 当前仅加载第 67 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པར་འགྱུར་བ་དེའི་རྗེས་སུ་འགྲོའོ། །དྲང་སྲོང་གི་ཆ་བྱད་དང་། ལུས་དང་། དབྱིབས་ཀྱིས་བདག་གི་ལུས་སུ་གྱུར་པ་དེ་དག་མཐོང་ནས། དེ་དག་འདི་སྙམ་དུ་སེམས་ཏེ། བདག་ཅག་ཀྱང་དྲང་སྲོང་དུ་གྱུར་ན། དྲང་སྲོང་ཆེན་པོ་དེ་ལ་བསྙེན་བཀུར་བ་དང་། ཕྱག་འཚལ་བའི་ཕྱིར་ཉེ་བར་འགྲོའོ། །
D263.067.0107b01.01དེ་དག་ཀྱང་སེམས་བསྐྱེད་མ་ཐག་པས་ཕྱོགས་བཅུའི་སངས་རྒྱས་ཀྱི་ཞིང་ཚད་མེད་གྲངས་མེད་པ་ལས་དྲང་སྲོང་གི་ཆ་བྱད་ཚད་མེད་གྲངས་མེད་བསམ་གྱིས་མི་ཁྱབ། མཚུངས་པ་མེད་ཅིང་དཔག་ཏུ་མེད་པ། ཆུ་བོ་གང་གཱའི་བྱེ་མ་སྙེད་ཀྱི་བྱང་ཆུབ་སེམས་དཔའ་སངས་རྒྱས་ཀྱི་ཞིང་འདིར་མངོན་
D263.067.0107b02.01པར་ལྷགས་སོ། །བྱང་ཆུབ་སེམས་དཔའི་རྣམ་པར་འཕྲུལ་པའི་ཚོགས་སྣ་ཚོགས་ཀྱི་དྲང་སྲོང་ཐུབ་པ་ལ་མཆོད་པ་བྱས་ནས། དྲང་སྲོང་ཐུབ་པ་གང་ན་བ་དེ་ལོགས་སུ་ཐལ་མོ་སྦྱར་ཏེ། ཕྱག་འཚལ་ནས་བསྟོད་དེ་འཁོད་དོ། །ལ་ལ་སྨོན་ལམ་གྱི་དབང་དང་། ལ་ལ་ངན་དུ་སྤྱོད་པའི་
D263.067.0107b03.01རྐྱེན་གྱིས་གང་ཡང་ངན་སོང་དུ་སྐྱེས་པ་དེ་དག་སངས་རྒྱས་ཀྱི་མཐུས་དྲན་པ་སོ་སོར་ཐོབ་ནས་དྲང་སྲོང་གི་ཆ་བྱད་ཀྱིས་ཀུན་ཏུ་འཁོད་དོ། །དྲང་སྲོང་ཆེན་པོ་ཐུབ་པའི་དབང་པོ་གང་ན་བ་དེ་ལོགས་སུ་ཡང་ཐལ་མོ་སྦྱར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་བློ་གྲོས་ཀྱི་ཚོགས་མཐའ་ཡས་པའི་
D263.067.0107b04.01རྒྱལ་པོ་སངས་རྒྱས་ཀྱི་མཐུས་འདི་སྙམ་དུ་སེམས་ཏེ། ཤཱཀྱ་ཐུབ་པ་བཞུགས་ཤིང་ཇི་ལྟ་བུར་འཁོར་ཡང་དག་པར་འོངས་པ་ལ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་གང་ན་སྟོན་པར་འགྱུར། དེ་ནས་དེ་ཉིད་ཀྱི་ཚེ་ན་ཤར་ཕྱོགས་ཀྱི་ནམ་མཁའི་
D263.067.0107b05.01ལམ་ལས་ཁང་པ་བརྩེགས་པ་བལྟ་ན་སྡུག་པ། རིན་པོ་ཆེ་སྣ་བདུན་གྱིས་གང་བ་སྣ་ཚོགས་འདི་ལྟ་སྟེ། དཔེར་ན་བརྒྱ་བྱིན་ལྷའི་དབང་པོ་ཞེས་བྱ་བའི་ཁང་པ་བརྩེགས་པ་ལྟ་བུ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་ལྷགས་སོ། །དེ་ནས་བྱང་ཆུབ་སེམས་དཔའ་བློ་གྲོས་ཀྱི་ཚོགས་
D263.067.0107b06.01མཐའ་ཡས་པའི་རྒྱལ་པོ་ཁང་པ་བརྩེགས་པ་དེ་མཐོང་ནས་དེ་འདི་སྙམ་དུ་སེམས་ཏེ། བདག་གིས་ཁང་པ་བརྩེགས་པ་འདི་ལྟ་སྟེ། དཔེར་ན་ཚངས་པ་མི་མཇེད་ཀྱི་བདག་པོའི་ཁང་པ་བརྩེགས་པ་དབྱངས་ཞི་བ་འདི་འདྲ་བར་སྤྲུལ་ཏེ། དྲང་སྲོང་ཐུབ་པ་གང་ན་བཞུགས་པ་དེར་བདག་བཟོད་པ་འདི་བསྟན་
D263.067.0107b07.01