完整藏文原文 · 德格版页 当前仅加载第 84 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
དེ། དེ་བཞིན་གཤེགས་པ་ཐམས་ཅད་ཀྱི་ལྕགས་ཀྱུ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་ལྕགས་ཀྱུ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་ཀྱི་ཕྱག་གཉིས་སུ་
D479.084.0007a01.01གནས་སོ། །དེ་ནས་རྡོ་རྗེ་ལྕགས་ཀྱུའི་དབྱིབས་ཆེན་པོ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་སྤྱན་དྲང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་
D479.084.0007a02.01དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་གདོན་མི་ཟ་བའི་རྒྱལ་པོ་ཡིན་པ་དང་། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་གདོན་མི་ཟ་བའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་
D479.084.0007a03.01མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་རྡོ་རྗེ་ལས་བྱུང་བའི། །ལྕགས་ཀྱུ་ངེས་པའི་རྒྱལ་པོ་བདག །གང་ཕྱིར་ཀུན་ཏུ་སངས་རྒྱས་ཁྱབ། །གྲུབ་ཕྱིར་ཀུན་ནས་སྤྱན་འདྲེན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
D479.084.0007a04.01ཤིན་ཏུ་གདོན་མི་ཟ་བའི་རྒྱལ་པོའི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་
D479.084.0007a05.01ཅད་སྤྱན་དྲང་བའི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང་། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་དགུག་པ་དང་། ཐམས་ཅད་ཀྱི་བདེ་བ་དང་ཡིད་བདེ་བ་
D479.084.0007a06.01མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་འདུ་བའི་བྱིན་གྱིས་བརླབས་དམ་པའི་བར་དུ་བསྒྲུབ་པའི་ཕྱིར་རྡོ་རྗེའི་ལྕགས་ཀྱུ་དེ་བྱང་ཆུབ་སེམས་དཔའ་གདོན་མི་ཟ་བའི་རྒྱལ་པོ་དེའི་ལག་པར་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགུག་
D479.084.0007a07.01