完整藏文原文 · 德格版页 当前仅加载第 67 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་མཐའ་དང་། ཆོས་ཐམས་ཅད་ཀྱི་ཡང་མཐའོ། །གང་དེ་ལྟར་རབ་ཏུ་ཤེས་པ་དེ་བཟོད་པ་སྒོམ་པའོ། །གང་ཡི་གེ་ལ་འཁྲུག་པ་མེད་པ་དང་། ཉོན་མོངས་པ་ཐམས་ཅད་ཐུལ་བ་དང་། བརྗོད་དུ་མེད་པ་ལ་གཡོ་བ་མེད་པ་དང་། སྨྲ་བ་ཐམས་ཅད་ལ་
D263.067.0115a01.01ཆགས་པ་མེད་པ་དང་། གང་མི་སྐྱེ་བ་མི་འབྱུང་བར་བསྒྲགས་པའི་ཆོས་རབ་ཏུ་ཤེས་པ་དེ་བཟོད་པ་སྒོམ་པའོ། །གང་ཆོས་ཀྱི་ཁམས་ལ་གནས་པ་དང་། སེམས་ཅན་གྱི་ཁམས་ལ་ཡང་དག་པར་གཞོལ་བ་དང་། ཆོས་ཀྱི་ཁམས་དང་སེམས་ཅན་གྱི་ཁམས་ཀྱང་མཚུངས་པའི་
D263.067.0115a02.01ཁམས་སུ་བཟུང་སྟེ་ཐ་དད་པར་མི་བྱེད་པ་དང་། མཚན་ཉིད་ཀྱི་ཁམས་ཀྱང་འཁྲུག་པར་མི་བྱེད་པ་དེ་བཟོད་པ་སྒོམ་པའོ། །གང་ཆོས་ཐམས་ཅད་དམིགས་པ་མེད་ཅིང་བདག་དང་གཞན་མེད་པ་མི་སྐྱེ་བའི་ཕྱིར་སྣང་བ་མེད་པ། གཟུང་དུ་མེད་པ་ཀུན་ནས་ལྡང་བ་མེད་པ། ལུས་མེད་པ།
D263.067.0115a03.01བསྒོམ་པ་མེད་པ། སྐྱེ་བ་མི་འབྱུང་བ། འཆི་འཕོ་མེད་པ། བརྟེན་པ་མེད་པ། གཡོ་བ་མེད་པ། འགྱུར་བ་མེད་པ། ཡོད་པར་རྟོག་པ་དང་། མེད་པར་རྟོག་པ་དང་བྲལ་བ། སྣོད་མ་ཡིན་པ། ཡོངས་སུ་རྟོག་པ་མེད་པ། འདོད་ཆགས་དང་བྲལ་བ། རྡུལ་དང་བྲལ་བ། རིགས་སྤངས་པ།
D263.067.0115a04.01རང་བཞིན་ཡོངས་སུ་དག་པ། དྲི་མ་མེད་པ། ཉོན་མོངས་པ་མེད་པ། སྒྲོ་བཏགས་པ་མེད་པ། ཀུན་ནས་ལངས་པ་མེད་པ། འཁྲུག་པ་མེད་པའི་ཆོས་ཐམས་ཅད་མེད་པར་ཇི་ལྟ་བ་བཞིན་དུ་རབ་ཏུ་ཤེས་པ་དེ་བཟོད་པ་སྒོམ་མོ། །གང་རྐྱེན་དང་བྲལ་བ་དང་། རབ་ཏུ་རྒྱུ་བ་ཉེ་བར་ཞི་བ་དང་། ལམ་
D263.067.0115a05.01མ་རུངས་པ་ལས་ཡང་དག་པར་ཤིན་ཏུ་འདས་པ་དང་། འབྱུང་བ་མེད་པ་དང་། འཇུག་པ་མེད་པ་དང་། རིངས་པ་མེད་པ་དང་། ཡུལ་ཐམས་ཅད་ལ་རྣམ་པར་དམིགས་པ་མེད་པ་དང་། རྣམ་པར་ཤེས་པའི་ལམ་ལས་ཤིན་ཏུ་ཡང་དག་པར་འདས་པ་དང་། བཏགས་པ་མེད་པ་དང་། བཀྲོལ་བ་མེད་
D263.067.0115a06.01པ་དང་། འོང་བ་མེད་པ་དང་། གནས་མེད་པ་དང་། གནས་པ་མེད་པ་དང་། ས་བོན་མེད་པ་དང་། རྩ་བ་མེད་པ་དང་། ཡིད་བརྟན་པ་ཉེ་བར་ཞི་ཞིང་རབ་ཏུ་ཞི་བ་དང་། ཡོངས་སུ་གདུངས་པ་མེད་པ་དང་། ཤིན་ཏུ་མཐར་ཐུག་པ་དང་། ཡང་སྲིད་པ་ཀུན་ནས་ལྡང་བ་མེད་པ་དང་། མྱ་
D263.067.0115a07.01