完整藏文原文 · 德格版页 当前仅加载第 67 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཁྲིམས་ཏིང་ངེ་འཛིན་དུ་སྒྲུབ་པ་ལ་མཁས་པས་སེམས་ཅན་ཡོངས་སུ་སྨིན་ཏོ། །འཚོ་བར་འགྲོ་བ་དང་། གསོ་བ་དང་། གང་ཟག་ལ་རྟག་ཏུ་གཅོད་པའི་ཆུ་བོ་ལས་རྒལ་བར་འགྱུར་རོ། །དུས་གསུམ་ཐམས་ཅད་ཀྱི་ལུས་དང་། ངག་དང་ཡིད་ཀྱི་འདུ་བྱེད་མེད་པས་སེམས་ཅན་གྱི་ཚེ་རྒྱ་མཚོ་ལས་རྒལ་
D263.067.0167b01.01བར་འགྱུར་བ་འདི་ནི་བྱང་ཆུབ་སེམས་དཔའ་སྒྲིབ་པ་མེད་པའི་ཡེ་ཤེས་སྟོན་པ་ཞེས་བྱའོ། །བྱང་ཆུབ་སེམས་དཔའ་བརྒྱ་སྟོང་ཕྲག་ས་ཡ་དྲུག་ཅུ་རྩ་བརྒྱད་ལ་འདི་དག་འཆད་པ་བཤད་པས་ཆོས་ཀྱི་རྗེས་སུ་བཟོད་པ་ཐོབ་པར་འགྱུར་རོ། །རང་སངས་རྒྱས་ཀྱི་ཐེག་པ་ལ་སེམས་ཅན་བརྒྱ་སྟོང་ཕྲག་བྱེ་བ་
D263.067.0167b02.01བརྒྱད་ཅུ་རྩ་བཞི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཕྱིར་མི་ལྡོག་པའི་སར་སེམས་བསྐྱེད་དོ། །ཕྱིར་མི་ལྡོག་པའི་ས་ལ་སོ་སོར་གནས་པར་འགྱུར་རོ། །བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་གཉེན་དུ་ལྟ་བ་དེ་ལ་བོས་སོ། །རིགས་ཀྱི་བུ་དེ་
D263.067.0167b03.01བཞིན་གཤེགས་པ་འབྱུང་བ་དང་། མི་འབྱུང་བ་ལ་གནས་པའི་ཆོས་ཉིད་དང་། ཆོས་ཀྱི་དབྱིངས་དང་། ཆོས་ལ་གནས་པ་ནི་འདི་ལྟ་སྟེ། མ་རིག་པའི་རྐྱེན་དང་། འདུ་བྱེད་དེའི་བར་དུ་འབའ་ཞིག་ཏུ་སྡུག་བསྔལ་གྱི་ཕུང་པོ་ཆེན་པོ་ཀུན་ཏུ་འབྱུང་བར་འགྱུར་རོ། །འདི་ལྟ་སྟེ། མ་རིག་
D263.067.0167b04.01པ་འགགས་པས་འདུ་བྱེད་འགགས་པ་དེའི་བར་དུ་སྡུག་བསྔལ་གྱི་ཕུང་པོ་འགགས་པར་འགྱུར་རོ། །དེ་ལྟར་དེ་བཞིན་གཤེགས་པའི་རྗེས་སུ་འབྱུང་བས། སེམས་ཅན་མངོན་སུམ་དུ་བྱས་པ་འདི་དག་ཆོས་ཀྱི་རྐྱེན་གྱིས་བྱང་ཆུབ་ཐོབ་བོ། །འདི་ལ་ཆོས་གཞན་དག་རྣམ་པར་རྒྱས་པར་ཀུན་ཏུ་མི་
D263.067.0167b05.01སྒྲོགས་པར་འགྱུར་རོ། །གང་ལ་ཡང་དེ་བཞིན་གཤེགས་པ་འཇིག་རྟེན་དུ་འབྱུང་བས་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དེའི་དུས་ན་སེམས་ཅན་རྣམ་པར་རྒྱས་པར་རབ་ཏུ་སྒྲོག་གོ། །སྟོན་ཏོ། །ཡང་དག་པ་དེ་ལྟར་གཞན་མ་ཡིན་པའི་སེམས་ཅན་འཁོར་བའི་ཆུ་བོ་ལས་
D263.067.0167b06.01རྒལ་བར་འགྱུར་རོ། །ཞི་བ་དང་བདེ་བ་དང་མྱ་ངན་ལས་འདས་པའི་ལམ་ལ་སོ་སོར་གནས་སོ། །འདི་ལ་ཡང་ལུང་བསྟན་བཤད་པས་མེ་བཅུ་རྡུལ་ཡལ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུའི་སེམས་ཅན་དག་རང་སངས་རྒྱས་ཀྱི་རྡུལ་དང་བྲལ་བའི་ཏིང་ངེ་འཛིན་སོ་སོར་ཐོབ་པར་འགྱུར་རོ། །
D263.067.0167b07.01