完整藏文原文 · 德格版页 当前仅加载第 67 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ནོ། །འགྲོའོ་ཞེས་བྱ་བ་ནི་ཉོན་མོངས་པའི་བག་ཆགས་ཀྱི་རྗེས་སུ་འབྲེལ་པ་ཐམས་ཅད་འདྲེན་པ་མེད་པའོ་ཞེས་སྨྲས་པ་ཡིན་ནོ། །རིགས་ཀྱི་བུ་དེ་བས་ན་བརྗོད་དུ་མེད་པ་ལ་གཡོ་བ་མེད་དོ། །བརྗོད་པ་ཐམས་ཅད་ལ་ཡང་ཆགས་པ་མེད་དོ། །ཡི་གེའི་ཆོས་ཀྱི་དབྱིངས་ལ་
D263.067.0117a01.01འཁྲུག་པ་མེད་དོ། །བཟུང་བ་མེད་པ་དང་། ཀུན་ནས་ལྡང་བ་མེད་པ་དང་། ལུས་མེད་པ་དང་། འབྱུང་བ་མེད་པ་དང་། འདུ་བྱེད་ཐམས་ཅད་ལ་དམིགས་པའི་རྒྱུན་ཆད་པ་དང་། ཡོད་པར་རྟོག་པ་དང་། མེད་པར་རྟོག་པ་དང་བྲལ་བའི་བྱང་ཆུབ་སེམས་དཔའ་བཟོད་པ་ཡོངས་སུ་རྫོགས་པར་
D263.067.0117a02.01བྱེད་དོ། །བྱང་ཆུབ་སེམས་དཔའ་དགྲ་རྣམ་པར་འགྲེལ་བས་འདི་སྟོན་པ་བསྟན་པ་ན་སྔོན་དུ་འགྲོ་བ་ལག་{བཟངས་,བཟང་}ལ་སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་མི་སྐྱེ་བའི་ཆོས་ཀྱི་བཟོད་པ་ཐོབ་བོ། །སངས་རྒྱས་ཀྱི་ཞིང་ཐམས་ཅད་དང་ལྡན་པ་ས་དང་ནམ་མཁའ་
D263.067.0117a03.01ཁྱབ་པ་འདི་ལ་གནས་པས་མགྲིན་གཅིག་ཏུ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཇི་ལྟ་བུར་ཁྱོད་ཀྱང་ཆོས་ཟབ་མོའི་ཚུལ་གྱི་རྗེས་སུ་ཞུགས་ཤིང་བྱང་ཆུབ་སེམས་དཔའི་ཀུན་ནས་ཡོན་ཏན་རྣམ་པར་རོལ་པ་མངོན་པར་ཤེས་པ་ཆགས་པ་མེད་པའི་སྤོབས་པ་དང་ལྡན་པ་གང་གི་ཕྱིར་ཁྱོད་
D263.067.0117a04.01ཀྱིས་བདག་ཅག་ལ་འདི་འདྲ་བའི་ཆོས་ཀྱི་ཆར་རབ་ཏུ་ཕབ་པ་ལེགས་སོ་ལེགས་སོ། །དེ་ཉིད་ཀྱི་ཚེ་ན་ཕྱོགས་བཅུ་ནས་འདུས་པའི་ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་མང་པོ་ལྷ་རྣམས་ཀྱི་མེ་ཏོག་དང་། ཕྲེང་བ་དང་། དྲི་
D263.067.0117a05.01དང་། བྱུག་པས་བྱང་ཆུབ་སེམས་དཔའ་དགྲ་རྣམ་པར་འགྲེལ་པ་ལ་མཆོད་པའི་ལས་ཀྱི་ཕྱིར་འདུན་ཅིང་བརྩོན་ནོ། །དེའི་ལུས་ལ་མེ་ཏོག་དང་། ཕྲེང་བ་དང་། དྲི་དང་། བྱུག་པས་གཏོར་བས་རིགས་ཀྱི་བུ་ཡང་དེ་ལྟར་ཏིང་ངེ་འཛིན་གྱི་སྟོབས་ཀྱིས་རིན་པོ་ཆེ་སྣ་ཚོགས་སུ་བྱིན་གྱིས་བརླབས་ཏེ་
D263.067.0117a06.01ཕུང་པོ་ཕྱོགས་གཅིག་ཏུ་བཞག་ནས། བཅོམ་ལྡན་འདས་ཀྱི་སླད་དུ་རིན་པོ་ཆེ་སྣ་བདུན་གྱི་སེང་གེའི་ཁྲི་འཕང་དུ་དཔག་ཚད་སྟོང་ཞེང་དུ་དཔག་ཚད་བཅུ་པ་ལྷ་རྫས་ཀྱི་གོས་ཀྱིས་བཏིང་བ། བལྟ་ན་སྡུག་པ་རྣམ་པ་སྣ་ཚོགས་བྱུང་ངོ་། །སངས་རྒྱས་ཀྱི་ཞིང་འདིར་མུ་སྟེགས་ཅན་གཞན་དཀའ་ཐུབ་དང་།
D263.067.0117a07.01